هو: انتي عارفه انا ابوي متوفي وما بتحمل يجيبو سيرتو ساي خلي كمان يقول ما عندي ابو 😒 ما حسيت بنفسي الا وانا ضربتو ليك كككككككف 👋🏻 وانا عيوني ديل بقو شرارة بس 😡😡
وسيد العربية وقف والناس بقت تكورك يا ششاب مالك ياخ
طبعا الجمبنا كانو سامعين كلامو قالو ليهو تستاهل والله 😒لانو الود ده طول ليك بالو شديد
الراجل من شدة ما مصدوم بقى يعاين لي ومخلوع 😳
قلت ليهو: ما عشان انا حصلت لي ظروف وجبرتني اشتغل هنا وظروف تانيه خلتني انا اتوسخ معناها انت تستهزأ بي كده😒😒 واي حاجه الا ابوي الله يرحمو 💔 في بنات بكو ونسوان دنقرو وبقو يتكلمو
الحافلة كلها بقت تنقنق
زولك جا ينزل قال لي ممكن طيب؟؟
قلت ليهو : لا ما ممكن 😒 وانا الوسخان ده الليله ما زاحي ليك من الباب ان شاء الله تنزل بالشباك😒😒
صاحبك من الصدمة نزل بالباب وطقشني في كتفي وطوالي ومشى قدامنا جمب الحافلة واتحركنا عاينت ليهو ودخلت ليهو باقيهو في جيبو وقلت ليهو ما تنسى انك تعقم نفسك الليله 😒😒
قال لي : عليك الله اعفي لي💔💔💔 وانا اسف والله واتعلمت منك درس بس اعفي لي اعفي لي
والعربيه ماااااااشة 😢قلت يا وائل انت اكبر من كده ما تمسك في قلبك😊
وفعلا ابتسمت 😄وقلت ليهو خير والعفووو بس قبل ما تقول كلمة راجع حسابتك 😊ومشينا على كده
قلت ليهو: ده موقف واحد اسي فما بال بقية المواقف؟؟😢
هو : اييييييييييك انا لو حكيت ليك لحدي بكرة ما بكفي مواقف😅😅😅
انا: عاوزة اسمع😢😢
هو: وجن الزمن وبكرة نحن شغالين 😊
انا: يعني حا تحكي لي متين تاني؟؟
هو : لمن نكون سوا ان شاء الله❤
انا: يعني بكرة مثلا؟؟
هو: لا لمن نكون برانا انا وانتي بس 😊
انا:😅😅خير
" طبعا ما فهمت قصدو "
هو: وجن معليش سؤال محرج شوية 😅😅😅
انا: اتفضل 😊
هو: في انسان في حياتك؟؟؟
انا: ايوه 😊
هو : سكت مساااااااااااااافة وقال لي دايما حظي كده عموما ربي يسعدكم ان ششاء الله😊 وتصبحي على خير
انا: وانت من 🙂🙂 الوووو الوووو
الخط فصل
قلت امكن رصيدو خلص انتظرت 5د ما رجع اتصلت 📞📞
هذا الرقم مغلق حاليا 💔
قلت معناها قفل كهربا 😌
ونمت على كده
الصباح صحيت وصليت واستحميت ونزلت كالعادة تحت للشاي مع امي وابوي وخالد 😊
شربت الشاي وطلعت مع خالد
خالد في العربية : يا وجونتي عاوزك في موضوع كده 😅
انا: اها شمارررر😍😍 قول قول
خالد: انا عاوز نونة😅 عاوز اتزوجا 🙈
انا:😳😳😳 انت جادي يا خالد؟؟؟
خالد: ودي حاجات بهظرو فيها كمان،؟؟؟؟
انا : لالا بس ما مصصصدقه😍😍😍😍😍😍😍 انا ونونة في بيت واحد 😍😍
خالد: ااااي بس بس انا قاصد كده🙈
انا: لالا بعرف قصدك انا😂😂😂👋🏻
هو: يا زولة ابردي
يلا انا كلمتك بصفتك اقرب واحده ليها هي عندها انسان في حياتا؟
"" انا هنا اتذكرت كلام وائل😱 معقول وائل يكون فكر فيني؟؟""
خالد: يا بت مالك ؟ 😒
لو في قولي عديل ما مشكله كل حاجه قسمة😊
انا: لالا ياخ نونة ما مرتبطة😅
كان في واحد من دفعتنا اسمة محمود معحب بيها شديد وطلب ايميلا واتواصل معاها واتصل عليها وكان عاوز يتقدم ليها وهي رفضت وعلى كده خلاص تاني ماف
قال لي : خلاص كدي انتي شوفي رأيها شنو وكلميني 😉
ونزلت اتصلت على نونة قالت لي انا وصلت تعالي طوالي
قفلت منها وائل اتصل علي
وجن كيف اصبحتي؟
قلت ليهو الحمدلله وانت كيفك؟
قال لي : كووويس الحمدلله وصلتي المشتشفى صح؟ قلت ليهو : ايوه انا اسي جمب الباب 😊 وقفلت الخط
ودخلت شفتو ليك من بعيد وعيونو حمر
قلت يا ساتر مالو 😳 مشيت اتجاهو وسلمت عليهو
وسألتو
مالك عيونك حمر كده؟؟
هو: لالا ماف شي 😅
انا: اووووكي طيب
اتصلت على نونة جاتني في حوش المستشفى وبعداك دخلنا
واتواصلت ساعات العمل مع تيم الدكاترة واغلبيتو كانو بنات
جا وقت الفطور ونزلنا الكافتريا في قسم خاص بالدكاترة طبعا
مشينا انا ونونة حكيت ليها الحصل كلو نونة دي لمن بكت وقالت لي وجون نحن زمنا ده كلوووو ظالمين ود الناس
قلت ليها اي والله
نونة اسمعيني😅 عندي ليك شمار والله 😂😂
نونة : اها ارح ارح😍😍😍😍😍
انا: خالد عاوز يخطب 😌
نونة:😳😳😳😳
بالجد؟
انا: اي والله 😊😌👋🏻
نونة: ايوا كويس ما شاء الله😅 ربي يتم ليهو على خير
انا:😂😂قصدك يتم ليكم على خير
نونة:😳😳 كم كم كم؟؟؟
كم منو😳
انا: انتي وهو 😉
نونة: وجن ما تتعولقي في شنو 😅
انا: خالد قال عاوز يتقدم ليك وقال اشووف رايك اول😅😌
نونة: طيب انتي رايك شنو🙈
انا: وانتي لاقية انا اكون حماتك 😂👋🏻سبحان الله عان دي كمان😂😂👋🏻
قطع ضحكنا داك وائل يا دكاترة ازييكم
سلمنا عليهو
وسألنا فطرتو؟؟ قلت ليهو : وشربنا عصير كمان
هو: طيب اتفضلو معاي
انا ونونة : بالهنا ليك يا رب😊
تلفوني رن 📞📞📞
مؤمن؟؟؟
انا: الوووو
مؤمن : وجون كيفك ووينك يا بت ما ظاهرة؟؟
انا: موجوووده والله انت الما ظاهر 😅
وائل رفع راسو وعاين لي😏
مؤمن: وكيفك وعملتو شنو؟ وزعوكم ياتو مستشفى؟؟
انا: وزعونا مستشفى ال ......
مؤمن: ما شاء الله ونونة معاك؟ 😅
انا: اكيد معاي❤
مؤمن: معليش لو اتصلت في وقت ما مناسب بس انا مسافر دبي وقلت اودعك قبل اسافر
انا: وليه ما كلمتنا عشان نعمل ليك وداع بالغت والله
مؤمن: والله سفرة جات مفاجأة بالنسبة لي 😌
انا: لالا خير ان شاء الله 😊 توصل بالسلامة
مؤمن: وتحياتي ليهم كلهم في ناس ما عارفين سفري دي كلميهم وقولي ليهم العفو والعافيه ❤😊
انا: يصل ان شاء الله 😌
مؤمن: وجن سؤال شخصي 😅😅😅
انا: اتفضل 😊
مؤمن: انتي مرتبطة؟؟؟؟
انا: ااممممم انا 😅😅😅احممممححم احم وقفلت الخط
نونة الحقيني😱 عاينت لقيت وائل مركز معاي
سقت نونة وطلعت برة وخيرتها
قالت لي :طيب انتي وقت ما مرتبطه كذبتي على وائل ليه؟؟؟
انا: انا ما عارفه اسي اختار منو
اختاري لي انتي😢😢
نونة: وجون دي حياتك انتي ودي الحاجه الوحيده ال ما ممكن انسسان يختاراا ليك لانها مصيريه ❤❤
لو عاوزة رأيي استخيري والخير فيما اختاره الله😉
تلفوني رن ووائل جا طالع
ورديت
مؤمن: معليش لو السؤال ضايقك 💔💔
انا: لالا العفو بس انا حاليا حياتي مافيها انسان انا استودعت نفسي لربنا وهو حيختار لي الخير ❤
مؤمن : ده احلى رد سمعتو في حياتي 😍 واكيد لو ربنا كاتب لينا قسمة سوا بناخدا😅
انا: فعلا والله قسمتنا ما معروفة وين ❤
وعاينت ل وائل😊
طوالى مشى مننا
واصلنا يومنا عادي ووائل ما ظهر نهاي😅😅
رجعت البيت طبعا خالد كان كلم امي ب نونة😉
واول ما وصلت البيت ودخلت لقيت الاسرة الكريمة امي وابوي وخالد منتظرين ردي 😅😅
عملت رايحه طبعا وسلمت عليهم وماشه اطلع غرفتي كده خالد مسكني من يدي
قال لي وووووووووووووووووين ماشه انا من الصباح منتظرك عشان تجي طوالي وتمشي😂😂😂😂👋🏻
اها اها نونة قالت ليك شنو؟؟
يتبع........🔥🔥🔥🔥🔥
