💔~فصلية زوجة اخي~💔

ان تكون بخير هذا كل ما اريده💔

وحگ كلبي النبض مابين الضلوع
وحگ روحي البقت للصبح سهرانه
وحگ عيني البجت من دمها الدموع
الك بس الگلب مفتوحة بيبانه
اعوف الدنيا لجلك وابقى اريد الموت
اذا انته ابعدت ماتسوى دنيانيه

قمر :ليث من كل عقلك
ليث :لا مننص عقلي شبيج قمر وشكو بيها
قمر : *انصدمت شديحجي  *ليث انسى هذا الموضوع ما اكدر ابادلك نفس المشاعر  باي *رحت ركض*
ليث:رفضتني  ليش هيج قمر لج حبيتج بصدك تجين تكسرين كلبي لج موووش صوجج صوجه هذا *ويأشر على قلبه*هذا الغشيم الحبج كون يوكف ولا ينبض بعد اوووف  اريد ابجي لك شوف صوجك ارتاحيت لك الحبيتها جرحتك  وحطت على جرحك ملح يربي شسوي لا اكدر انساها ولا هيا تريدني يربي اذا هيا حلالي لا تبعدها عني بجاه حبيبك المصطفى دخيلك يا ربي
قمر:وصلت غرفتي سديت الباب وارتجيت عليه وماسكه كلبي*ليش ادك سريع ليش احس نفسي سويت ذنب ليش احس بلندم يربي شنو هذا الشعور يربي بس فهمني  ماحسيت الا دموعي بدت تجري  قمرر ليش دتبجين شنو السبب مسحت دموعي من حسيت انه رهف بدت تكعد من نومها رحت اتمددت  ودموعي تجري وراسي ينفجر من التفكير 
ليث:ضليت برا اختنكت من قمر والله بس لو تدري بحببي الها والله حبيتها بجنون بس تصرفها اذاني لهذا قررت ما ازعجها بحبي بس العبره خنكتني اخاف لا يجي يوم اشوفها تنزف الغيري شنو موقفي يمكن الموت ارحملي ضليت افكر ومختنك فتت جوا انام بلكت انسى
،،،،،،،،،،،،،،
ام جهاد:بنات يلا كعدن ورانا شغل قيامه الله
قمر:كعدت الصبح على صوت امي  عيوني مورمات ويوجعوني
رهف:صحيت من نومي انداريت على قمر 😨لج قمر شنوووو هذا شبيهن عيونج جاي تبجين
قمر:يمهه فززتيني لج كلشي ما بيه
رهف: جا ليش تبجين احجي
قمر :ماكو شي بس اختنكت البارحه
رهف:سودة عليه يبعد عمري كومي غسلي وجهج
قمر :تمام اني اغسل انتو نزلو ساعدوهم واني اعزل الغرفه ماريد امي تشوفني تعرفين تضل تسئل ماريد اشغل بالها
رهف:تمام
قمر:فتت سبحت وغيرت ملابسي حطيت شويه كحل علمود مبين اني باجيه لان اعرف اذا كضتني امي ماتعوفني اذا ما تفصلني تفصال شبيه ومابيا كملت تعزيل الغرفه ونزلت امشي وتفكيري شارد لمحته فات من كدامي ردت اكله صباح الخير بس هو حتى ماوكف وراح كعد مع الولد اول مره يسويها وياي دائما اول وحده يصبح عليها اني تغير هو حقه السويته ماهو شي هين
ليث:شفته دتنزل من الدرج وعيونها مورمات من البجي بس بعدها عيونها تجنن تمشي وتفكيرها شارد ولا جنه بهذا العالم من حسيت انها شافتني انداريت بسرعه لان قررت ما اجبرها بحبي اذا هيا الي ربي راح يخليها الي لو كل هل عالم رفض واذا مو الي مو الي لو اكبر راس ادخل رحت كعدت مع الولد
قمر:رحت للمطبخ *شبيج قمر هذا الي ردتي لازم تكونين فرحانه ليش مختنكه وتريدين تبجين معقوله لا مستحيل اني اعتبره صديق وبس

منار:قمر شبيج ؟
قمر:لا قمر انتي غلطانه وهذا الشي هو الصح
منار:قمررر مو جاي احجي وياج شنو هو الصح شديصير وياج
قمر:ه..ها ولا شي بس جاي اذكر طبخه اريد اعرف المقدار الي حطيته صح لو لا
منار:اممم متاكده
قمري:اي يعمري
منار:تمام(اني متاكده بيها شي لج حافضتج حفظ تا تضحكين عليه بهيج سالفه بس عمرها ما ضمت عليه شي ليش هسى اووف يربي)