#جرائم_ظالمة 2 (حقيقيه)
اسفه ع التأخير يابنات ضروف والله
كان راس نوره شبه متفجر من الرصاصه يلي عطاهولها خطيبها بين عيونها وقدام بوها وخوتها يلي راضيين 💔
ندى اختها وهنيه امها يعيطو بي اعلى صوتهم مش مصدقين يلي صار ويلي يشوفو فيه
في لحضات إلتمو الجيران وخشو خوت نوره احمد وفؤاد قعدو يباعدو في ندى وامها من علي جثت نوره والجيران كلهم مصدومين وندى في عالم تاني كلها مع بعضها دم من كثر محضنت اختها 💔
خشو قوات الردع مع احمد وغطو الجثه تبع نوره ورفعوها وفؤاد وبوه يسيقو في الدم يلي متناثر كأنه يلي مات مش بنادم كأنه ذبيحه عاديه💔
طلع صبري من الحوش وحيله مهدود 💔والدمعه في عيونه صح كان راضي ع قتل بنته بس توجعه مهما كان بنته ويلوم في روحه كيف رباها هكي لان في عيونهم نوره زانيه قبل العرس بي اسبوع وبس💔
احمد :دخل ندى وامها يلي مش قادرين يوقفو من البكي والعياط وبدي هوا وخوه يركبو في خيمة العزي بقلب بااااارد كأنهم دارو حاجه باهيه وغسلو العار بدم اختهم
في دقايق انتشر الخبر في الشارع والمدينه كلهاااا (نوره قتلوها خوتها لقوها مع واحد قبل عرسها بي اسبوع)طبعا لان مجتمعنا يحب الشهدره بذات لو دوه فيها اعرضا ناس وكل واحد يقول كان اختي راهو درت وفعلت كان بنتي راهو درت وفعلت كل واحد بيطلع روحه يعرف يربي 💔
اما منتهى لما سمعت بلخبر نصدمت وعرفت ان هيا كانت سبب في موت نوره 💔بس سكتت ومتكلمتش ولا حتا طلعت الحقيقه لانها بتفضح روحها وحذرت حسني بسرعه
حسني(يلي جاته منتهى لشقه):خذي ساكو حوايجه بسررعه وهرب لتونس خاف يجو يقيموه
اما حكيم خطيب نوره سلم روحه لردع وحكالهم كل الشي والصادم في الموضوع ان احمد وفؤاد خوت نوره شهدو زوز💔شهدو ان شافو اختهم طالعه من الشقه وحكو مع الولد وعرفو ان تجيه كذا مره
خشت نسرين اخت نوره المتزوجه تعيط وتندب قدام الناس في الخيمه ومش مصدقه يلي صار وندى حاضنتها وتبكي معاها 💔💔💔
🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥
بعد مرور 3ايام العزي:-
الشاهي والبصل وكل شي كان مفروض يندار في عرس نوره داروه في عزاها بدت الزحمه تخف وحالة هنيه وبناتها سيئه بكللللل
قبل ميدفنو نوره رفعوها لطب الشرعى عشان يأكد انها زانيه او لا وبلفعل رفعوها وكشف عليها بس الشي الغير عادي ان لحد يومنا هاذا النتيجه مطلعتش؟!!!
اهل حكيم خطيب نوره محدش فيهم جي للعزي لانهم اعتبروها زانيه وحرام يعزو فيها💔
بعد مرور شهرين علي وفاة نوره:—
