انتحداكم كلكم يلي تقروا واتابعوا في كتابي ان واحد يضحك منهن النكت هذينا 😜😌
*_*الطفلة تسأل أمها: ماما..علاش العروسة تلبس قفطان أبيض في العرس؟الأم:لأنها خاشة على دنيا جديدة كلها بيضاء..الطفلة:أها..وأني نقول علاش العريس يلبس في بدلة سوداء .
*_*واحد خوه مات ويبي يقول لمرت خوه من غير مايصدمها قاللها : راجلك تزوج عليك قالتله : ان شاء الله يخش عليا #مكفن???? قال : جيبوه ياشباب الامور طيبة .
*_*أغبى سؤال وصلني في #فيسبوك..!! واحد قالي: _خوي علاش تكتب بالعربي ؟؟ الله غالب خوي #الماني و ناكر أصلي .
*_*في واحد عنده دجاج ما ايدحيش بكل ,, جاهم يوم متكنطي قال غدوة الي ما نلقهاش امدحية على اقل خمسة دحيات بندبحها ,, اليوم التاني جي شاف الاولى القي تحتها ستة شاف الثانية الي تحتها سبعة شاف الثالثة الي تحتها وحدة ,, كيف جاب الموس بي ايجر عليها ابدت اتصيح اتقوله,,, اني سردوووووك سردووووك (ديــك) مش دجاجة.
*_*واحد ماشي في الطريق و عنده بيحــو القي واحد عنده مكسمة امشي قاله شنو رايك انديرو افاري ,,قاله صاحب المكسمة تي شنو تحسابني خروف انبدل مكسمة بي بيجــو ,,قاله صاحب البيجــو هادي فيها سر امشي اضرب على الكوفني اطلع مارد قاله برا جيب شاهي و كاكوية… امشي صاحب المسكمة افرح ,, بدلو لي بعضهم,, روح صاحب المكسمة بالبيجـو قالوله اهله يا مهبول اتبدل مكسمة بالبيــجو ,,,قاللهم هادي فيها سر اشرب على الكيفنو جاه المارد قاله جيبلي 2 ليبو ز 1 مكسمة ,,قاله المارد أسف اختصاصي شاهي و كاوكية بس.
*_*الأول : كيف تقول لشخص أجنبي تعالي هنا بالإنجليزي ؟ … الثاني : نقول له “كم هير” .. الأول : وكيف تقول له برة غادي بالإنجليزي ؟ .. الثاني : نمشي غادي ونقول له “كم هير”.
*_*واحد دار سلاطة بدون زيت فوزت.
*_*واحد طلب قهوة لقاها مخطوبة.
*_*واحد جاته الزكمة ملقاتاش
*_*واحد حط أيده علي فم كبده نتشاته
*_*واحد خش في موضوع كسره.
*_*واحد قدم شكوة أعطوه لبن
*_*واحد جري فيه الدم جابها الأول
*_*واحد داروله عملية مفهمهاش
*_*واحد وقفاته المطر شد عليها موس
*_*واحد عيونه ضيقات فتحهم علي بعض
*_*واحد سكر دماغه على صوابع ولده
*_*واحد وسع باله درسوله فيه طانطة
*_*واحد شري حوش عربي داروله تكة
*_*واحد بات برا ولي قارص
*_*واحد حوشه يقطر طباته الشرطة
*_*واحد شده الضي تعشي عنده
*_*واحد بطنه كبيرة ساقها برخصة ثانية
