ﺃﺧﺎﻑ ﻣﻦ ﺃﻋﻮﻓﻚ - ﺑﻌﺪ ﻣﺎ ﺃﺷﻮﻓﻚ
ﺇﺫﺍ ﻣﺎﺗﺠﻴﻨﻲ ﺍﻗﺪﺭ ﻇﺮﻭﻓﻚ
ﻃﻮﻳﻠﺔ ﺭﺣﻠﺘﻲ - ﻭﺍﺧﺎﻑ ﺑﺮﺟﻌﺘﻲ
ﺑﻌﺪ ﻣﺎ ﺃﺷﻮﻓﻚ
ﻳﻌﺒﺎﺱ ﺇﺧﺘﻚ ﺁﻧﻪ ﻭﻻ ﺗﺒﺎﺭﺣﻨﻲ - ﺟﻨﺖ ﺇﻧﺖ ﺇﻟﺘﻤﺴﻴﻨﻲ ﻭﺗﺼﺒﺤﻨﻲ
ﺑﻔﺮﻗﺘﻚ ﺫﻟﺘﻲ ﻭﺷﻮﻓﻚ ﻳﻔﺮﺣﻨﻲ - ﻭﻛﻼﻡ ﺍﻟﺸﺎﻣﺖ ﺑﻔﺮﻗﺎﻙ ﻳﺠﺮﺣﻨﻲ
ﻳﺮﻳﺖ ﺍﻟﻤﻮﺕ ﺃﺧﺪ ﺭﻭﺣﻲ ﻭﻳﺮﻳﺤﻨﻲ - ﻭﺇﺫﺍ ﺃﻧﺴﺎﻙ ﺍﻟﻠﻪ ﻻ ﻳﺴﺎﻣﺤﻨﻲ
ﺃﺧﺎﻑ ﺃﺷﺘﻜﻴﻠﻚ - ﻭﺃﻋﺬﺏ ﺩﻟﻴﻠﻚ
ﻭﺃﺭﻳﺪ ﺑﺪﻣﻮﻋﻲ ﺃﺑﺮﺩ ﻏﻠﻴﻠﻚ
ﺗﻮﺩﻋﻚ ﺩﻣﻌﺘﻲ - ﻭﺍﺧﺎﻑ ﺑﺮﺟﻌﺘﻲ
ﺑﻌﺪ ﻣﺎ ﺃﺷﻮﻓﻚ
ﺃﻭﺩﻋﻚ ﻳﺎﺑﻦ ﺃﺑﻮﻳﻪ ﻭﻟﻠﻴﺴﺮ ﺍﻃﻠﻊ - ﻭﺃﻋﻮﻓﻚ ﺑﺪﺭ ﻏﺎﻳﺐ ﻧﻮﺭﻩ ﺑﺎﻟﻤﺼﺮﻉ
ﻣﺜﻞ ﺟﺴﻤﻚ ﺗﻮﺫﺭ ﻗﻠﺒﻪ ﻭﺇﺗﻘﻄﻊ - ﻭﻛﻼﻣﻲ ﻭﻳﺎﻙ ﺻﺎﺭ ﻳﺘﺮﺟﻤﻪ ﺍﻟﻤﺪﻣﻊ
ﺇﺫﺍ ﺃﺭﺟﻊ ﻳﺨﻮﻳﻪ ﺷﺮﺍﺡ ﺃﺗﻮﻗﻊ - ﺇﺫﺍ ﺃﺭﺟﻊ ﺃﺷﻮﻓﻚ ﺑﻌﺪ ﻣﻦ ﺃﺭﺟﻊ
ﺃﺑﺎﺻﺮ ﺩﻟﻴﻠﻲ - ﺑﺴﻔﺮﺗﻲ ﻭﺭﺣﻴﻠﻲ
ﻗﻠﺖ ﻟﻪ ﻋﺠﻴﺒﺔ ﺃﻓﺎﺭﻕ ﻛﻔﻴﻠﻲ
ﻋﻠﻰ ﻓﻘﺪﻙ ﺣﺴﺮﺗﻲ - ﻭﺃﺧﺎﻑ ﺑﺮﺟﻌﺘﻲ
ﺑﻌﺪ ﻣﺎ ﺍﺷﻮﻓﻚ
ﺃﺻﻴﺤﻦ ﻭﺇﻟﻴﻤﻮﺕ ﺷﻴﻨﻔﻌﻪ ﺍﻟﺼﺎﻳﺢ - ﺳﻜﺘﺖ ﻭﺩﻣﻮﻋﻲ ﺟﺪﻭﻝ ﻋﺎﻟﻮﺟﻦ ﺳﺎﻳﺢ
ﻏﺼﺐ ﻋﻨﻲ ﺃﻋﻮﻓﻚ ﻭﺍﻟﻀﻐﻦ ﺭﺍﻳﺢ - ﺑﻼ ﺗﻮﺩﻳﻊ ﺃﺗﺮﻛﻚ ﻋﺎﻟﻨﻬﺮ ﻃﺎﻳﺢ
ﺗﻌﺎﺗﺐ ﻻ ﺗﻌﺎﺗﺐ ﻭ ﺍﻟﻌﺘﺐ ﺟﺎﺭﺡ - ﺗﻮﺩﻧﻲ ﻭ ﺇﻟﻴﻮﺩ ﻣﻦ ﺷﻴﻤﺘﻪ ﻳﺴﺎﻣﺢ
ﺿﻌﻨﻪ ﺑﺮﻭﺍﺣﺔ - ﻳﺮﻳﺪ ﺍﻟﺴﻤﺎﺣﺔ
ﺗﺴﻴﺮ ﺍﻟﻀﻌﻴﻨﺔ ﺑﻮﻧﻴﻦ ﻭﻧﻴﺎﺣﺔ
ﺗﻨﺸﺪﻙ ﻣﻬﺠﺘﻲ - ﻭﺃﺧﺎﻑ ﺑﺮﺟﻌﺘﻲ
ﺑﻌﺪ ﻣﺎ ﺍﺷﻮﻓﻚ
ﺃﻧﺸﺪﻙ ﻟﻮ ﻣﺸﻴﺖ ﺑﻀﻌﻨﻲ ﻭﺃﺗﻴﺴﺮ - ﺗﻘﺪﺭ ﺗﻨﻬﺾ ﺗﺸﺪ ﺍﻟﻀﻌﻦ ﺗﻘﺪﺭ
ﺍﺫﺍ ﺑﺴﻴﺎﻃﻪ ﺧﺼﻤﻚ ﻳﻀﺮﺏ ﺍﻟﺨﺪﺭ - ﺗﻘﺪﺭ ﺗﺤﻤﻲ ﻋﻴﻠﺔ ﻭﺳﺎﻳﺮﺓ ﺑﻬﺎﻟﺒﺮ
ﺍﺫﺍ ﺟﺘﺎﻟﻚ ﺑﻤﺠﻠﺲ ﺷﺘﻢ ﺣﻴﺪﺭ - ﺗﻘﺪﺭ ﺗﺠﻲ ﻫﻨﺎﻙ ﺗﺪﺍﻓﻊ ﻭﺗﺤﻀﺮ
ﺍﺫﺍ ﻭﻗﻔﻮﻧﻪ ﺑﻤﺠﺎﻟﺲ ﻋﺪﻭﻧﻪ - ﺣﺮﻡ ﻭﺇﺣﻨﻪ ﻧﺴﻤﻊ ﻳﺸﺘﻤﻮﻥ ﺃﺑﻮﻧﻪ
ﺷﻴﻨﺸﻒ ﻋﺒﺮﺗﻲ - ﻭﺃﺧﺎﻑ ﺑﺮﺟﻌﺘﻲ
ﺑﻌﺪ ﻣﺎ ﺍﺷﻮﻓﻚ
ﺇﺫﺍ ﻣﺴﺒﻴﺔ ﻣﻦ ﻳﻤﻚ ﺭﺣﺖ ﻭﻣﺸﻴﺖ - ﻭﻋﻨﻲ ﻣﺎ ﻗﻤﺖ ﻳﺎ ﺑﺎ ﺍﻟﻔﻀﻞ ﺣﺎﻣﻴﺖ
ﺍﺫﺍ ﻣﺠﻠﺲ ﺩﺧﻠﺖ ﻭﺣﺎﻳﺮﺓ ﻇﻠﻴﺖ - ﺇﺫﺍ ﺣﺸﻤﺘﻚ ﻭﻟﻠﻨﺨﻮﺓ ﻣﺎ ﻟﺒﻴﺖ
ﺍﻟﻌﺬﺭ ﻣﻘﺒﻮﻝ ﻣﻨﻚ ﺧﻮﻳﺔ ﻟﻮ ﻣﺎﺟﻴﺖ - ﺷﻠﻮﻥ ﺗﻘﻮﻡ ﻭﺇﺗﻪ ﺑﺲ ﺟﺴﺪ ﻇﻠﻴﺖ
ﻳﺎﺟﻤﺮﺓ ﺣﻨﻴﻨﻲ - ﻳﻌﺬﺭﻙ ﻭﻧﻴﻨﻲ
ﻋﺴﻦ ﻣﻨﻲ ﻗﻄﻌﻮﺍ ﻳﺴﺎﺭﻱ ﻭﻳﻤﻴﻨﻲ
ﺷﻴﺮﺟﻊ ﻟﻬﻔﺘﻲ - ﻭﺃﺧﺎﻑ ﺑﺮﺟﻌﺘﻲ
ﺑﻌﺪ ﻣﺎ ﺃﺷﻮﻓﻚ
ﺷﺨﻠﺖ ﺳﺎﺣﺔﺍ ﻟﻄﻒ ﺧﺬﺕ ﻣﻨﻲ ﺣﻴﻮﻝ - ﺷﺤﺠﻲ ﻭﻳﺎ ﺍﻟﻨﻬﺮ ﻭﺍﻟﺴﻬﻢ ﻭﺍﻟﻌﺎﻣﻮﺩ
ﻓﻄﺮ ﺟﺒﺪﻱ ﺍﻟﻌﻄﺶ ﻣﻦ ﻧﺎﺭ ﺳﻬﻢ ﺍﻟﺠﻮﺩ - ﺇﺫﺍ ﺗﺴﻜﻦ ﻟﺤﺪ ﺃﺳﻜﻦ ﻳﺨﻮﻳﻪ ﻟﺤﻮﺩ
ﻟﻠﻄﻒ ﻳﺒﻦ ﺃﺑﻮﻳﻪ ﺍﻟﻀﻌﻦ ﻣﻦ ﻳﻌﻮﺩ - ﺃﺧﺎﻓﻦ ﻣﺎ ﺃﺷﻮﻓﻚ ﻟﻮ ﺭﺟﻌﺖ ﺭﺩﻭﺩ
ﻳﻄﻮﻝ ﻏﻴﺎﺑﻲ - ﻭﺃﺟﻴﻚ ﺑﻤﺼﺎﺑﻲ
ﺇﺫﺍ ﻣﺎ ﻟﻘﻴﺘﻚ ﺗﺰﻳﺪ ﻋﺬﺍﺑﻲ
ﺗﻬﻴﺞ ﺟﻤﺮﺗﻲ - ﻭﺃﺧﺎﻑ ﺑﺮﺟﻌﺘﻲ
ﺑﻌﺪ ﻣﺎ ﺃﺷﻮﻓﻚ ...
__________________
ﺍ
