#جرائم_ظالمه 3 (حقيقيه)
الايام هيا مقصره معاكم بسبب ضروف بس من بكره يرجع النشر زي مكان ❤️تفاعلو
في وسط الزحمه هاذي كلها خشت ندى بحجة انها بتصور لبست عبايتها وغطت راسها وطلعت من الباب الخارجي بس العبايه حصلت في الباب نحت غطاء راسها وقعدت تفك في عبايتها ولما خلاص جت بتطلع حست بحد شدها من يدها
ندى:لفت وجها وقلبها بيطيح💔
حكيم:وين علي خير 😠
ندى:كأنه حد صب عليها اميه سخونه ولسانها ارتبط
حكيم:بتهربي ؟!!!منو يستنى فيك
ندى:بلعت ريقها وهيا قريب تموت....😨😨😨
حكيم:مسك يدها بقوه ....كنت عارف رح اديري حاجه ومراقبك لاكن غير توصلي عندى ياعروستي تو نتفاهمو
ندى:شافت في عيون حكيم الف حاجه شر انتقام نااااار ....نفضت يدها منه ورجعت للحوش وهيا تررررعش وخايفه موت نحت عبايتها ورجعت للكوشه جنب مرت خوها
والناس تحكي عليها البعض يسأل علاش ندى مش لابسه ڤيلو؟!والبعض التاني عارف وفاهم القصه وبعض الناس عيبو عليها كيف تاخد خطيب اختها يلي قتل اختها اصلا🤷♀️ ....وبين الكلام هاذا كله ميعرفوش ان ندى مغصوبه علي هاذا كله
منتهى:مقعمزه بي الڤيلو تمروح وعاجبها الجو وفرحاااانه ...نست انها كانت السبب في موت نوره وذنب نوره في رقبتها 💔
اما ندى قريب تمووت من الخوف ومش عارفه كيف تتصرف طول الحفله تبعت في مسجات لي حاتم
🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥
مسجات📲📲
ندى:حاتم مقدرتش نطلع شدني الحقير كان واقف ع الباب
حاتم:انا قدام الحوش كيف يصير؟!
ندى:منعلمش دبرلللللي بنمووووت
حاتم:اهدي ياقلبي تو ندير راي
ندى:به قولي شنو ندير
حاتم:اهدى وخليك عاديه بنمشي نجيب الاولاد وبنشدوكم في الطريق منقدرش نخليه يروح بيك
ندى:تمام نراجي فيك دير بالك ع رووووحك
حاتم:تم ياعمرى
سكرت ندى شاشة تالفونها وحست ان في امل ...قعدت تتفرج علي المعازيم كيف يتراقصو وجوهم مليح ...جت عينها في عين امها 💔وكانت امها تتقطع بلعرق ومش قادره تحكي
اما نسرين اخت ندى مقعمزه تساير في الناس ورجعت بيها الذكريات لعرسها💔وكيف كانت فرحانه وفيصل طاااااااير بيها معقوله في يوم وليله يتخلى عليها؟!البوم سكرت4شهور معادش كلمها ولا سمعت عليه شي ولا حتى طلقها اصلا💔
خش احمد خو ندى فرحاااان يصور مع منتهى عروسته يغنولهم وبعدين درجوهم وركبها الشقه
اما ندى لبسة كاب العرايس وطلعت مع اهل حكيم يلي جايين بسيف وميبوش ندى كنه
ندى:طلعت وعيونها ع المكان يلي ماتت فيه اختها 💔مش مصدقه انها متزوجه من الراجل يلي قتل اختها من الراجل يلي كان باني اماااال واحلام مع اختها ان رح يتزوجه ....
