عشق الشاهين

الحلقه الأولى

ساهر

اني ساهر عمري ٢٣ سنه  اني من سكنت بغداد طالب صيدله بجامعه البصره  طولي ١٨٠  وجسمي رياضي ومرتب ابيض وعيوني عسلي صاحب لحيه كثيفه سوده وشعري كثيف اسود وشويه كفشه طبعا اني وحيد اهلي وعندي اخت وحده عمره ٢٠ سنه طالبه هندسه مرحله ثانيه وأبويه  محامي معروف وامي دكتوره نسائيه  يعني احنا عائله صغيره وحلوه ومتفاهمين  طبعا اهلا بابا كلهم باالخارج  عايشين محد عندنه بالعراق
المهم امي وابويه  سافرو اللمانيا عمي مريض وراحو يشوفونه  وبقت بس اختي يمي  اني عندي تدريب صيفي وجنت ناقل مكان التدريب للبصره لان من رحت وعشت هاي التلث سنوات بالبصره  حسيت اهل البصره يمكن أطيب ناس باالكون صح اهل العراق كلهم طيبه ونخوهه وشهامه بس تحس اهل البصره بيهم ميزه غير وخاصه اني صارو تقريبا كل اصدقائي من اهل البصره المهم  صادفت فترة  التدريب ويه حلول شهر محرم الحرام  وجنت كلش حاب اقضي هاي الفتره بالبصره لان سوالف اصدقائي عله مواكب البصره واهله ومجالسه حيل عجبتني  وخاصه اني عندي صديقي واخويه  احمد ابن عائله من كبار عوائل البصره وشيوخه وأكثر من مره اني اروح ابقه يمه شي اسبوع أكثر  وبلكوه يخليني ارجع ناس أصحاب  كرم وطيبه بعد شيوخ المهم جنت متفق وياه هذا محرم وخلصه يمه ونطلع مشي من البصره لكربلاء  يمكن هسه اكثركم يكول شهل  ضيف هذا الي يبقه شهر  احب اكلكم  انو بيت احمد عدهم مكان خاص للضيافه  يعني وجودي مجان ضمن بيتهم  والطريقه الي جانو يعاملوني بيه  وحسن ضيافتهم شي بحياتي ماشفت مثله  ومن جنت اقرر ارجع لبغداد جان جده الشيخ الجبير بنفسه يطلب مني ابقه  هم حيل حبوني واني احبهم معتبرني واحد منهم  بالاضافه الى اجوءهم الي جنن  رغم الجو بالبصره حار ورطوبه  بس من شوف الخضار وبساتينهم  والشط الي نهايه بساتينهم  تحس روحك بالجنه  اني اخطط لروحتي قبل شهر وطلعتلي سفرت اهلي صفح زين اذا اروح اختي وين اوديه  صح عندي خالي بغداد بس مستحيل ابقيه يمه هذا ابنه واحد طايح حضه وعوينجي  وهيه اصلا متقبل اتروح يمهم  كلت لابويه راح اخذهه وياي للبصره بالبدايه عترض بعدين كتله  اني مراح اكعدهه بفندق أو شي راح تروح وياي لبيت  الشيخ  كاضم  واذا وماعجبه الوضع  اني اخذهه وارجع 
ابويه من سمع  بيت الشيخ سكت لان ابويه هم رايح وياي أكثر من مره ومره جان مستلم الهم قضيه  مهمه وصعبه ومن حله الشيخ سوالنه عزيمه جبيره  يعني يعرف بيت الشيخ شنو من بته تبقه يمهم يكون مطمن أكثر

المهم اخذته وطلعت للبصره  ثاني يوم من محرم  رحنه  بطياره من مطار بغداد لمطار البصره  واهناكه استقبلني احمد ورحنه لبيتهم  وبدت احداث قصتنه

غرام

اني غرام اخت ساهر الوحيده  اكيد ساهر حجالكم عن نفسه وعن العائله وعني هم بس صح اخويه حلو وعيون ملونه بس مو شرط اني أشبه  لا اني أشبه عمي يعني ماشبه لا امي ولا ابويه  ولا حتى اخويه
اني طولي ١٥٨ يعني شويه قزومه  وبيضه كولش شعري سواد اليل  طويل لحد محزمي عيوني  سود مثل قطع اليل شكد جنت اتمنه يكونون ملونات مثل بابا وماما واخويه  بس اني سود حيل وعيوني كبار ومجرورات مثل عيون الهنديات ورموشي كثيفات كلش  صديقاتي يضحكون عليه يكلولي رموشج مثل المكناسه  خشمي حد سيف وشفيفي زغار ومليانات  وجسمي حلو متناسق ويه طولي لا سمينه ولا ضعيفه  اني طالبه هندسه بجامعه بغداد  مرحله ثانيه  المهم اليوم سافرنه للبصره شكول عليك ساهر موديني يم ناس لا اعرفهم ولا شايفتهم  بحياتي  والي ضوجني بابا قبل اروح يمهم جنت كولش خايفه ومرتبكه  اني من غير شي مو كلش اجتماعيه انوب ابقه شهر يم ناس ماعرفهم  المهم رحنه ومن نزلنه بالمطار  اجه  شاب كولش حلو ومرتب  اسمر وعيونه ملونه  شكله يجذب  النضر بطول ساهر اخويه طبعا اني اعرفه هذا احمد صديق ساهر ماهو ٢٤ ساعه بس ينزلون صورهم سوهه  عل فيس بوك ولانستكرام  يعني اعرف هذا احمد الولد جان كولش اخلاقه عاليه ومشال عينه عليه رغم حسيته معاجبه  شكلي ومن حجه بالسياره صدمني من كال