عشق الشاهين

الحلقه العاشره

يسمـر سمـارج سـومـري ونضـرات عينـج كلهـا لـي

مر سبوعين على اخر مكالمه بيني وبين شاهين جرحني هواي  بكلامه من دون ميسمعني حكم  مرت الايام مثل الدهر هو مبطل يدز رسائل  واول رساله الصراحه كلش جان اله اثر بيه  وبنفسي بس وله وحده من الرسال الي دزهم فسر بيه تصرفه وليش حجه هيج واني عندت ردت اعرف شنو الي يخليه يكلي هيج اخر رساله جانت قبل يومين

** حيل مشتاق اسمع صوتج اذا كلبج مايحن ترى كلبي جمر صاير **

جنت مقرر بعد ماتواصل وياه لان هذي مو حاله ميريد اي مخلوق يعرف بعلاقتنه حتى ميقببل خواته يعرفن  ولا يريد ساهر يحس بشي خبلني وتعامله الي كل شويه شكل

بس اليوم اكو هوسه بالبيت خاصه امي وابويه رجعو من السفر وحاولت الهي نفسي وياهم  وانسه هل مصيبه كلبي ولو هو اني شنسه واني كل دقيقه ادخل عل محادثاتنه واشوف كلماته واخر شي رسائله الي من جنه زعلانين كعدت الضهر سبحت مثل عادتي ومشطت فتحت شعري وبدلت تراك بيتي عادي نزلت ماما جانت بالمطبخ ويه ام صلاح كتلهم

غرام
هلووووو شلونهم الحلوين
ام غرام
هله والله توهه نور البيت وين جنتي مختفيه لا جامعه لا مضاهرات لا طلعه لا طبه هاي نفسج غرام بتي لو احد ثاني
ام صلاح
اي والله يا ام ساهر هل بنيه ابد معاجبني وضعه
غرام
هوووب يمعودين  ترى مابيه شي جنت تعبانه هسه اتغدهه واروح للتحرير تفقت ويه جماعتي 
ام غرام
لا بتي موهذا قصدي بس ممتعوده عليج ساكته وهادئه
غرام
ماكو شي صدكيني بس شويه تعبانه .... بابا وين  شو مشفته اليوم
ام غرام
ابوج ملتهي ويه ساهر 
غرام
ليش خير شبي ساهر
ام غرام
والله بتي خطيه هذا اخو صديقه  من البارحه فاقد بالمستشفى
غرام
يا صديق يمو منو تقصدين
ام غرام
اخو احمد بتي شبيج خطيه شاهين  متاذي هوايه  والامه مكلوبه عليه  واخوج ساهر كال مستحيل اخليهم يكعدون فندق وبيتنه موجود عاد ابوج راح خطيه جاب ابوه وجده واخوه رضا والبقيه بقو يمه بالمستشفى  اليوم اتصلت بامه وخواته كتلهم من تجون تبقون يمي بيتي
غرام
دقيقه يوم يعني شاهين هسه حاله خطره بالمستشفى
ام غرام
اي يوم خطيه لهسه مصحى

ماعرف شلون سيطرت علة اعصابي كدام ماما واني اذكر كلامه بالفتره الاخيره جان هوايه يحجي بالموت معقوله هيج صدك اخسر شاهين
كوه مسكت نفسي بدلت وطلعت للمستشفى الممر متروس بشر عبالك شي مسوول الي بالغرفه مودينه مستشفى خاص
اتصلت بصديقتي اخته طبيبه بهذا المستشفى كتله اريد ادخله وماريد احد يعرف او يحس
خطيه هيه اجتي عليه ولبستني كمامه وصدريه الطبيب ودخلتني وياها كالتلهم ممكن طلعون لازم افحص المريض الكل طلع  ومن ضمنهم ساهر اخويه 

الدكتوره كالتلي راح اطلع ١٠ دقايق وارجع خاف يجي الدكتور المختص وصير مشكله

هيه طلعت واني ركضت على شاهين كعدت بصفه لزمت ايده حيل بارده عكس طبعه وجهه شاحب  وحتى وهو فاقد عاكد حواجبه  دموعي دون سابق انذار نزلت خليت شفايفي يم اذنه وهمستله