#عشك_بصراوي
١٩______٢٠
بارت–١٩
- لا أنسى كلمة أصابت قلبي بعمق
وأخرستني .
ريم
گالي تعالي وراي عاندت ويا مااصعد خايفة منه
صاح بيه
؛؛اشش لا دوخيني امشي گبالي ولا صوت اسمع
لتعاندين وتراددين وياي ولتردي يصير باجر من صبح اخذج الهم
صدني ومشى گدامي
دنگت راسي ومشيت ورا دموعي تجري تفكيري كلة بأهلي اريد اشوفهم اريد ارجع لحضن ماما والله ماازعلها وشتريد اسوي حتى دراستي مااقصر ارجع ادرس وماارسب بعد
صعدني للطابق الثالث بيت گلش گبير وثلاث طوابق
الواحد يضيع بي كل طابق شگبر
صاحني
؛؛ غرفة محمد بيها فراش تنابين بي هذني لبقية مخزن باجر ينضفنها لبنات وتكعدين بيها
حاليا دخلي بهاي
دخلت كل ظني اطاني هل غرفة الي بيها گنتور ابو بابين وسرير نفر واحد كلش نظيفة ولا عبالك غرفة شاب
گعدت على لفراش مسحت دموعي انداريت مااشوف الا سد لباب
هنا گلبي راد يوگف من خوف هل غرفة گالي ابقى بيها وحدي ما خطرلي يبقى وياي
احجي ويا ومدايرلي
ليش انت وياي اريد ابقى وحدي
نزع ساعتة ومحابس بيدة ذبهن على كومدي
وسلاح نزعة من خصرة ذبه بصفهن گعد يمي ونزع الغترة خلاها عليهن
گمت اذب الوان وگلبي يدك بسرعه خايفه كلش اريد اهرب اطلع من هل مكان گمت بسرعه ركضت على باب
لحكني وجرني من ملابسي وصاح بيه
؛؛يول وين رايحة انة طبعي ماامد ايدي على بنية فلتوازيني تتأذين وهاي حذرتچ
چسمي كله گزبر اريد اكتلة همسلي
؛؛يحليوة هيچ مرا تعامل رجلها من اول يوم
تعالي رچعي لفراشچ
چريت ردني من ايده وصحت بي
مااااتوصلني لو اموت انتحر اذا سويتلي شي
والله اكتل روحي
گظ شفايفي وچرني من ايدي على لفراش وايدي مجبرة ماشايف شكد متأذية راسي لسا يوجعني قبل مايطلعوني شالو لخيوط من وجهي وراسي
دفعته وصحت بي
عاااامر اكرهك مااريدك عوفني
ضربت حلكي ياربي كون محس اعرف شيخلصني منه
قرب مني ويباعلي من فوك ليجوا نظراته المرعبة ذكرتني بجمال الحقير
صاح بيه
هااا ولج متذكريني وفاقدة عقلچ
ضليت امسح عركي ومتردده
لا مااعرفك صدكني عرفتك بالعقد شنو اسمك
انت عامر لو غلطانة بالاسم
أنت تقرأ
عشك بصراوي
Fiksi Umumقصه حقيقيه 100%100 +اني اريدگ وارفضگ بأن واحد ...خشيتا من خذلان ؛؛من كسر قلوب ؛؛من خداع المشاعر ...❤
