انا: اااااي والله😅😅
هو: طيب يا ستي ده مووووضوووووووع طويل
لكن حا حاول اختصر ليك😊❤
وبدأ يحكي......
انا يا وجن اهلي ما هنا في الخرطوم😊 نحن من قمنا في النيل الابيض يعني انا من الولايات والخرطوم دي جيتا امتحنت فيها تالته ثانوي وياهو واصلت الجامعه😊
خلصت الجامعه وانا بصرف على روحي براي
اخر سنة لي في الجامعه ابوي الله يرحمو اتوفى 💔
وبقيت مجهجه وما عارف اعمل شنو
بالي مع اخواني ال هناك وفي نفس الوقت ما قادر اخلي مجالي
خلصت اخر سنة دي بالنية بس😊
وما قدرت اتخرج مع اصحابي لاني ما كان عندي امكانية للتخريج 💔
انا: اها 😢😢
عندك اخوات بنات؟
هو: عندي ايوه
3بنات وولد
البنات 2في المدرسة وواحده دخلت الجامعه اول سنة ليها اسي😅
والولد اسي ممتحن شهادة اساس😊
انا: ماشاء الله ❤ ربي يحفظكم 😊
هو : تسلمي
انا : طيب واصل
يلا يا وجني انا مريت بمواقف بس اقول الحمدلله😊
انا: ممكن تحكي لي بالتفصيل؟؟؟
هو: طيب
رحلة الكمساري دي كانت من اشد الرحلات ألما بالنسبة لي💔
بالرغم اني كنت بتظاهر غير كده 😅
انا: ااااي لاحظت ليك بتحاول دايما تتكون مبسووط😅
هو: الله ينور عليييييك😍😍
لكن من جوة انا بنزف دم💔💔
انا: طيب ليه اشتغلت كمساري؟؟
هو: عشان اخواني 😢 ماف انسان الزمن ده بساعد انسان الا ما ندر 💔 انا خليت كل شي وجيت الخرطوم هنا وفتشت شغل بعد تعب لقيت شغلة الكماسرة دي
وياهو منها الواحد قدر يوفر لاخوانو حق الدراسة 😊
انا: وعندك اهل هنا ول قاعد مع منو؟؟
هو: ما عندي يا وجن 💔 انا حياتي كلها من جيت هنا قضيتا في العربية انضفا واغسلا واراجعا يوميا 😌
انا: وبتنوم وين؟؟؟؟
هو: في العربية زاتا 😅
'' انا هنا دموعي جرت😭😭😭''
قال لي: يوم برد يوم سخانة يوم مطر وانا جوة العربية 😊
انا: امممم 😢😢😭😭
وبتاكل كيف؟
هو: الاكل ده بالنية بس مرات يوم كااااااامل بكون اكلت عيشة واحده ومرات عادي ما باكل 😅 كل هدفي لمن ناس البيت اتصلو علي ويقولو لي مضغوطين في المبلغ ال كدا
؛بكون هدفي كلو جمع المبلغ ومعاه 200على الاقل زياده عشان لو احتاجو لحاجه ما يسألو انسان 😊
انا: 😢بالجد انت عانيت شديد 😭💔
هو: وجن انا عاوز احكي لانو الكلام ده انا كاتمو لي سنين 💔 فما تآخذيني في حاجه😢
انا: لا احكي انا حابة اعرف عنك اكتر واكتر 😊
هو: انتي عارفة اكتر حاجه بتعذبنا نحن ككماسرة شنو؟ الاهانة والذلة لمن نكون راكبين وعاوزين نجمع القروش
والله بنسمع كلام طول حياتنا ما حصل سمعنا زيو
يعني اهانة كده مبالغه ياخ الواحد لو ما كان مجبور يشتغل كده في انسان برضى لنفسو الذلة؟ ياخ الواحد تقول ليهو ارح يا ادينا 😊 اول حاجه يعاين ليك نظرة استفذاذ من تحت لفوق ويضحك ضحكة استهتار وبعداك يديك ده لو اداك طوالي 😏 ولو ما اداك يقعد يتلائم معاك 😒 ومرات ينبزك وينبز اهلك 💔
انا: 😢 مبالغه طبعا
واصل ....
هو :وجن انا قبل كده حصل لي موقف عمري ما بنساه لمن اموت
اليوم داك العربية كانت معطلة في المنطقة ليها يومين يلا اتوسخت شديد بعد اتصلحت طبعا مفروض انضفا وفعلا كنت لابس قميص ابيض بي اسود مع اني كنت عارف الابيض حساس مع النضافة بس كنت مجبور البس كده ،، المهم بديت انفض في العربية والغبار كلو كان في جسمي واتفقدت لساتك العربية واخر حاجه شلت باقة الزيت حق العربيه في يدي واتوسخت بدون ما اشعر مسحت يدي على البنطلون كان لونو اسود بس برضو ظهر 💔 من مكانا داك وانا كنت وسخان بس غسلت يديني ومسحت شعري وركبت ،، ياهو سيد العربيه قال لي ارح اشحن لينا عربي 😌 قلت ليهو طيب
وفعلا بقيت بكورك
عاااااااربي عرررررررربي عاااااارررررااااابي الخرطوم 😅
انا: طبعا صوتك بعجبني لمن تقول باااااحرررررري😂
هو:😂😂 جد
انا: اي والله 😂😂 وبحاكيك على فكرة الكهم ارح واصل😅
هو: عجيب😂😂 اها وانا واقف جمب باب العربية الورا مكان الناس بتركب شفتي؟ جا واحد كده نضيف نضافة مباااالغه شكلو شغال ليهو في شركة قال لي : هييييي انت يا شاب زح كده ول كده خليني اركب 😏
قلت ليهو: طيب اتفضل يا حبوب 😊
قال لي: حبوب مين يا ولد ما تتظارف فيني زح لي
قلت ليهو: يعني انا قافل طريقك؟؟
واثناء ما نحن بنتكلم جا واحد جمبي وركب عادي
عاينت لزولك النضيف ده وقلت ليهو : اسي الشاب ده دخل عادي مالك انت؟؟
قال لي: الاسي ركب ده طقش جزء من جسمك الوسخان ده وانا مسسسسستحيييييل اجي جمبك فعشان كده وسسسسسع لي لو سمحت 😏
انا يا وجن اللحظه ديك حسيت بألم جواي بس نهاي ما وضحت ليهو ورديت ليهو وانا مبتسم: اتفضل يا مدير 😊
عاين لي تاني من تحت لفوق وضحك بي صوت عديل وضحكة كانت استفذاذية جدا
قلت في نفسي اسكت اخليهو احسن 😌
بعد العربية اتملت هو طبعا قعد في الكرسي ال دايما انتي بتقعدي فيه😅😂
انا: الوراك طوالي ده؟😅😅
هو: ايووووه وطبعا عارفة نظامي اول حاجه بشيل من الناس القدام
لمن جيت طقطقت ليهو قال لي مالك؟؟
قلت ليهو : حقنا يا معلم 😏
قال لي: خلاص زح مني شوية عشان ما اتوسخ 😌
يعني معقول انا وسخان للدرجة دي؟؟ سكت قلت في سري الله يسامحك😌
طلع لي خمسين جديدة ولمن مداها لي حاول يجرحني بيها وفعلا اتجرحت لانو القروش كانت جديده شديد
انا: وسكت ليهو يا وائل😬😬 ده حقير جدا وقاصد يعمل كده😭😭😭
هو: دقيقة اتم ليك قال لي امسح الدم بي قميصك عادي او ممكن بي بنطلونك الكلو زيت ده😂😂😂
ما قدرت اتمالك نفسي وقلت ليهو : انا محترمك للان لانو خاتيك في مكان ابوي 😊
هو بصوت عالي : هو انت عندك ابو يعني😂😂😂😂😂😂 وبقى يضحك 😂😂😂
انا: 😳 وائل وعملت شنو؟
يتبع.....🔥🔥
