خمسه صديقات من اجل واحده والواحده من اجلنا جميعا

البارت التاسع ♥

البارت التاسع )شاركووو ويه اصدقائكم وادعمونا بلايك❤
مراد :طبعا دخلت للكليه جان عدنه  مهرجان شفت فاطنه لابسه گصير وطالعهه اجنن وجانو شباب واكفين يباوعولهه وحاولت ادنك بسرعه رحت عصرت ايدهه وكتله لدنكين😒 بهل لبس وساعدتهه بتحضيرات 💪😘 حسيتهه استحت من كلامي فحاولت اشاقه واضحك وياهه وجانت سبورتيه بسرعه تندمج وبعدين دخلت مريم 💗
فاطمه :دخلت مريم وبلشت الورود تنطش عليهه والالعاب الناريه والسبري بلجوو وجانت الدخول فد شي والكل حاضر ونزل كيان وهو بكامل الاناقه من المسرح وحامل باقه ورد) واتقدم وانطاهه لمريم وهنا انفتحت اغنيه حطي كفك بكفي وبلش الكل يصفك جان فد شي وصعدو للمسرح  وكعد عل ركبه وطلب ايده وافقت ولبسهه الحلقه وجانو حيل فرحانين وبلشت اصفك وطاير عقلي وهنا   انتبهت لمراد يباوعلي ومركز عليه فبادلته النظره وابتسمتله وهنا صار الي مو متوقع دك اخوي ورديت وكلي هوه قريب عل كليه وطلب اشوفه فطلعت اشوفه  جنت حيل مفتقده اهلي  ولمن شفته ركضت مثل الطفله وشبكته وشبكني بعدين بوسته وظلينه نسولف ودعني وراح ولمن التفتت لكيت مراد وراي وشكله هيج ) فتقربت علمود افهمه الموضوع بس رفض يسمع واكتفه بكلمه  ميهمني اعرف وعافني واني مصدومه.
مراد :طبعا بعد ماخلصنه زينه اني وفاطمه وكرم وايات  ودخلو عصافير الحب جنه حيل فرحانين واحنه واكفين نباوعلهم اجت عيني عل فاطمه جانت فرحانه  وتصفك فبتسمتلهه وهيه ابتسمتلي وبهل اثناء دك موبايلهه وطلعت فلحكتهه ردت اعرف اذا صار شي وياهه  ولمن طلعت شفته حاضنه شاب وتبوس بي وبعدين ودعته ورادت تدخل لمن شافتني حاولت تفهمني بس الالم الي جنت حاس بي خلاني اتجاهله واني ابالي الف سؤال وسؤال بعدين دخلت باركتلهم وعزموني عل حفله بيناتهم بليل  فطلعنه اني وشباب اشترينه قوط وحضرنه نفسنه وتوجهنه لمكان الحفله جانت قاعه زغيره بس مرتبه وحلوه وجان كيان موجود وانتظرنه البنات جنت ضايج منهه ومخنوك بس حاب اشوفهه ماعرف ليش ؟حاولو اركان وكرم يعرفون شبيه بس رفضت احجيلهم كالعاده احب احتفظ بمشاكلي لنفسي،
امنه : بعد ماخلص احتفال الكليه وصلنه كيان للبيت وكعدنه نرتب بمريم لبست بدله ماروني تجي مخصره عل جسم وبيهه فتحه من نص وجانت تجنن طالعه واحنه الاربعه لبسنه فساتين لو اسود وجنه طالعين كيكه واجه امير اخذ غدير واحنه كيان ودالنه صديقه يودينه للقاعه ولاحظنه فاطمه ضايجه وحاولت اعرف بس اكتفت تكلي مابيه شي بس تعبانه طبعا صديق كيان جان عينه عل فاطمه طريق كله  بعدين وصلنه واركان جان  واكف بلباب  فسلمنه عليه ودخلنه وجان يباوعلي واني هم باوعتله وحسيت نفسي  فرحانه ماعرف ليش.

اركان:طلعنه نجنن احنه حلوين من الاصل ولبسنه قوط ورحنه للمكان واني متلهف اشوف امنه وانتظرتهه بلباب وبعد شوي وصلت سيارتهم وجانت اجنن ودخلنه للقاعه وبده الاحتفال وعيني جانت عليهه وتراقب حركاتهه وكل تفاصيلهه حسيت كرهي نمحه وتحول شي ثاني
مريم :تفاجئت حيل بالمفاجئه وجنت حيل فرحانه وفرحتي متنوصف بحبيبي طبعا طلبني رسمي من اهلي وعقدنه واجينه احتفلنه هنا وبعدهه رحنه للقاعه فدوه حبيبي مسوي كلشي حته يفاجئني ومانسه تعب صديقاتي فدوه لكلبهن❤

كيان :يمكن اني اسعد انسان اليوم لان خطبت انسانه اعشقه منزمان وصارت ملكي اليوم واحتفلنه وركصنه وحيل تونسنه وبالنهايه الحفله اخذت حبيبتي وطلعنه ناخذ جوله بسياره😄
ايات *جانت عيون كرم عليه وعيوني عليه وجنه مبتسمين واحد يباوع عل لاخ وجنه بغير عالم وفعلا بهل يوم جان احساسنه مينوصف.
غدير:فرحت حيل لمريم حبيبتي تستاهل هيه وكيان وتمنيت اني وامير وراهم انشالله وجانت حفله تجنن
مراد طبعا بنص الحفله انتبهت عل شاب جان يباوع لفاطمه بنظرات حب لا وكل شوي وراح يمهه ضجت وماتحملت واحس شويه وانفجر رحت وكعدت يمهه وخزرت هلكلب فراح واني احس اريد اكطعه فكتله انتي شنو نوعج ممكفيج واحد تلعبين عل ثاني استحي عيب عليج انتي شيطانه بوجه ملاك وهنا حسيته انهضمت والكلام مايطلع من حلكهه فعفته ورحت واني كلبي  يتكطع (heart_break)
فاطمه :مراد جان حيل عصبي وبس يخوزر بيه عل اقل شي والموقف الي شافه خلاه يضوج مني  شكد حاولت ابرر بس بلا فايده وبلحفله صديق كيان ظل يتشاقه ويضحك وياي وهنا اجه مراد وكعد بصفي وخزره وبلش يحجي وياي حجي جارح وعافني وراح وهنا اني انهضمت فرحت للحمامات وبجيت وكلت مو من حقه يتهمني بدون ميفتهم شي 
امنه :وره ماخلصت الحفله غدير وامير راحو لان امير جان عده ثاني يوم امتحان وغدير تعبانه ومريم وكيان طلعو يفترو وماجان اكو غير سياره مراد لان اركان وكرم ماجايبين سياراتهم وهنا عرضو يوصلونه بس فاطمه عاندت وماقبلت تصعد ومراد نزل وظل يصيح وهيه صيح واحنه كلنه هيج شكلنه (confused) بعدين اركان صاح صوت سكتهم وحاول يصافيهم بس جانو قافلين ومعاندين والوقت متأخر وهنا صار الي مامتوقع ...........
تابعوووو البارت الجاي ؟شنو راح يصير؟
انتظرونا بالبارت العاشر ودعمونا مو تنسوون نحبكم خيرات الله (mwah)(mwah)