هلاوو اشلونكم شخباركم طبعآ هاي اول قصة اكتبها قصة واقعيه واول مره اجرب اكتب وان شاءالله تعجبكم واتمنئ تنطوني رائيكم حتئ اكمل 😊💙
🌿🌿🌿🌿🌿🌿🌿🌿🌿🌿🌿🌿🌿🌿
🍁🍁🍁🍁🍁🍁🍁🍁🍁🍁🍁🍁🍁🍁
تعجبكم ((البارت الاول ))
تحجي القصه عن ضلم الامراءه
جانت اكو مريه عمرها 48 سنه جانت كلش فقيره وحيل حبابه ونادرآ نلگه شخص نفسها ف المريه ابد ابد متطلع ومنعزله حتئ اهلها ماتروحلهم فقط بالعيد ..ف ب 2011 طلعت ع صديقة الها راحت تأدي واجب ..ف من رجعت وهيه بالطريق لگت مجموعه نسوان دايحجن (( بالسحر )) ف هيه سلمت وراحت للبيت لان ابد ماعدهه هيج سوالف ف رجعت للبيت هية عدها بنات 2ولد 2 وابوهم مجان اكو احد بالبيت غير بناتها الساعه 11:00 الام اسماء وبناتها سمر وسدر ف سمر جانت بعيده متختلط مومثل سدر تختلط ويا امها مثل منگول جانت هيه صديقة امها ف گالتلها ضهري يوجعني وبطني داحسها تشگگ بنتها جانت صغيره عمرها 13سنه ماتعرف كلشي واول مره تشوف امها بهل حال ،،گالت الامها يمه اشلون شسوي وين اروح ،،امها كالتلها روحي ع بيت عمتج ف سدر رحت ع بيت عمتي وصحت ع بنت عمتي وجبتها وياي بنت عمتي اسمها زهراء عمرها 19سنه هم ماتعرف شي خابرت ع امها كالتلها يمه عمتي اسماء كلش مريضه تشكي من وجع بضهرها وبطنها ام زهراء كالتلها ((حرري خبزه ع طباخ وخليها ع ضهرها )) ف سوت هل شي زهراء بس ماشفنه اكو تحسسن ..بقينه للمغرب بعدهي نفس الشي ماتحسنت ودازيت حالتها سوء رحت ع امي گتلها يمه هاج هاذا القرآن خلي يم بطنچ بلگت الله والقرآن وتصيرين زينه ..گالت امي بعد عيني يالقرآن اريدك اتشفيني وتروح الوجع ..دخيل اسمك يالقرآن ..بقينه اني وزهراء يم امي وننتضر انريد حل كلشي ماانعرف وزهراء زوجها يريدها گالتلها امي روحي بس لاتجيبين طاري العيالج..كوليلهم مابيها شي ..ف راحت زهراء وبقيت اني واختي وامي اختي كلشي ماتعرف بس كاعده يم امي واني احتاريت دانتضر يسوولها حل وشبعت بجي ..لان مادنعرف اشبيها وديناها بالليل المستشفئ هم تحاليل وسونار وتخطيط قلب گالوا قالون عصبي وضغط عدها انطونه علاج يوم كامل وطلعناها من المستشفئ ...ف اليوم الثاني داسووء حالتها امي مااعرف اشبيها نضرتها تختلف تباوعلي بعين گمت اخاف منها ..😔💔..ابويه گال لازم نوديها الشيخ او السيد يشوف حالتها والله وديناها .گالولنه(( مسويلها عمل مشربه)) بقينه فتره نودي بيها الساده ..طبعا ابد مااكو فرق وديناها اخير مره اني وابويه وخالي ومرت عمي ف قرأ عليها وره اشويه صاح خالي ..گاله مو مال سيد ودوها الدكتور حالة نفسيا...ف بعد انتضار حيل طوويل وايام كلش صعبه رجعت العافيه الامي والحمدلله صارت نفس قبل واحسن بس بالعلاج من دكتور حاله نفسيا ..((سدر..ف مرت الايام ونسينه كل الايام الصعبه وطبعا كبرت صار عمري 16سنه ..واخويه فؤاد عمره22 رحنه نخطبله بنت خالي مريم عمرها 17 وكملت الخطوبه والعقد سيد ومحكمه وصار العرس ..وحيل فرحنة ..ومرت الايام .فـ.برمضان 🙄🙄🙄😐 جنه طالعين اني ومريم وفؤاد ع بيت بنت خالت امي.جنه نضحك ونشاقه وسوالف طبعآ سمر وامي مايحبن يطلعن مو مثلي اختلط واطلع ويا مرت اخويه وين متروح..فأجئه دگ تلفون فؤاد اشو طلع بره يحجي وره ماسد الخط اجه ضايج وگعد اشوية وگال يلا گومن نرجع للبيت ،،الساعه 10:00 رجعنه اللبيت طبعا مريم كالتلي جوعانه راح اسوي عشه كتلها سوي اني هم ميته جوع ..ف راحت للمطبخ وصاحلي فؤاد گالي سدر گتله ها گالي روحي نامي ..😞 گتله ليش شكو شصاير گالي روحي نامي خالي عامر اخذو الجيش ..وروحي نامي اخاف احد يجي او تطلع السالفه احنه منريد نكوللهم لان مريم حامل وامي مريضه نخاف عليهم ودنيا الليل .ف خليت ورحت بغرفتي حتئ احاول انام .مااجاني نوم صاحتلي مريم گتلها ماريد راح انام ..عاد نمت گعد بالسحور جان اخويه وسام عمره 21سنه جان ديغسل گتله وسام شخبار خالي شصار ماطلع عاط بوجهي گالي شمدريني عفته رحت غسلت حتئ اسحر گلت الابويه گال بعده ..صار الصبح گعدنه ابويه من الساعه 5:00الفجر گال راح يجينه خطار ..راحت مريم تسوي ريوك الها والـ امي وتركص وتشاقه وتضحك وتكولي راح يجون عليج خطابه وازوجج واخلص منج وامي تگول راح يجي ..عامر..عامر يصير خالي ابو مريم ..گالت راح يجي لان البارحه سمعت كالو جاي..ابويه سكت عاد تريگوا وره اشويه ابويه گاللنه الجيش هجمو ع بيت عامر ومنطقته والمگتول مگتول والجريح بالمستشفئ امي مابجت بس حيلها گام يرجف امي كالت لا بس عامر ميت ابويه كاللها كولي يالله بالمستشفئ همه وعامر اتوفه روحوا بدلو حتئ نروح ..اجوي جيرانه وبنت خالت امي عياط وانگلب البيت بس عياط ،،وبدلنه وطلعنه من البيت ..حتئ نروح للفاتحه لكينه كلها ملتمه بعدهم دينصبون الجادر ))🙄😳....يتبع🌿
