السلام عليكم
اريد اتغير ..شلون اتغير؟ ..شسوي واتغير؟ زين شلون احافظ تغييري؟
اول شي هو التوكل بالله من بعد النية
اليوم نويت اتغير ..يله ..بسم الله وبالله❤️
اجي اكعد وي نفسي كعده طويله وحتلو اخلي ورقة وقلم يمي ... هيج سويت بحياتي هذا ذنبي هذا ذنبي هذا غلطي ... اجمع ذنوبي كلها وحتلو اكتبها كتابه ميخالف
افكر اني ليش ردت اتغير؟ شنو الدافع اللي خلاني اقرر هيج من دون الباقين؟ مليت من طريق الذنوب؟ اختنكت؟ تعبت؟ تاذيت؟ خذلوني البشر وقررت اروح لرب البشر؟ لو لان احب الله قررت اتغير لاجله؟ لو لخاطر صاحب الزمان؟ حتى امهّد للقاعدة المهدوية؟
احدد سبب تغييري واكتبه بخط كبير وأخلي ببالي 💚
واكول بسم الله الرحمن الرحيم واجيب الورقه الكتبت بيها الذنوب واحركها! اي احركها! احرك ذنوبي كلها وادير الصفحه وابدي بصفحه جديدة ..حياة جديدة..
ابدي التزم باوقات الصلاة💚
ابدي اقوي علاقتي بالله💓
ابدي اتقرب من اهل البيت واقوي علاقتي بيهم💓
ابدي اتقرب من صاحب الزمان❤️
ابدي امسح الاغاني، اغير اصدقاء السوء ، امسح الصور الموحلوه بجهازي ، اغير كلشي بيه ... حتى ترتيب كنتوري اغيره ..وحتى تسريحة شعري اغيرها وحتى شاشة موبايلي وكللللشي🍃صغيرة وكبيرة بيه ..
اسوي علاقة خاصة وي القران، ولو صفحة وحده باليوم ...
ابدي اترك الذنوب
واخلي ببالي شي كل ذنب احبه واتركه لاجل الله راح يعوضني رب العالمين بالاااااااااحسن وعن تجربه💓❤️
راح يبدي ابليس يدخل
يشوقني لايام قبل
لاغنية فلان
للفيديو الفلاني
للعلاقة الفلانية
يبدي يخليني اتذكر الايام واحن
وهناااا ...اذا هزمت ابليس واصريت ع التغيير راح انتصر وانتصر وارفع رأس صاحب الزمان❤️وراح اتقدم هواي واوصل لاشياء ماجنت اتوقع اوصلها🍃
كل انتصار على ابليس راح يقابلني رب العالمين بهدية
وع حجم الانتصارات تجي الهدايا🍃💓
