صرخات غير مسموعة

بارت6

#البارت 6

صباحكم سعاده احبتي

هذا البارت برعاية فارس وشهد فقط
هاي طاقتي مااكدر انزل اكثر  وان شاء الله من باجر يرجع النشريومي

🦋🦋صرخات غير مسموعه🦋🦋
   🦋🦋بقلمي ام غــايب🦋🦋

حسّيت حركه بالغرفه  والكنتور انفتح .....كلت يجوز عمه دتعلك ملابسه

اخر شي فزيت من صوت الكحه مو مال عمه خوله مال رجال

فزيت وكعدت على حيلي جان الكلوب طافي وضوه خفيف  اباوع واحد شطوله

شهد/فارس

احجي ولا كأنما .......صحت فاررررس مو

لا شبح فارس

ليش متجاوب ......هاي اجيت

لا بعدني ......وسد الكنتور وفتح الكلوب

ابتسمت .......مو علساس متجي

اجيت عندج اعتراض

كعد عَل جربايه ينزع حذائه انطاني ظهره........

شلونك فارس

جنت زين بس هسه لا

قصدك من شفتني

تقريباً

وشكو صعدت لعد .....أصلاً عمه خوله تريد تنام هنا يمي

غير الكائنات كلهه جوه وحرجتني عمتج كالتلي انت نام يمهه

قصدك على شهد تنام يمهه

دار وجهه عليه ......اي شهد  تقصدين

شهد مرتك

رفع حاجبه انتي شدتحجين

كاعد اكول اسمهه الي تنام يمهه تره عدهه اسم

اللسانج لا اكصه .

غطيت راسي بالغطه ........شايف روحه والله يا ربي عباله ميته على شوفته ....اذا اني بت شوارع مثل مكلت فأنت مجرم وذباح

سمعته طلع من الغرفه ......طلعت راسي من البطانيه اخذت نفس......والله ياربي تعبت هسه شسوي مفروض

خل ارجع انام احسن الي .....اكيد مراح يصعد .....درت وجهي للجهه الثانيه وره شويه حسّيت الباب انفتح كفختني ريحة الشامبو

شنو مفرغ العلبه كلهه .....أنوب تعطر وراهه كعد علـ جربايه ....سمعته ورث جكاره ........مجان يشرب جكاير.....هو جان يحجي عَل ولد

وينصحهم ...

وراهه نام عدل وتغطه حسيته دار وجهه وانطاني ظهره

درت وجهي وجسمي على كيف ردت اباوع علي مااعرف اكو مشاعر بداخلي متناقضه مرات احبه ومرات اكرهه من اتذكر شيرين انصدمت لكيته هو مداير وجهه وهم يباوع عليه جان الضوه قليل