صرخات غير مسموعة

بارت15

#البارت15

🌹🌹صرخات غير مسموعه🌹🌹

🌱🌱بقلمي ام غايب🌱🌱

شوفني رساله مرسوله لهذا الرقم

شهد وينج ....شتفقنه احنه

من شفتهه كمت ارجف وابجي .....والله مااعرفه

يكلج شهد ....لج انتي تضحكين عليه تريدين ....يكول اسمج وبغرفتج الجهاز وتكولين ماادري

ادري.....الله يخليك اسمعني

مااحس اله ضربني راشدي وكام يدفع بيه .....الصمي
والله مو الي ببالك

فارس/....لج انتي شنوووو فهميني .....شنو

اني كتلك من رحت للسوك وهجم عليه هذا والله ......والقران هو انطاني هذا الموبايل بس اني ذبيته بالمي وروح شيرين اختي الي ماتت مظلومه ولا اتصلت بي ولا حجيت وَيَا رأساً عطلت الموبايل جان واكف ولازمني من ايدي

الله يخليك صدكيني والله هذا الي صار

وانتي ليش مكلتيلي ....فهميني ليش مكلتيلي وشلون اصدك بيج ودفعني وكعد عَل جربايه وخله ايده على راْسه 

كعدت بالكاع وايدي على رجله

والله هذا الي صار فارس

تدرين.....يوم بعد يوم اتندم لان تزوجتج ..

والله مو الي ببالك  ولا قصدي الله يخليك فارس صدكني .....
تدرين اني هسه حاير عيون عمي الحزينه هيه الي واكفه بعيني والله وله انتي متستحقسن تبقين يوم واحد على ذمتي

فارس

اششششششش لتلغين حسج مااسمعه ابد ساعه سوده مصخمه الي حبيتج بيهه والي قبلت اتزوجج بيهه انتي وحده قذره متستحين اي شي

بقيت اباوع انصدمت من كلامه أنفاسي صارت سريعه وبجيت كمت من يمه وردت اطلع من الغرفه

فارس/وين موليه

للحمام  وطلعت وعفته  معدت ابجي بالحمام .....خفت بيومهه اكله الـ فارس انطاني موبايل ابد مجان قصدي اسوي شي  خربته للموبايل بس هو مأخذ السيمكارت والجهاز طلع بي سيمكارتات اثنين

وراهه دكت الباب عليه مريم

شهد.....شهد متجاوبين

ها مريم
طلعي من الحمام

طلعت.....شكووو

شبيج تبجين

زادت بجيتي ورحت للغرفه

متحجين

شبكتهه وبجيت .....وسولفتلهه

مريم/يعني فارس هو حقه .....اي واحد بمكانه هم هيج يسوي

شهد/زادت بجيتي ....يكول متندم لان حبني .....فارس بطل يحبني .....كل مره من ادخل للحمام ابجي يجيني هسه حتى مكلبني