يمه من فتحت نقطه دم مضلت بيه لكيت روحي نايمه ع رجلين حيدر هوه كاعد ع جربايه ومرتاج ضهره وراسه ع حايط وخال راسي بحضنه من شفت هيج متت كلت هسه انفضح وصير سالفه شكبره
كبل عطت حيدرر شدسوي ماحس لن صم حلكي بيده اش اش شبيج ما مسوي شي بلقران
اني يحجي وارجف واريده يوخر ايده من حلكي ماكو مجلب دفرته ع بطنه حيل كبل صاح ولج قندره راح اهدج مو تعيطين كمت ائشر براسي ولدموع تنزل
شو هذا واخر ايده وحضني سحب راسي على صدره وكام يحجي يعمري بس اسكتي ونبي دموعج يجوني لتبجين شتردين اسويلج ولج والله ما صبرت ولج داليا عافتج ونامت وحق القران حرارتج رتفعت وما تحملت كاعد واسويلج كمادات ولج ترجفين شجاج بس باعيلي يروحي انتي جا ما عندج ثقه بيه ولج اخاف عليج من كلشي بس من روحي ما اخاف شون ائذي روحي واني احبج بس سكتي اني ما تحملت ماعرف شجاني وهذا يحجي بهمس كبل دفنت راسي بصدره وكمت احجي واعاتبه حيدرررر بداعه امي وامك والله عوفني اذا تحبني عوفني يا اخي ماتحملل هيه كوه شو جلبت بيه واني ماريدك ونبي اذا تجبرني يحيدر موتي يصير بذنبكم محسيت بس من نهضني وخله راسي بين ايدينه لج ولج بس كليلي شون اعوفج واني ما عولت تصيريلي مره ولج ونبي احبج ليش تحركين كلبي كافي يدانيا لجمتيني من نخطبتي وهسه هم تردين تعيديه بس ما اخليج سوين لبراسج لو تنزل الملائكه
وراح اعوفج ع راحتج وخري مني دفع راسي حيل ع جربايه وباسني من كصتي وطلع ونوب عمتي فزت وتصيح شغلو اضوه شنو هاي الطركعه داليا شو كومي شوفي اختج دا تشهك من سمعت هيج غطيت راسي وخليت البطانيه بين سنوني اكتم شهكاتي وابجي وداليا اسمعه دكله مابيه شي هسه حشوفه كامن شغلن اضوه واجتي كشفتني سويت روحي نايمه كامت تصيح دنو دنو كومي غسلي عركانه شو بس لا حرارتج رتفعت داست راسي كالت لا نازله بس شو وجهج مخنوك عفته كتله مابيه شي ونبي نعست نايمه صفنت كالت ديله لعد حرجع انام من رجعت اسمع عمتي دكله يولي يداليا عمه شو هذا حيدر ما اشوفنه هنا بس لا عافنه وراح واخذ ع خاطره البارحه داليا دكله لا عمه ماكو هيج شي بس حته ماعرف بي وين هسه اشوفه خاف بره ديله عمه ماكدر اكوم شوفي وين اجتي عليه دكلي دانيا دانيا ادق بيه جفلت كتله ها شرايده يولي اشوفج انتي ويا بينكم شي ومهججه الولد تره شكيت اني مو غشيمه رفعت راسي يولي انتي هم بطرانه ع ربج شوفيني بيا حال وسئلين ع حماج روحي خابري وشوفي وين وغطيت راسي اسمعه دكول اي اي انهزمي ليش ماعرف بيج وخلت وطلعت واني ضليت افكر بس لا صدك راح وشراح اكول لهلي باجر اذا سئلو عنه وره شويه داليا دخلت عمتي دكله ها يدالي كالت لا عمه لا يضل بالج هياته كاعد بلطرمه صحتله كال شويه وادخل عمتي كالت ها هم زين عبالي عافنه
لا عمه شيعوفنه هسه يطب جوه اني حنام ورجعت نامت وره وين سمعت طكه الباب اجه دخل خله ايده ع راسي يشوف حرارتي اني اصنعت انوم واسمعه جر حسره وراح لفراشه ونص اليل بس يتكلب
وبلكوه نمت وما حسيت بس من امي دكلهم اكلو اكلو الريوك كدامكم وعوفو الحجي هسه افتحو ريككم
