*part 15*
*احببتك منذ زمن*
••
••
••
ملك : رحاااااااب
رحاب : اي ودنيي حرام عليكي
ملك : جالي ي رحاب جالي
رحاب : مين دا ال جالك ،، اوعي يكون ال ف بالي
ملك : هو بعينه
رحاب : احمد
ملك : احمد مين ي متخلفة انت
رحاب : قصدي استاذ احمد
احمد : رحاب
ملك : اي ال بيحصل هنا
كانت ملك تستمع الي حوارهما بفرحة وسعادة
احمد : نا جاي عشان اقولك اني كذبت عليكي نا فعلا كنت واخد رقم باباكي عشان اتقدملك بس امي موافقتش نا نا جاي اعرف منك انت موافقه ولا لاء
توترت رحاب ولم تعرف ماذا تقول فاردفت قائلة : تعال انت بس ونبقى نشوف عشان واقفتنا دي متنفعش نا اصلا مينفعش أكلمك ف حاجه غير الشغل
تركته رحاب واقفاا مصدوم من ردة فعلها ظل احمد يتمشى في إحدى الشوارع ويتحدث لنفسه
احمد : طب هي موافقه ولا لاء معرفتش بس لو مش موافقه كانت هتقولي لاء بس ممكن تكون مش موافقه بس مش عايزه تقف ف الشارع فقالت يجي وخلاص وأقوله هناك طب اروح ولا لاء طب ما يمكن موافقه ف قالت تقول كدا يعني عشان كبريائها إحنا نروح ونتكل الله
ملك : مبروك ي قلببييي والفرحة هتبقي فرحتين هيييه
رحاب : بس يهبلة
ملك : الله يرحم مين ال كان اهبل يومها
رحاب : هههههه خلاص بلاش فضائح بقي
ملك : يلا نا مش فاضيالك أصلا
رحاب : بدانها بقي غرور بكرا كل ام اسالك عامله إيه تقولي كويسة انا وخطيبي وتبعتيلي ايموشن في دبلة
ملك : ههههههههههه يلا ف رعاية الله
رحاب : حفظك الله
_____________________________________________
تجهزت ملك وارتدت فستان باللون الباثنجاني وعليه نقاب باللون الاسود
دق جرس الباب ، ذهب سالم ليفتح الباب ثم يسلم علي بلال ثم ذهبوا ليجلسو معا ودخلت أمل إلى ملك
أمل بصراخ : عروستنا الحلوه
ملك : بسم الله انت مين
أمل : أي الكسفة دي هو محكالكيش عني
ملك : لاء
أمل : نا مراته
ملك : مراته!
أمل : بهزر بهزر انا أخته انت اتخطفتي كدا ليه
ملك : ههههههههههه
أمل : نا اسمي أمل
ملك : عاشت الأسامي ي حبيبتي
أمل : ممكن أشوفك قبل ما تخرجي برا
أنزلت ملك النقاب
أمل : اللهم بارك قمر
ملك : تسلميلي ي حبيبتي
نادي سالم على ملك وامل ،، طلت ملك بطلتها الجميلة وجلست بجانب أباها ليقول سالم : طب إحنا هنقعد بعيد
قام سالم وامل ليجلسا بعيدا عنهما
تكلم بلال : بصي نا مش هاممني شكلك على قد ما همني انتي وشخصيتك وطيبتك وعايز نبني بيتنا على الإسلام
• بدون مقدمات أنزلت ملك النقاب ليتفاجأ بلال بشكل ملك الجميل بل الرائع ليحملق بها ،، خجلت ملك و نظرت إلى الأرض
بلال : اللهم صل ع النبي ، انا امي دعيالي بقي ولا ايه
ملك : هقوم مفيناش من الحاجات دي قبل كتب الكتاب
بلال : لا تقومي تروحي فين نا مصدقت
ملك : طب معندكش أي أسئلة
بلال : لاء نا واثق فيكي وبعدين هنعرف بعض اكثر بس عندي سؤال شاغل بالي
ملك : ايه هو
بلال : لي اتخصصتي ف قسم الأورام
ملك : لاء دي حكاية طويلة ابقي خلي بابا بقي يحكيهالك طالما بتعرف تصاحبه أوي كدا من ورايا
ضحك بلال ضحكة عالية ،، سرحت ملك في ضحكته وظلت مسلطة نظرها عليه
بلال : طب دي غيرة على مين من مين
ملك : على بابا منك طبعا
بلال : ههههههههههه بدانها
ملك : نا معنديش غيرو
بلال : ربنا يخليهولك
ملك : يأرب
جاء سالم ودخلت ملك هم بلال بالمغادرة ولكن أوقفه سالم
سالم : استناني عند الأرض وصل خيتك ( أختك )
وتعالى وهات كريم
بلال : حاضر
_____________________________________________
هاتف احمد والد رحاب وطلب منه مقابلته بشأن رحاب ووافق وأخذ معاد ،، علمت رحاب وطارت من الفرحة وأخبرت ملك وتبادلو الاخبار
• ذهب كريم وبلال الي سالم في ارضه
بلال وكريم ف صوت واحد : السلام عليكم
سالم : وعليكم السلام
بلال : ها ي عم سالم كنت عاوزاني ف ايه وراي ملك ايه
سالم : ملك موافقه بس انا لس موافقتش
••
••
••
سيوافق سالم ام لا ؟
ما الذي تخطط له كوثر ؟
ماذا سوف تفعل عائلة ابو حرب بعائلة الشافعي ؟
هل سيتم ذاك الزواج ؟
••
••
••
بقلم / ايـماَن فـَتحـي ( الـْسنـدريِـلاآ )
_فولو عشان تتابعو اي رواية بنزلها
أنت تقرأ
اصابني عشق
Actionبلال الذي كان يتمشي في الجامعة الا ان اصتدم ب ملك التي كانت مهرولة الي المحاضرة لا ينكر انه سحر بعنيها الجملتين ملك : انا اسفة بلال : طبعا هتشوفي ايه من ال حطاه على عينك كدا ملك : تصدق اني غلطانة ام انت جليل الرباية صوح
