𝑨𝒖𝒕𝒉𝒆𝒏𝒕𝒊𝒄𝒊𝒕𝒚- A Jamaican Love Story

𝔄𝔲𝔱𝔥𝔢𝔫𝔱𝔦𝔠𝔦𝔱𝔶 1

Jade's P.O.V

Patois starts now

Oh lawd a tiad. Mi drop dung pon mi seat inna class. Mi glad seh di ooman no come yet cause mi cah tek baddaration. Mi best friend leona tap mi pon mi shoulda. Mi tun roun.

"wah?" mi seh.
"yuh ear wah a gwan. "mi push up mi yeye brow dem.

" no obviously cause mi jus come." mi ansa har. Shi squeal an start clap har han dem like shi demented.

"well, mi hear seh nuff new boy a transfer from Calabar and dem seh dem cute."

"oh" mi suddenly thirsty. So mi reach inna mi bag an tek out mi wata bottle.

Di teacha step inna di class bout five minute lata.

"Good morning class" shi greet wi.

"Good morning Mrs. Blackwood. " di class greet har back.

" Today we will be revising everything you learnt from grade seven starting with the basics of Spanish. "

Afta wi done revise, di bell ring an signal seh a time fi di next class.

Now dis class mi no particularly like cause di teacha always a put mi inna group wid mi enemy, Sasha.

Now sasha is like di gal inna blonde ambition but dis time shi did a di Jamaican version an mi hear seh shi deh wid every man inna di school yard even di grade seven dem, but dat ano my business.

Mi an har use to be big fren inna grade seven an den from shi go inna game shop one day an man start talk to har shi feel like shi big.

Shi start avoid mi until one day shi suddenly get up di chain a chat wid di queen bitches dem.

Mi step through di class room door inna one daze an bounce inna di teacha. Shi tun roun.

"oh Jade, you should be more careful you could have hurt yourself. " shi a gwan like shi did care.

" yes Mrs. Morgan" mi seh an start walk off. Shi teach maths but mi a start fi fail it. No get mi wrong mi love maths but mi no like di teacha. Shi always a pick pon mi.

Mi mek it to class safe an sound. Mi sit down a mi seat an did teacha wait till every body come in den shi start class.

Mrs Morgan den start di class.
"Good morning class, today is revision since test is coming next week."

Di next hour only ting mi do a siddung an a look inna space.

Wen di bell ring mi not even wait fi di teacha fi dismiss di class, mi step out.

Since a lunch time mi go buy one coconut rough top and one icool since dat a di only ting mi can afford.

Once mi done mi dash weh di trash an jus walk roun di school yard. Mi walk out pon di big football field an si dem a vollyball pon di court. Mi did wan join dem but den mi memba seh di  spanish marathon a tomorrow. Since todeh a half day school, di school bell ring signal seh a going home time. Mi hurry up an grab mi bag. And step through di school gate fi go ketch di bus. Normally mi and Leona woulda walk but shi did haffi go meet har mada.

Wen mi reach inna di bus park di bus no come yet so mi did haffi wait. Meanwhile mi a wait, mi tek out mi likkle touch screen fone an mi earfone an start listen music.

Mi did a play Love situation by Jada Kingdom.

Den mi switch it to one a mi favorite. Unanswered weh Govana n Tarrus Riley did sing.

So mi start sing quietly.

"Call mi, I don't ever wanna be lonely need yuh inna mi life and yuh only without yuh inna mi world there is no mi but yuh neva ans-"