#حب_مقتول
حلقة 4
قصة من وحي الخيال
للكاتب / محمد مالك
سلسبيل...مصدومة : شن تقولي ؟؟؟!
دموع ينزلو من عيوني
طلعت من باب الحمام نبكي خشيت في حد رفعت راسي ودموع معبية دموعي
فادي: خيرك تبكي ؟؟!
سالي..وبصوت عالي: شن تبي مني انتا الثاني كل شوية تخش فيا
فادي يشبحلي وساكت
نضت وطلعت طول من الكافي ماجد وسجى شافوني لحقوني
ماجد : سالي سالي
بنفتح باب السيارة لقيته مسكر
ماجد..شدني من ايدي: خيرك شن صارلك ؟!
سالي : لو سمحت نبي نروح روح بيا
ماجد..فتح السيارة وفتحلي الباب : اركبي نخلص ونجيك
شوية سلسبيل طلعت وركبت السيارة هيا وسجى
سجى: خيرك العفو يا سالي
سالي: توا نروح نحكيلك توا معنديش نية نتكلم
سلسبيل..توترت وحست انها حقيرة ع الي داراته
سجى..شافت لي سلسبيل: ان شاء الله خير وخلاص
رن فون سجى
ناقصات يا محمد توا
ردت عليه
محمد: عيوني شن اديري
سجى: حمود شوية ونعاودلك
محمد: تمام
سكرت الخط
سالي..دموع ينزلو من عيونها وشافت لي سجى: رد بالك عليه راه ينخطف من قريبتك
سجى: شن تقولي ؟؟!...
سلسبيل حطت ايدها ع وجهة
فتح باب السيارة ركب ماجد
ماجد : تبي تقولي شن صار داخل.؟
سالي..تبكي: بعدين يا ماجد
ماجد: كلمك الدكتور حاجة ؟!
سالي: لالا
ماجد؛ براحتك
ولع السيارة ومشي للحوش والصمت سيد الموقف كان في الحظة هادي
وصلنا الحوش خشيت لقيت احمد وبابا و عمر مقعمزين في الصالون
ركبت ع طول داري وسكرتها بالمفتاح
___
ماجد خش الصالون
ماجد : السلام عليكم
عمر..احمد وبابا: وعليكم السلام
ماجد..غمز لي عمر: اييه ان شاء الله متجمعين ع خير
بابا: ع زفت مش خير
ماجد: علاش يا غالي من مزعلك
بابا: اسمع يا عمر عاجبك تقعد في الحوش وتحترم مرت بوك يا تقلب وجكك بكل معاش نبي نشوفه
عمر: لا معناها اليوم اخرلي ليلة اهنى بناخد بضاعتي والسلام عليكم
احمد؛ تي غير اصبر يا عمر شن الدوة هادي يا بوي توا
مرتك سوسة متصلحش
أنت تقرأ
حب مقتول
Mystery / Thrillerاخت تؤام تغدر باختها ع خاطر شخص ولا يسوا 💛 قصتكم اليوم معا سالي كيف حتتعامل معا مرت بوها واختها وحبيبها وعائلتها وجريمة القتل الي حتصير 💛
