أسير الناز

الجزء الثاني

أسر:بص يا سيدي انا سرقت الفيزا كارت بتاعت لانك قافل بتاعتي صح .
صلاح بنرفزه: اه يا حيوان و كمان بتعترف و بتسرقها لي يا كلب
أسر:بابا انا أسف بس مش كان معايا فلوس و الخروجه المرادي كانت عليا اما بقي حوار العربيه فنا فعلا خبطها بس والله خبطه صغيره جدا ده خدش اصلا .
صلاح بضيقه بال: أه أه مهو باين هي فين بقي العربيه.
أسر: في التوكيل طبعا .
صلاح في التوكيل عشان خدش يا حيوان .
أمينه : خلاص بقي يا حاج سيبه بقي في حاله تان يا حبيبي انت
أسر :و الله انت احلي ام في الكون
بابا مش تخاف انا هعوضك .
صلاح: تعوضني علي اي ولا اي ولا اي يا كلب انت اعمل حسابك من بكره هتنزل الشركه مش كفايه مراد ابن عمك هو الي بيساعدني في أمور الشركه ده هتنزل يعني هتنزل نهايه الكلام.
أسر :خلاص يا بابا حاضر هنزل بس بقي علفكره مراد كان معايا امبارح هه.
صلاح :مراد ده حسابه بعدين العاقل الوحيد الي في العيله يعمل كدا .
*********
في منزل ناز
إيلاف : يا ولاد يلا الفطار.
جاسر: صباح الفل
ياسين: صباح العسل
ناز : أجدعااااااان انا الي عملت الفطار هبقي ست بيت شاطره اوي  انا عارفه
رؤوم : ست بيت شاطره اوي عشان عامله بيض محروق يا شيخه اي ده .
إيلاف: هههههه لا ده كانت عامله بطاطس محمره بس فحمت فرمتها كمان .
ياسين 'انا خايف اكل البيض ده ماما بالله عليكي اعملي لينا فطار يلا انا جعان .
ناز: اخص عليكم هه محدش ياكل البيض انا هاكله.
رؤوم :بابا الرحله يوم الجمعه الجاي .
ناز :اي ده في رحله الله .
رؤوم: اه يختي الله
جاسر: ياسين اعمل حسابك هتروح معاهم و هتوديهم بالعربيه بتاعتك مش هيركبوا باص.
ياسين: ايه لا طبعا انا هتعب من السواقه .
رؤوم :ايوه يا بابا بعدين الرحله حلاوتها في الباص عشان خاطري مش كفايه ياسين جاي معانا .
جاسر: ها يا ناز مش هتعترضي انت كمان ولا اي.
ناز :انا انا مش مصدقه بجد مش مصدقه هطلع رحلههه ياااااااس اخيراا💃 بابا انا موافقه علي اي حاجه انت هتقولها والله لابوسك .
جاسر: بنتي حبيبتي تربيتي .
رؤوم: اه واحنا تربيه مين بقي علي كدا .
ياسين: المهم يا دكتوره رؤوم الرحله كام يوم.
رؤوم: تلاته يا قلبي تلاته .
ياسين: يا صلاه النبي احسن .
بابا انت مش واخد بالك اني عندي شركه وبشتغل.
جاسر: يا سلام وانت من امته بتهتم بالشركه هتروح مع اخواتك رايح رايح انتهي .
ياسين :لا إله إلا الله حاضر يابا الحاج حاضر.
جاسر :اتكلم حلو مع ابوك يا ولد .
إيلاف: يلا تعالوا كلوا .
******** في منزل أسر*****

أسر اما الفطار عسل يا ماما تسلمي .
ريم :بابا .
صلاح :يا عيوني .
ريم :بص في رحله هتطلع من كليه صيدله و صحبتي ليلي قالتلي عليها ينفع اروح معاها هو عادي اني اروح .
صلاح :امممم ماشي روحي بس أسر معاكي .
أسر: بابا اي ده لا . انا مش هطلع انا مع شويه اطفال.
ريم: أسر علفكره انا مش طفله و بعدين مش تخاف كل الدفع طالعه و ممكن عائلاتهم  كمان.
أسر: بالصلاة على النبي اشطا انا جاي جاي .
ريم :عيل حيوان شوفتي يا ماما ابن زير نساء .
أمينه :بنت عيب مش تقولي علي اخوكي كدا.
*********
يوم الرحله
رؤوم :ناز انت غريبه والله هي اول مره تطلعي رحله اي كميه الشنط ده ده تلت أيام بس.
ناز: وهي مبتسمه و هتموت من الفرح :: اسكتي انت انا جايبه شنطتين بس .
ياسين: انت يا زفته حد يلبس كدا وهو طالع رحله
ناز :في اي في لبسي ده جيبه و قميص بحملات .
ياسين: لا غيري الجيبه قصيره البسي  اي حاجه مريحه اكتر .
ناز :اففف حاضر بس جهز النضاره بتاعتي بالله عليك مش لقياها .
ياسين :تمام باين اخر مره كانت في العربيه بتاعت رؤوم .
ناز :اشطا جيبها .
*******
ريم :أسر انجزززز الباص هيمشي و يسيبنا .
أسر : يا بنتي م تخافي مش يقدر  .
ريم:  طب بالله عليك انجز .
أسر :خلاص خلصت لم الهدوم.
ريم :مش قولتلك تلمهم من امبارح يا عم اي ده لازم علي اخر لحظه .
أسر: خلاص يا ريم خلاص هسوق بسرعه و نوصل للباص مش تقلقي .
"*****
رؤوم : ايوه يا ياسين هو ده الباص اقف بقي .
و في نفس اللحظه كان وصل أسر و ركن العربيه جنب عربيه ياسين .
كان ياسين و رؤوم و ناز واقفين قدام الباص بيحطوا الشنط .
و كان أسر و ريم بيطلع ا الشنط من العربيه بتاعتهم لسه.
........
ناز : ياسين جبت النضاره .
ياسين:  اوبس هو انا جبتها من عربيه رؤوم بس نسيتها في عربيتي روحي حاتيها منها بسرعه
ناز: تمام  المفتاح .
راحت ناز العربيه بس عربيه أسر كانت راكنه و ساده الباب لان الناحيه التانيه كانت الحيطه .
ناز اففف اي الحيوان ده راكن العربيه ازاي اوصل انا للباب ازاي دلوقتي  اي ده ده سايب الشباك بتاع عربيته مفتوحه والله ليندم .
في الوقت ده كان أسر واقف مع ريم وريم شافت ليلي صحبتها فراحت ليها و هو كان بيحط الشنط في  الباص و فجأه سمع صوت الزمور بتاع عربيته .
أسر :اي ده مش معقول تكون العربيه . هي و الله هي
والله لاربيك يلي بتعمل كدا .
أسر وصل لعربيته ..
ناز: حيوان و عماله تزمر في عربيته .
أسر راح : بسم الله الرحمن الرحيم اي ده ملاك ده ولا ملاك . ووقف متنح ليها ...
ناز: انت بقي صاحبها اكيد لو سمحت يا أستاذ ده مش طريقه تركن العربيه فيها حضرتك سادت الطريق لعربيتي .
أسر واقف متنح فيها مش بينطق
ناز :يا أستااذ انت يا أستاذ يا بني ادم انت.
******
رؤوم: اففف يا ياسين ناز اتأخرت روح شوفها .
ياسين : حاضر يا اختشي منا خلاص بقيت الحارس بتاعكم يارب نطلع من الرحله ده بحاجه كدا او كدا ..........
ناز:  علفكره كدا اسمها قله زوق انا بكلمك المفروض ترد .
ياسين : ناااااز في اي مين ده انت يا أخ
أسر لعدم وعي : الله أسمك ناز معناه اي ده .
ياسين بغضب: اي يا روح امك انت انا ممكن اعرفك معناه عادي متحترم نفسك كدا.
ناز : خلاص يا حبيبي سيبه بس بس انا مش عارفه اوصل لباب العربيه
أسر :لحظه هحرك  العربيه .
ناز :يالهوي ما كان من الاول يا أستاذ .
بعد فتره
ياسين :ها يا ناز خلصتي .
ناز: تمام جبتها.
و كان أسر واقف بيراقبها من بعيد وكان شويه زعلان انها بتكلم ولد تاني ومصحباه .
أسر: افففف اي ده يعني يوم ما قلبي يدق الاقيها بتحب .
دخلوا الباص وكان ياسين جنب رؤوم و ناز قعدت في كرسي و محدش جنبها و كان أسر لسه داخل شافها قاعده فراح ليها و قال........