#قلب _ميت
ام احمد
البارت اول
ماهو الحب؟
احساس يتولد بداخلنا وغصب عنا!
مالنا قرار بعد!؟بالنسبه لي اعتبره لعنه وحلت عليه!
هذا الي صار داخلي منذ أن كنت طفله العب بالشارع حب طفوله بريئ عفوي نظرات إعجاب بشخص ابن عمي!
اني جنت فتاة حالمه واعيش بدور أميرات ودومي اتخيل اني أميرة وابن عمي أمير ويجي ينقذني! لما اتفرج افلام كارتون ايام طفوله مثل جورجي واوسكار جنت اتخيل روحي البطله وابن عمي هو بطل عشت بااوهام واحلام طفوليه!
حتى من جنت اوكع بالشارع أظل بالكاع وانتظره يجي يرفعني من كاع واذا مرفعني اتخيل انه اجه وانقذني!
عائلتنا عائله جبيرة متكونه من اتلث عمام واثنين عمات وكل واحد ابيهم عنده درزن جهال كلنا انعيش أبيت جدي الله يرحمه
البيت نفسه متقسم وكلمن كاعد بجهه
امي وابويه اخوتي اثنين اكبر مني وتلاثه أصغر مني
وعمي سراج ومرته عنده اثنين ولد وأربع بنات
وعمي أصغر كان بعده مزوج جديد
وعماتي كل وحده عندها ست جهال يعني من نطلع بالشارع نترسه ترس وماكو احد يكدر يحارشنا
من هاي هوسه كلها جان اهتمامي بشخص واحد هو أنمار الولد الثاني لابن عمي اشگر وعيون نرجسيه اكبر مني بخمس سنين
عمي عنده ولدين الجبير اشرف اكبر من إنمار بسنه بس عكس إنمار تماما اسمر وعيون سود وكبار بس همه هواي يشابهون بملامح بس الفرق بلون الوجه والعيون حته نفس الطول بس اشرف عند غرور وعزة وتباهي وذلك لان بيت عمي حالتهم افضل منا وايضا مرت عمي من منصور وشايفه روحها عل كل ابنها الجبير ورث طباع امه لهذا جان ابد ميتخالط ويانه ومنعزل
وطبعا عمي عند اربع بنات بعد أصغر من إنمار
طفولتنا جانت مرحه ولعب من عمري اربع سنين واني وكحه ولسان وحتى أشجار اتسلق ولا أخاف من شي حتى جنت من حيوانات مااخاف القطط والكلاب وأكثر من مره مربيه قطه او كلب
من الصبح اروح ركض عل بيت عمي سراج علمود العب ويه نور بت عمي وطبعا اشوف ابن عمي أنمار واضل اتخيل واعيش بعالم من خيال جنت اشوف روحي حلوة مع اني جنت عاديه ماكو شي مبهر بيه كاي بنت اهتم بشعري الطويل وملابسي
جنت مدبدبه رغم كل وكحاتي وحركتي بس جنت مدبدبه ومن اتحرك زايد تصير خدودي حمره طماطه وحته من أخجل هيج تصير هاي حاله كلش اكرها لان تفضح الي بداخلي!
رغم اني صغيره بس جنت رئيس العصابه ودومي فارضه رأي عل كل والكل تمشي مثل مااريد مع انه نور اكبر مني بسنتين وايه بتلاثه دومي جنت اني الي دور رئيسي باللعبه وبقيه يااما خدم او حراس هاي من نلعب دور أميرات يعني لازم اني اميره وعندي حصان وأمير هو ابن عمي الي جان كلما كبرنا يبتعد عنا لان بطبيعته صار يريد يلعب ويه الولد وينبذ لعب بنات جنت اتحايل عليه حتى اقنع يلعب ويانا ومرات اضم إله حلويات او جزء من مصروفي بس علمود يصير أمير مالتي
كلها ذكريات اذكرها زين رغم مرور سنين طويله ولساتني اعيش داخلها واتمنى لو ضاله طفله والعب بالشارع!!
_هييي انتِ صار ساعه احجي وياج شنو طرشه!
_شكو!!
_شكشاكه بگلبج گومي عل ولد مجاي تسمعيه
_صار شكد غثيث اكرهك
_هههههههاي عل اساس اني ميت عل شكولج!
