بارت الثاني عشر
مرحبا ياحلوين
❤❤❤
كالعادة اسئلة بنهاية البارت جاوبو عليهن حبايبي
ام حوراء.. انت شنو جاي تحجي
حيدر.. هذا اخر كلام يمي
ام حوراء.. كلامك الك بقي احنة بتنة مننطيهة الكم
حيدر.. مو بكيفج
حسن.. والله والله اذا اطر الامر انهي عليهة
ام حوراء.. وربك ننهيكم ونشمركم ورة الشمس مو عبالكم ماالكم رداد جاين وبكل عين وكحة ومااخذين رأينة شنو خدم يمكم وبعدين ابوهة هوة الي يقرر مو عمهة
الجدة.. استهدي بالرحمان ياام حوراء هو ابن عمهة واولة بيهة من الغريب
ام حوراء.. والله حتة هل قرابة مانريدهة
حيدر.. قسما بذات الله اذا حجيتي كلمة زايدة وربج هسة اجيب السيد يزوجهم
رعد.. وينهة حوراء؟؟
ام حوراء.. فوك بغرفتهة
رعد.. روحي كولي الهة خلي تنزل
سجاد.. بس والله خوش قرار
ام حوراء .. انت اسكت احسن الك
سجاد.. له له له ليش مو اني ابن عمهة واريد مصلحتهة
ام حوراء.. لك انت من ياطين مخلوق هاا من ياطين خلك واحد مهتلف وضيفتة الضحك على الناس
حيدر.. انتي عود ليش مسكتين
ام حوراء.. مااسكت اولا لان هاي بنتي وثانيا هذا بيتي اذا ميعجبك كلامي لتسمعة مامجبور
حيدر.. روحي جيبي حوراء
رعد.. اي ام حوراء روح جيبهة وتعالي
حوراء.. درت وجهي جان يم الباب علاكة مال سم فار اخذت قراري النهائي واتجهت للعلاكة مااكدر اهدم حياتي وازوج حسن مستحيل واكعد بيت عمي حيدر ومااكدر اترك دراستي الموت الي اهون من ما اوافق على زواجي فتحت السم واني مترددة وخايفة من ربي واعرف هذا الفعل من المستحيل الله يغفر الي بس عسى ولعل انو مااتعاقب يكفي عقابي بالدنيا
شربت السم واني مغمضة وايدي ترجف ضليت كاعدة على الجرباية ومفعول السم جاي يبدي يمشي بجسمي والوجع كطع معدتي واني باخر لحضاتي استغفر ربي لحد مااجة وجع حيل قوي حسيت روحي راح تطلع من جسمي واني انازع كدام عيوني صار اسود وغواش وصار صوت وشة بأذني ومااحسيت على نفسي من بعدهة
ام حوراء.. صعدت للغرفة واني مااعرف اشلون اكول لحوراء هذا الخبر بعد ماجنت فرحانة بتغير حوراء للاحسن كلبي كل يوم يتكطع عليهة
ردت افتح الباب مينفتح ضليت ادك ماكو اي صوت
ام حوراء.. هاي ليش قافلة الباب احتمال نايمة
حوراء حووووراء كومي رايدتج بشغلة
ضليت ادك الباب عليهة ماكو اي صوت وحتة الضوة مفتوح وهيو متكدر اتنام اذا الضوة مفتوح
كلبي كام يلعب وزاد الشك بكلبي ضليت ادك اقوى واقوى لكن ماكو اي صوت نزلت بسرعة لرعد
ام حوراء.. رعد رعددد
رعد.. ها خير شبيج
ام حوراء.. حوراء حوراء متفتح الباب
رعد.. ليش
ام حوراء.. مااعرف الحك بسرعة
