الفهد المنتقم البارت التاسع#فهد وصل المستشفي و انصدم من اللى شافو
فهد بصدمه: مستحيل ازاى
فهد شاف اخوه ياسين قدامه وكان ماشى مع واحده و بيضحك فضل واقف مصدوم ومش قادر يصدق أن هو مش بيحلم والسؤال واحد بيخطر فى بالها وهو ازاى
عند ياسين ووصل للمستشفى مع مكه عشان عندهم معاد مع الدكتور وكانوا ماشيين بيهزرو مع بعض
فهد فضل واقف مكانه من الصدمه وانصدم اكتر لما شاف مروج رايحه ناحيتو
عند ياسين كان وواقف مع مكه بيتكلموا وراحت عليهم مروج وسلمت على مكه
مكه: ياسين تحب اعرفلك دى الدكتورة المسئوله عن حالتك اسمها دكتوره مروج
ياسين اول مسمع الاسم افتكر انو كان بيقول لواحده اسمها مروج انا بحبك وفضل يحاول انو يفتكر ومسمعش اى كلمه من اللى مروج قالتها
مروج:ها فهمت
ياسين:هو انتى قولتى اى معلش مكنتش مركز
مروج بحرج:بقولك مستعد لاول جالسه
ياسين:اها
مكه:طيب مروج خلى بالك منه وانا هروح اشوف حاجه كده واجى
مروج:طيب اتفضل معايا استاذ ياسين
ياسين:يالا
مكه مشت ومروج خدت ياسين ودخلت اوضه كل ده وفهد واقف مصدوم ومش قادر يصدق اللى بيحصل حاسه انو ضايع ومش فاهم حاجه وقرر انو يستنا و يشوف اى اللى بيحصل
فى اوضه الدكتورة مروج
مروج اقعدت قدام ياسين وبدأت تتكلم معه
مروج: ياسين حاول تركز معايا انت فاكر اى حاجه ولا اى
ياسين:انا بفتكر حاجات كتير لما بعمل حاجه معينه
مروج:تمام طيب بالنسبه للاشخاص أو اسمائهم
ياسين:لما بسمع اسماء بحس أن أعرف اصحابها
مروج:انا لقيت الحل لمشكلتك
ياسين:اى هو
مروج:احنا لازم نحاول نعرف اى حد من عيلتك اى حاجه لازم نعرف
ياسين:طيب ازاى
مروج: كفايه انهارده عليك بكره نكمل
ياسين:راسى بتوجعني
مروج :دى الطبيعى بعد الأسئلة دى كلها
ياسين:معاكى حق هى مكه فين
مروج:تعال معايا نروح نشوفها
ياسين:يالا
مروج خدت ياسين وطلعت وكل ده فهد لسه واقف ومش قادر يصدق ومش فاهم حاجه
مروج خدت بالها أن فهد واقف
مروج لياسين :مكه موجوده فى الاوضه اللى هناك دى وشورتلو على الاوضه روحلها وانا هعمل حاجه واجى وراك
ياسين:طيب
ياسين راح لمكه ومروج راحت عند فهد
مروج:فهد انت بتعمل اى هنا
فهد كان سرحان مش مركز
مروج :فهد انت كويس
فهد فاق من سرحانه:اها فى اى
مروج:مالك واقف كده لي
فهد مسك مروج من يدها وهى استغربت
مروج :فى اى يا فهد
فهد:مين اللى كنتى واقفه معه ده
مروج:مش فاهمه قصدك مين
فهد:اللى خدتيه ودخلت معه الاوضه
مروج:اها قصدك ياسين بتسال لي
فهد:ياسين هو اسمه ياسين
مروج:اها
فهد لنفسه:ازاى انا مش فاهم حاجه
مروج:فى اى يا فهد
فهد:مروج ارجوكى تجوبى على كل اسئلتى وهتفهمى بعيدا
مروج:طيب اسئله اى
فهد:انتى تعرفى ياسين ده
مروج:لا انا اول مره اشوفو
فهد بصدمه:اى انتى متاكده
مروج:اها والله اول مره اشوفو
فهد:طيب هو بيعمل اى هنا
مروج:كل اللى أعرفه أن هو عمل حادثه من سنتين
فهد:حادثه اى
مروج:الدكتورة مكه جابت المستشفى وكان متصاب برصاصة في رأسه وواحده فى صدره وقدرنا ننقذو بس فى العمليه دخل فى غيبوبه
فهد: غيبوبة
مروج:اها
فهد:كملى طيب مكنش معه اى حاجه تثبت هو مين
مروج:اها كان معه تليفونه بس حصلت حاجه غريبه
فهد: حاجه اى
مروج:التيلفون اختفاء بعد ماهو دخل فى غيبوبة علطول
فهد: وبعدين
مروج:هو فاق من اسبوع تقريبا بس المشكله انو فاقد الذاكره
فهد بصدمه:اى
مروج:بس فى امل انها ترجعلو
فهد:ازاى
مروج:الحل انو يشوف ناس يعرفها وبكده الذكريات هتبدا ترجع تانى والذاكرة ترجعلو
فهد فرح ومن فرحته نسى نفسه وحضن مروج ومروج انصدمت من رد فعله
فهد:شكرا اوى
فهد بعد عنها
مروج بخجل:العفو بس على اى هو انت تعرفه
فهد:هقولك بعدين المهم انا عايز عنوان الدكتورة مكه
مروج:لي
فهد: بعدين بس المهم انا عايزو ضرورى
مروج:طيب اهو العنوان ......
فهد:شكرا اوى عن اذنك
فهد ساب مروج وهى مصدومه ومش فاهمه حاجه
فى شركة الالفى فى مكتب حمزه
حمزه كان قاعد مشغول فى شويه ورق الباب خبط
حمزه:ادخل
السكرتيرة:حمزه بيه فى واحده عايزة حضرتك بره
حمزه باستغراب:واحده مين
السكرتيرة:معرفش يا فندم مقالتش اسمها
حمزه:طيب خليها تدخل
السكرتيرة:حاضر يا فندم
دخلت يارا
حمزه باستغراب:هو مش معادنا كان بليل ولا اى
يارا:انا المشغوله بليل عشان كده جيت دلوقتي فى مانع ولا اى
حمزه:لا طبعا
يارا:اتفضل دى ورق الصفقه انا وقعت فاضل انت
حمزه:حالا هوقعه
حمزه وقع الورق واقعد هو ويارا يتكلموا فى شويه شغل وفون يارا رن وردت وانصدمت من اللى سمعته واستذنت من حمزه وطلعت تجرى حتى حمزه استغرب من تصرفها واتصل بكريم يعرف منو اى اللى حصل .
انتهى البارت التاسع من روايه الفهد المنتقم.اى رايكم 😇 قراءه ممتعه 💙
