الحلقة الخامسه√
وأستمرت غزل تحكي مع مراد
وفي خوف وكملتها مصبيتلها إيناس😂😂
وماتحكيش،إلا مره فاليوم بس
لعند مرن اسبوعين وغزل ترجا في مراد يفتح موضوع الخطبه!!!!
تجرأت وحكت
رن عليها
ردت ببرود
غزل......هلا 😒
مراد......اهلين 😍😍 شخبارك
غزل........تمام 😒
مراد .......كنك 😮
غزل......شي 😒
مراد .......غير احكي بس 😕
غزل......مراد أسمع انا أصلآ ماعنديش فالوجيج وافقت
لأن ع حسب كلام اختك ناوي الحلال ونيتك بيضه
مراد .......اها وهذي نيتي انا والله
غزل........أسمع انا مش راح نرد عليك ومعش،ترن إلا لما تكلمني اختك وتقول جيين غير هكي مايمشي معاي الجو هذا باي😒
إيناس......يامطرشقه شن درتي😨😨
غزل.......اها يستاهل أصلآ😑
إيناس.......😂😂😂😂 أسمالله عليه المسكين طاح في وحده مطرشقه
والعشيه هذكي ماما طلعت ماشيه اللمه مع الجارات
وكسدنا نحن وإيناس
درنا قهيوتنا وكسدنا برا فالسور
وعصرنا وسهاري تقول لنا سنين ماتلاقينا
وترن عليا ضحى
بحتت في،نوسه بصوت غريب ضحى😨😨
نوسه......😨😨😨
خشينا للحوش جوا وسيبنا نسيم والبنات برا
رديت ونوسه جنبي
غزل .......أيوا
ضحى ......خيرات مرت خوي
غزل......😨😨 هلا شخبارك
ضحى......تمام الحمدلله قتلك
غزل.......نعم 😖
ضحى........بكرى كان قاعدين نبو نجوكم
انا من الصدمة بدال مانقول مرحبا 😂😂?
غزل......شن تبو جيبن 😡😨😧 قصدي عليش قصدي مافهمتك 😫😫
إيناس شوي وتموت من الضحك 😂😂😂😂 الله يخربيتك يازوزا خربتي الدنيا 😂😂😂😂
ضحى.......😂😂😂 لا جايين نبو نشرو الحوش
غزل.......بس نحن مانبيعوش فيه حوشنا 😕
ضحى........حق ربي حد علمي بيك شاطره شن الغباء هذا 😂😂
جايين نخطبو يا عبيطه قوليها لأمك وردي عليا
غزل.....ماما مش قاعده توا مش حاتكلم ماما مرحبتين بيكم بس ماتقولوش قدامها ان حكيت مع مراد توا تقتلني
ضحى.......تمام جايين انا وماما بس تعارف وحاتفتح موضوع الخطبه والجيه الثانيه نجيبو خالاتي وعماتي وبعدها رجاله
غزل.......تمام مرحبتين بيكم
ضحى......تسلمي باي توا
غزل......باي 😨
..................
غزل........نوسه😭😭
نوسه....كنك تبكي ياحصله 😂
غزل.......خايفه😭😭
نوسه......أس معاك انا ياحيوانه بلا حركات 😡😡
غزل.......اها نسيت معايا باتمان 😒😒
نوسه.......تفي 😂😂😂
غزل.......مش مجهزة شي وانا بحتي وجي شنباتي 😨😨 وشكلي بعد توفيت بابا معش قربت شي يكسف ومش مجهزين لا حلويات ولا موالح شن نحطولهن 😭😭
نوسه.......غير أستهدي بالله واسكتي ياهم 😒😒 خالو أسعد الله يرحمه له سنة ومعاها متوفي خلاص سدكن حزن حرام عليكن
وتوا نجهزوك فالليل انتي هي توا نمشو نلبزو موالح وحلويات مع القهوه وسلطة فواكه ونقولو لخويله ادير مثروده
غزل........ماما 😨😨😭😭حي عليا كيف نبو نقولوها لها هي الأخرى
نوسه.....عادي توا تقوليلها صاحبتك كلماتك ويبن يجن يخطبنك لخوها بس لا تزيدي لا تنقصي 😊
وقعدنا نجارو كيف الهبل 😂😂😂
وكل وحده ادير في حاجه
ونجهزو 😩😩
جت خويله ع المغرب خشت علينا فالمطبخ
فوز......😨😨 فيش اديرن كيف في طلبية
نسيم ......ماعنديش،دخله انا سألتهن قللي تعالي ساعدينا وانتي ساكته توا نحكولك بعدين😑
غزل......باي انا نبي نخش للحمام حشاكن 😢😢
فوز.......كنها البنت 😕
نوسه......😂😂 بنتك تبي تجوز يا خويله
فوز......كيف 😨
نوسه......توا نحكيلك ضحى صاحبتها كلمتها وقلتلها انتي عاجبتني ديما ونحن اندورو لخوي ومالقيت احسن منك وبكرى لو قاعدين نبو نجوكم انا وماما نتعرفو وبعدها لو وافقتو نجيبو صبايا ورجاله 😊
فوز.......😱😱 وشن قالتلها
نوسه.......انا قلتلها قوليلهم مرحبا 😊
فوز.......شن نحطولهن نعنشكلن 😱😱
نوسه......هي ياخويله شدي الهمه معانا وربي يسترنا😂😂 لعند لأن درنا ثلاث انواع موالح وغزل تبي ادير نوعين اخرى
وانا ونسيم توا نديرو نوعين مع القهوه
وانتي يا خويله ديري مثروده تنور😁😁
فوز.......اه منكن يا ريا وسكينة 😑 تمام توا نمشي نعجن المثروده ونمشي انحمي التنور وانتن كملن
