قولتهه ليو يلاا ي قلبي اسبقني استحمي مساافه انضف البيت😘،،،،، قال لي حااضر 😍 نزلت نضفتاا بيتي ❤️وبخرتوو💙 ودخلتاا اخدتاا ليي حمام وجيييت ما عارفه بس حبيييت البس من ملابس جاسم مع انوو ملابسي كلهاا نضيفه وعندي ضلفه كدا فيها ملابس الشيله المخشلعه دييك 😷 ومشييت زدت عليهم كتيير بس ما بحب البسهم 😂 من عرستاا احتمال اكون لابسه منهم 5 بس وهم قرابهه ال 30،، وجاسم كل فتره بجيب لي وبقول لي نفسي اشووفك بس ب ديل 😂 وانا بشيل وبجدع في الدولاب طبعاا اتعوود علييي وبقي ما بسألني 😂😂،،،،، المهم فتحت دولابوو وياااه من ريحت ملابسوو ترد الروح ❤️ شلتاا لي ترنك تلت تربع رمادي وفنيله كت حمرا وطلعوو ظابطين معاي 😂،،، رفعت شعري كعكهه ونزلتااا تحت لقيتوو بدا يعمل في الاكل ،،، شافني قال لي اوووو دفعه 😂💔 والله ي فرده ظابطيين فيك عديل كدا ،،،، طالع كسار لكن 😘 😂،،،، قولتهه ليو لازم،، اي شئ بظبت معااي انا 😌،،،، جااني قريب ومسكني من خصرري وقال لي صراحهه اي حاجه بتظبط فييك،،، يااااخ ليي انتي كدا ❤️عاده الناس بتحاول تبقي حلوه ب الملابس بس انتي بتدي الملابس حلا زيااده،،،، و حلوووه لو لبستي شوال حتي،،، جايبهه عفويه جمالك دي من وين ❤️،،،،، قولته ليوو من ماما جابتني عسسسل 😌،،، مسكني من انفي وقال لي والفصاحه دي برضوو جبتيهاا من ماما 😚،،، قولتهه ليو بطل🙈 انا جوووعانه 😂،،،، قال لي تعالي وجهزنا الفطور مع بعض وشربناا الشاي قام قال ليي انا خلاص بعد دا عاااايز اجيب بيبي 😒،،، قولتهه ليو جدا وريني متين واناا بمش اجيبو معاك 😂😌،،، قال ليي انا جااادي 😂،،، قولتهه ليو وانا كمان جاااااده بس وريني مكانوو وييين 😁،،،، قال لي جابت ليهاااا غتاته طيب ي روعه انا ح اوريك اجيبوو من وييين تعالي هنا وانا قمتااا جاريه منوو 😂😌،،،،، قبضني و..... 🙈،،،، كان يووم حلو 🙈😌😂،،،،، المهم تاااني يوم صحيتو وجهزتا ليو غياراتو ولزيتوو لز ل الحمام حلف كان يقووم بسهووله بعد دخل ناداني جوه الحمام قال ما قادر يدعك ضهرو وفعلا ما بعررف براهوو معااق خلاص 😂 👊،،، المهم خلصت من شافعي دا ومشييت جهزت ليو شاي ومعاهوو كيك،،، لبس ونزل لي تحت قال لي صباحك انا ❤️قولتهه ليو عساهوو صباح دائم ❤️🙈،،، اقعد اشرب واطلع قعد وقال لي اناا الليله ماشي الشركه فرع الخرطوم طيب،،، واحتمال اتأخر شويهه لانوو ابوي قال الوضع جايط هناك بحاول اظبط الامور وارجع تمام اقفلي الباب عليك كويس وم تفتحي ل زول الا تعرفيهو حاضر ي بيبي 😘 قولتهه ليو حاضر ❤️قدمتو لحدي الباب وقفلتوو ودخلتاا نضفت البيت وقعدت شويهه في التلفزيون تاني مليت ،،،، قمتا اتصلت ل اسلام لقيتهاا نفس حاالتي قالت لي روووعه😭😭،،،،، قولتهه ليها مالك 😂،،،، قالت لي قاعده برراي يااخ 😭 وزهجانهه 😭 قولته ليها اس الرجال ديل الله بحاسبهم لو خلوناا نشتغل 😂،،، قالت لي اس النبي دي حاله دي 😂 تتذكري ايام الجامعه وحاات الله في الارض ما بنقعد وعاملين زي الاولاد واحد،، اي مظاهره اي انقلاب نحنا جوووا 😂 قولتهه ليها وقسماا ايام حلوه يااخ والعجب لو في شكله بين حزبيين بنشيل النيم ونسرق البمبان ونفكو في الناس،،،، غايتو مجارمه كنا 😂،،،، قالت لي اليشوفنا زمان نهائي ما يشوفناا اس لابدين زي الضب 😂 قولته ليها وربي اتأدبنا ادبااا 😂 قالت لي رجال شوووم خلاص الراجل الاسمو محمد دا قدر ما حاولتااا اسيطر عليو ابااا لي نهائي 😂 والله حنييه ساااي بسمع كلاموو😂 قولته ليها الحب دا مرررض يااخ بعطل الزول وبنسيهووو نفسو 😂 قالت لييي ربنا يخليهم لينا ❤️ قولتهه ليهاا اللهم امييين ب الجد مااف احن منهم ❤️ الونسه جرررت قالت لي يوووم بتصل علليك ونمشي الكوفير مع بعض،،،، قولتهه ليهاا مستنياك ❤️،،،،، مشيييت نمت شويه كده صحيت علي صووت كركبهه افتكرت جاسم جاا نزلت تحت ما لقيت زول استغربت! مشييت علي الباب لقيتو مقفول زي ما خليتوو قولته تكون كديسهه ولا حاجهه ما اهتميت،،، دخلت المطبخ عملتاا الغدا وجاسم جا واتغديناا وسألتوو من يومو وكذا ،،،، قال لي والله الشركهه جايطه شديد ،،،،، طبعا جاسم دا من اتخرج مسك الشركه حقتو ل صحبو اسمو متوكل كان دفعتو وبنعرفوا من ايام الجامعه زول كده غامض وما بتفهم ابدا،،،،، واناا من كنتاا برلومه ما كنت برتاح ليوو وبقول ل جاسم ابعد منو بس جاسم كان بثق فيهو شديد،،، واناا كنت ما برتاح ليو لانو نظراتو لي ما طبيعه نهائي 💔 كل ما اكلم جاسم بقول ليي احتمال ما بقصد او حتمال مركز بعيد ،، فعلا طبعو كده تلقاهو سارح علي طول بفكر في شنو ما عارفه 💔 بس كان ما عندو صاحب غير جاسم في الجامعه و24 ساعه بكوون معاو دا الشئ الخلا جاسم يثق فيو كده ،،، وحتي كل ما نطلع انا وجاسم مع بعض بحس بيو بتعمد يكوون في وسطناا وانو ما يخليناا نتونس براناا يعني لماا جاسم يجي يشوفني ويسلم علي طوالي بتصل عليو ويقول ليو انا جاي اقعد معاكم وانا كنت بتغاظ من الحركه دي بس جاسم قال لي ما قصدو شئ واناا ما حابي احرجو ف كنت بحترم رأي جاسم وبسكت ،،،، يووم عرسنا انا وجاسم ما حضرو وجاسم لماا زعل منوو متوكل قال ليو جاتني سفريهه ضروري وكده 💔،،،،،،، المهم بعد ما تزوجناا انا وجاسم تواصلو معانا قل وحتي تصرفاتو مع جاسم اتغيرت بس جااسم دائما كان بخت ليو عذر واول ما اتخرج مسكو شركتو وهو اشتغل في شركه مونتي فرع ام درمان لحدي ما يتخرج ❤️،،،،، جاسم قال لي اتخيلي متوكل صحبي الوكلتو انو يديرهاا شغال ل حساب نفسو وحتي ما خت اعتبار ليي وانوو دي شركتي ،،،، انا مصدوم فيهوو بالجد ،،، قولته ليو وانت عملت شنوو؟ ،،، قال لي استلمتاا منو الشغل وبس،،،، وهو فهمني طبعاا انو انا كاشفوو بس اتجاهل وانا ما حبيت افتح معاهو الموضوع،،،، واس استلم منصب تاني ،،، قولته ليوو طيب انت ما فكرتا انوو طالماا هو في الشركه بقدر عادي يعمل اللي عايزو،،،، قال لي والله انا ما بقدر اطردو بس ح اراقبو واول ما اقبضوو ويكون معاي دليل ح اتصرف لانو اس ما عندي دليل 💔 قولته ليو ولا يهمك حبي ربنا ح يسهلا إن شاء الله قووم غيير مسافه اعمل ليك عصير،،،، قال ليي ما عايز داير اقعد معااك شويهه ،،، قعدناا اتونسناا شويهه وبعدو حضرنا فلم أثناء ما قاعدين قال لي حبيبي ما نفسك نطلع حاسي بيك زهجانهه شويهه ،،، قولته ليوو ياااااااااااااا يلا انا قايمه البس 😘،،،،، قال لي شووف البت قاعده علي الهبشه 😂 اهاا زاتو مااااف طلعه 😌😂 قولتهه ليوو عشااااني ي بيبي 😢 قال ليي طيب ما دامك زهجانه لي ما بتكلميني وتقولي لي طلعني الا احس بيك يعني 😒 قولته ليو عشان انت جاي من الشغل وكذا قولته بتكون تعبان وبعدين لما اكون معاك ما بزهج بس قبيل عشان انت كنت ماف 😢 خلاص اقووم البس 😢 قال لي لع 😂😌 قولته ليو يعني انت بتلعب ب مشاعري صح 😒😭 مسكني قال لي لا انا قصدي نلبس سوي 😂😂 قولتهه ليو كريهه يلا 😒 بس عسل 😘 طلعت لي تووب توتل مشجر ب الاخضر الزرعي وطقمتوو وطلعناا المساء اول مشيناا الروابي بيتش اتعشيناا وقعدناا اتونسناا كتيرر ،،، في شكل جزيره صغيره كده في وسط الموويه وما بعيده شديد (نااس المقرن❤️وعشاق الغابه عرفتوهاا صح 😂😂) يلا قولته ليو نفسي امش ليهاا تعال نجي بكره ونركب المعديه ونمش ،،،، عاين لي 😒 تمشي وين ي مره 😒👋،،،، اس انا كان جاتني هنا دا بوديك ليهاا 😒👋،،، 😂قولتهه ليوو يااخ الناس دي كلها بتمش ليهاا 😀،،، قال لي بس انتي لع منتهي 😒،،،، قولته ليو ليي😭،،، قال لي حبي الحتهه دي اغلب البمشو ليهاا رجال وبودو اغنامهم عشان يرعوا فيهاا او يجيبوا حطب او قش وكدا يعني والناس البمشو ليهاا ديل بكون جاين فسح ورحل وبقطعوا ليها وهي ما فيهاا حاجه مميزه يعني ،،، وانا والله ما بوديك ليهاا ويلا هس،،، قولته ليو انت بقيييت ما بتحبني زي زمان 😭😭😂 قال لي والله اي نعم هو ما زي زمان بق...... قولتهه ليو واعععع😭😭😭 وكمان بتعترف كمان كرهتك يلا😭،،، قال لي ي بت 😂 اصبري اتم كلامي يااخ 😂 انا داير اقول ليك بقيييت احبك اكتر من زمان والله ❤️انتي زمان كنتي حبيبتي واس مرتي وقريباا ام اولادي كيف ما احبك ❤️😂😂 وبعدين انتي جنك نقه كدا لييي هس يلا 😌😘😘،،،،، مسكني من يدي وقال لي عايني المنظر من هنا حلو كيف ❤️شكل الانوار وهي عاسكهه في المويه،، قولته ليو زي منظر عيونك وانت قايم من النوم ❤️ عاادي المنظر الحلو دا انا عندي في البيت وكل يوم الصباح بشوفو 😌😘 خت يدينو في عيونو وقال لي بخجل انا 🙈🙈😌،، قولته ليو قرد يلا😌😂😂،،،، قال لي وح تجيبي قرود زي 😌😝،،، قولتهه ليو واحلي قرود ياخ 😍،،،، المهم طلعناا ومشينا فوورتي ون شلنا ايسكريم وقعدنا في العربيه وناكل وانااا الايسكريم دا لمن اشوفو باكلو زي الاطفال بعشقوو مووت بقييت اكل وينقط في التووب😂 جاسم قال ليي الله بسألك في زول بيأكل كدا تقووول معاااك روحاني 😂😂 قولته ليوو الله اكبر 🖐️،،، قال لي يسحرو ليك شنوو انا خوفتااا ي مدام 🐸😂،،،، قولته ليوو احسن ليك قبل ما امرق ليك الروحاني المعاي دا ومليييت ليو قميصوو كاكاوو واضحك 😂 ما فضل ليوو الا يسب لي 😂،،، قال ليييي غلطااان انا استاااهل انا اصلوو ما بسألك لااااااكن دي اااااخر مررررره كويس وبتكلم ومتمالك اعصابوو 😂😂 جيتو قريب وشلتا ب اصبعي الصغيير اسكريم وختيتو في شفايفوو قولته ليوو بالجد دي اخرر مره اهون عليك 😢😚،،، قال لي ب صووت براحهه لا ما تهووني 😢🤤🤤 ومسكني من يدي قال لي كل يوم لو عايزه بجيبك 🤤،،، قولته ليوو خلاص قش الرياله دي وارح 😂😂 قال لي اصبررري لي بعد نصل،، اخ انا منك 😚😂😂 لفينااا كتييير و رجعنااا البيت،،،،،
تأليف ✍️ Rawaa Osman
