((البارت الثاني )).......ف من رحنه شفنه اهواي ناس.وعائله خالي جايين من منطقتهم طبعآ بعيده منطقتهم علينه تقريبآ ساعتين ونص اله نوصل الهم ..كمل اليوم ..وامي بقت بالفاتحه هيه ومريم اني واختي وابويه رجعنه للبيت حتئ نرجعلهم ثاني يوم..صار ثاني يوم وثالث يوم نروحلهم الصبح ونرجع بالليل .. خلصت الفاتحه وبقت مريم يم اهلها ..واحنه رجعنه للبيت.مرت الايام ..ف مريم صارلها 6اشهر حامل وعدها مراجعه الرعايه الحوامل ..ف يوم 17/7 رحنه اني ومريم وابويه للمستوصف ..رحنه وكملنه كلشي طلعنه ف دنصعد بالسياره دگ تلفون ابويه وخابره اخوية گاله امي اتمرضت وحيل تعبانه..ف بالطريق وعطلت السياره واني بالشارع شبعت بجي اشلون حظ منا امي تعبانه كلش ويمها بس سمر واخويه ومنا عطلت السياره بينه ف اطرينه نرجع مشي ..ف وصلنه للبيت لگينه امي نايمه وكاعدين يم راسها اخويه وابن عمي ..وهيه ذابه نفسها حيل تعبانه وسمر بغير غرفه ..مگالو شصار وياها او اشبيها. اني اجيت تعبانه ومنا حيل مقهوره وخايفه ع امي سألتهم اشبيها امي محد جاوبني بقيت اصيح وابجي متكولولي اشبيها ..گالو اتخربطت غسلتلها وفرگت جتوفها وغسلت اديها ورجليها الان لگيتها مصخنه..خلص اليوم وامي بس نايمه وكوه تاكل ..وهم وديناها الدكتور گال بيها فقر دم وضغط وسكرصاعد ..وبعدها تعبانه ونايمه بس تاكل وترجع تنام حجي مااتحجي ويانه ..عبالنه لان السكر صاعد .بقينه نحجي وياها ماتحجي بس تباوع علينه وديناها السيد گال مصدومه والصدمه قوية ابوية گاله اخوها گتلوا ..گال اي مصدومه وماتحجي ،ف بقينة نودي بيها وانجيب ..منا الاما بقت بل شهر صارلها من مريضه ف يوم من الايام الساعه ب 7ونص جانت نايمه امي لان تعبت من الطريق ،،ف من گعدت الساعه 8:00 گامت تحجي ويانه وگالتلي تغديتوا گتلها يمه دنيا الليل گالتلي ها وباوعت بالغرفه وع باب شافتها ضلمه ..رحت سويتلها عشه وتعشت وصارت زينه ف رحت ع بيت عمي صحت عليهم طبعا واني دابجي من الفرح لان ماتوقعتها ترجع تصير زينه كل ماتتمرض افقد الامل واكول ساعة الساعة تموت 😳☹..اجتي بنت عمي كتلها امي صارت زينه وداتحجي كالتلي الحمدلله مو گتلج تصير زينة ..المهم مر شهرين او اكثر ،،ف مرت اخويه مريم طبت بشهرها وامي زينه رجعت نفس قبل كلشي ماابيها ف مريم صار عدها والاده بقيت مكالت الاحد بس اليه بقينه گاعدين بره اني وياها طبعا اني ارزلها حتئ تمشي وبقت تمشي شويه وترجع تكعد وبقيت ادعي 😁😂 واكول كون وره 12اله تجيبين حتئ نصير اني وياها نفس الشهر واليوم ،،اني عفتها الساعه ب 12ورحت نمت وطبعا گلت الامي گتلها يمه الله عليج من يصير عدها والادة وتردون ترحون للمستشفئ گعديني صار الساعه وحده اندگت علينه الباب كعدت لگيت خالت مريم ومرت عمي يمنه ولگيت مريم داتغسل رحت حضرت ملابس الجاهل وكم شغله يحتاجوها.. امي ماكدرت تروح لان انخاف عليها ف راحت وياها خالتها ومرت عمي و،خابرو الاسعاف واجتي للباب وراحو للمستشفئ طبعا اني مااكدرت انام من الفرحه واخوني من الفجر يدورون ريوگ سويتلهم ع اساس رحت اريد انام يم امي بس مااجاني نوم خليت ورجعت بمكاني وكل هاذا وسمر نايمه 😁 كعدنه الصبح خابرناهم گالوا بعدها ف صارت الساعه ب 11الصبح طلعوا من المستشفئ ف اجتنه ابنيه وسميناها رقيه ،،تكول خالت مريم 😂تسولفلي وتكولي سدر بالسياره وگلت للبنيه عابت هل وجهه نفس وجه عمتها جان تكوم تبجي من هسه تحبج ،،وامي كالت اليوم عيد ميلادج وهاي البنيه هديتج 🙂طبعآ اول مره اشوف جاهل بأول يوم اله هيج حلو واني ابد مااحبهم اول مأيجي ع دنيا نفسي تلعب منة 😐😁بس بنت اخويه تجنن مورمه وحليوه خدودها حمر وبوستها 😍😍 ف يوم الثاني اجونه گرايبنه و....يتبع
