في عز السخانة واقفه 😕 وشامة الوضع شديد 😕 ومواصلات ماف😐 طلعت تلفوني وركبت سماعاتي 🙂 اصلا ياها البتفرق لي هي😌ونزلت البيانات وبقيت مفسكبة وموتسبة 😎ومشغله الاغاني وبسمع 😌 ومندمجة مع الاغنية😍ومركزة مع تلفوني 😌بس احس ليك يد بتخبطني في كتفي 🙁 رفعت راسي لقيتا بت 🙁اتكلمت معاي
طبعا انا ما سامعه اي شي غير الحفله الشغاله في راسي دي 😂شايفاها صارة وشها لي😠 طلعت سماعه واحده 😅قلت ليها: معليش انتي معااي انا؟؟ قالت لي : لا خيالك😒 ما سامعه البوري ده
عاينت وراي 😐 اشوووف ليك الناس كلها بتعاين لي 😂😂😂 والله اتحرجت شدييد😅😅 طوالي قفلت الاغاني من السماعه ، سيد العربيه يعني شاب كده عمرو زي 30 سنة قال لي ": طرشا انتي ☹️☹️ غايتو الله يصبرنا عليكم بنات الزمن ده ☹️ الواحده مركبه سماعاتا وما جايبه خبر للحولها 😒 طبعا اتغظت مع انو فعلا انا غلطانة 😑😑قلت ليهو: مالن بنات الزمن ديل ☹️ انت داخل غلط ده ما طريقك 😕 مفروض تقيف بهناك،،تعال بالمكان عديل بتختصر في الطرق مالك 😒بعدين انت جيت وراي براك 😒وتاني شي انت الناس دي كلها اسي ما وااقفه مالك ما سألتهم؟؟ قال لي : ديل ما مركبين سماعات بوري واحد كلهم زحو الا انتي حضرتك مية بوري وما جايبة للدنيا خبر 😒😒وكمان عندك خشم تتلامضي بيهو 😒😒 قال لي :اها الليله عشان لماضتك دي ما ماشي زاتو ونزل من العربيه.،، والناس يحنسو فيهو ساااي ،، النسوان الكبار. يا ولدي الله يرضى عليك ما قادرين نقيف لينا ساعتين واقفين 😢 والاولاد : يا حبوب ارح ياخ،،. ما تشتغل بيها دي ما عندها موضوع ساي 😪 واعمامك العجايز: كلو منك يا بتي اسي اكاان مشينا،، وعمك كده كبير : الله يهديكن يا بناتي،،
وطبعا ما صدقو لقو ليهم موضوع، اي واحد بقى يشارك بي قصة،، واحد شاب كده قال ليهم: انتو عارفين قبل يومين في واحده برضو مركبه سماعات وبتاع العربيه يضرب ليها في البوري وهي الطرشا ما سامعه زي اختنا واحده كده ويضحكوا. 😂😂وانا طبعا الكلام من جوة حارقني شدييد☹️لكن عامله فيها ما فارقه معاي😏 عمو سيد العربيه قال ليهم : ماشي اصلي العصر انا واشرب لي شاي 😏 وعاين لي ومشى😒 والناس منتظرة، طبعا انا حسيت بالذنب شديد ومن جوووة قلبي 💔 شلت تلفوني دخلتو في الشنطة وبقيت مدنقرة ومربعه يديني،، بعد شويه تلفوني رن 📞📞 طلعتوا ....
اانا: الووووو ايوه يا خالد
خالد: يا بت انتي وين؟؟؟
انا: في العربي مواصلات ماف 😔
الاولاد القبيل كانو بضحكوا: مواصلات في وراااقده بس خليها تخلي لماضتا 😒
خالد:ده شنو😳؟؟؟ في شنو؟؟
انا: لالا ما معاك انت
خالد: يا بت انتي كويسه؟؟
انا: كويسه يا خالد مافي شي
خالد: خلاص خلي بالك من نفسك وتصلي بالسلامة 😘
انا:حاضر ان شاء الله
وقفلت الخط😐
عاينت للاولاد الثقيلين الكانو بضحكوا،،، واحد قال لصحبو: عان المسكنة😂😂😂
سكت وما رديت ليهم،،،
بعد دقايق جا الكمساري،،،
يتبع ...
