الحلقة الثالثة ....
وفضى علينا الحوش وكل حد روح عشان عطلة 15. يوم. انتهت
ومدارس قعدت معانا حنينة .
وخوالي لأن بعيد تمو يجونا كل خميس وجمعه
وعماتي كل يوم يجن ويمشن
ياحبيبي يابابا مر ع أستشهادك شهر بس مازلنا نذكرو في اخر ليلة تعشينا فيها مع بعضنا
يارب صبرنا نعليا حوشنا قعد فاضي بلاك ياسندي😭😭😭
......ً...........
طبعآ بدت المدرسه ومشينا
عند تيماء فالمدرسه
الأبله توزع في كراسات الواجب ع الطلبه
الأبله......بشرى فلان الفلاني
تيماء.......انهارت وتمت تبكي ونزحت من الدموع
الأبله .....كنك ياتيماء كنك ياحبيبتي ليش تبكي
بشرى الله يرحمها يا أبله بشرى توفت 😭😭😭😭😭😢😢😢
بشرى سيبتني وعدت
الأبله .....إن لله وإن إليه راجعون لا حوله ولا قوة إلا بالله العلي العظيم الله يرحمها ونعم الطالبات خلاص ياحبيبتي ادعيلها بالرحمه ماتبكيش عليها
تيماء.......😭😭😭😭
روحت تيماء من المدرسه
وخشت
فوز ......كنك يا يمي كنه وجك اصفر
تيماء .....تحكي وخانقتها العبره يامااامااا اليوم الأبله😭😭 جابت كراس بشرى ونادت عليها وماردت
يامااااماااا انا قعدت بروحي مكانها فاضي 😭😭😭 وكل دمعه وراها شهقه 😭😭😭
فوز......نعلي يابشيرة نعلي لصغيرة 😭😭 لحقت خالها 😭😭
ومرن الأيام وتيما كل يوم فالأسوأ ومريضة ويوم تمشي وعشره لا
........................
ومرن الأيام ونحن في مرض،تيماء اللي،مش،عارفينا شنو
والظروف اللي كل. يوم اسوء
وجا اليوم اللي تفك فيه ماما لرباط
وكأن عزاء من جديد
الحوش تعبا
فوز........... نبي نفك رباطي ومازلت مش مصدقه غيابك يا زهاي
مازلت مكذبه كل حاجه غصه خلوها في قلبي حسبي الله ونعم الوكيل فيهم 😢😢
غزل........نعلي ياحبيبي يابابا ياعيوني يارب يارب صبرنا يارب نار في قلوبنا من يوم ميته 😭😭😭😭 نعلي يا كسرتي السوده فيك نعلي ياكبيدتي
نسيم........قاعده فالمطبخ مع البنات نساعد فيهن
دموع بس ونار غضب وقهر في قلبي
نفكر والله ياباتي مايهنالي بال إلا لما نعرف من قاتلك من اللي قزنوني
عارفتهم الدواعش بس نبي نعرفهم من 😭😭😭😭😭
.....................
بابا والله مايستاهل القتل
كنت كل يوم في كل صلاة ندعي علي داعش
يارب نفس مايتمونا يتم عيالهم
يارب اقهرهم في اعز ماعندهم
يارب لا ترفعلهم رآية ولا تحققلهم غاية
يارب موتتهم كيف موتت بابا واشر
حسبي الله ونعم الوكيل فيكم
غصة خليتوها في قلبي
انتم الخوارج اللي،مذكورين فالقرآن
الشي اللي اديرو فيه لا يرضي ربي ولا عبده
طبعآ هم دايرين بابا طاغوت ليش لأن ظابط😭😭😭
حسبي الله ونعم الوكيل
بابا الملائكة بذاتها بابا اللي شاغلينا الناس كلهم
اللي دايرينه طاغوت كان يقول مش اي جيش يخش لدرنة
لازم جيش نظامي عشان مايخربو ويسرقو ويقتلو
كان يجري ع البوابات عشان يحط عسكريه كويسين ويعاملوا أهل درنة معامله كويسه
بابا اللي كنت ادافع عليهم وتقول شباب صغار مغرر بيهم الدوله اللي. سببتلهم وكنت متعاطف معاهم
بابا اللي كان كل دفعة من العسكريه يدربها
يكون لهم صديق من ظابط
بابا اللي يحن ع الصغير والكبير
اللي حرمونا منك يابابا هم اللي مغرر بيهم تحكي عليهم
يازهاي يازويلي ياشخصيتي السمحه والله ماتستاهل هالقتله
كم من عيلة يتمتوها كم من عيلة شردتوها
كم من طفل خليتو في قلبه حسره ع بوه
حسبي الله فيكم 😭😭😭😭
