اوس : زين مو صدك هلحجي 😯...
زين : للاسف صدك ..... اعترف غلطت .... هواي حاولت ابعدها بس مكدرت ماعرف شصارلي وخضعتلها
اوس : ( باوعت لغلا )
غلا : والله مو سالفه خيانه كل الي ردت اثبته ان هوه بعده يحبني .... يحبني اكثر من رولا
اوس : مو خيانه هاي ؟ وليش تهتمين ان كان يحبج او لا ..... غلا انتي حامل .... ليش دمرينا
غلا : لا اوس مو هيج والله 😢 والله اني احبك ... اقسم بحياه اهلي مااحب احد مثلك .... لا تتركني
اوس : عرفتي ليش مجنت اريد اطفال .... حاولت افهمج بس انتي عنيده .... اعتذر غلا بس وصلنا لطريق مسدود
غلا : 😳
اوس : ( عفتها وطلعت تبعني زين اول محسيت بيه انداريت عليه وضربته ... وقف كدامي متندم ) خنتني
زين : مخنتك كتلك مجنت بوعي .... لو صدك ارد اخونك جان نكرت كلام رولا واعرف حتصدكني
اوس : دمرت حياتي زين .... غلا مدري شبيها
زين : غلا دتسرجع ذاكرتها .... لذلك هيج دتصرف ... ضايعه بين الحاضر والماضي
اوس : منو كلك هلحجي
زين : هيه وهذا الي شفته
اوس : يعني اني الغلطان هسه
زين : اني وياك مو بس انت .... البنيه مريضه .... كل مجاي تحاول توكف نرجع نوكعها .... فقدان الذاكره مو شي هين اوس
اوس : يعني الي خانتني غلا الي بالماضي
زين : اي بالضبط
اوس : واذا رجعت ذاكرتها ؟ حترجع تحبك
زين : حتى لو رجعت تحبني اني معندي شي لتجاها يااخي ستروا عليه بروحها رولا زعلانه عليه 😩
اوس : مااطلكها ؟
زين : اخر فرصه
اوس : ( رجعت للبيت شفت رولا كاعده يم امل تلعبها ) شكو زعلانه ع زين
رولا : ا...
اوس : انجبي عاد .... مكافي الرجال ضحى بحياته علمودج
رولا : لا والله
اوس : والله 😡 وكلمه زايده اكض البيت واحركه
امل : والله لعبتوا نفسنا 😑
زين : لا بالله .... وطلعلج السان
اوس : ههههه والله كلبج ع كلب خالج ( قبلتها وصعدت لغرفه غلا ...فتحت الباب ملكيتها .... شفتها كاتبه رساله 《 اوس اني احبك والله العظيم احبك .... ماعرف شديصر بيه ... ليش هيج وصلتا ... بس حياه بدونك ماريدها .... كتلك انت عيلتي الوحيده .... وللمره الثانيه افقد عيلتي ... مراح اتحمل هيج .... حاولت انتحر بس اني ضعيفه مكدرت ... مكدرت انتحر .... الطريقه الوحيده الي راح اموت بيها ان ارجع لبيت عمي .... هناك خل يقتلني ريان وياهم .... احبك 》 نزلت اركض مثل المجنون شافني زين تبعني )
