فصليه_ لرجل_بلا_رحمه

فصلية_لرجل_بلا_رحمة

بارت ١٠+١١+١٢

السلام عليكم...

نور(اخذت الغده صعدت فوك لكيته احمد نايم اجيت يمه اكعده

نور: احمد احمد كوم جبت غده احمد

*اكعد بيهه وهو ماكو ضجت منه نومه ثكيل حيل عطت عليي احمممد وهو فز

احمد: شرايده شبيج تصيحين
نور: ماريده شي سلامتك هذا الغده
احمد: ومنو كالج اريد امشي اطلعي بره ماريد
نور:سويتلك الغده و صبيتلك وجبته الك فوكاهه اطلعي بره
احمد: ومنو كالج اني اريد
نور: اني شلي دخل فرح كالت روحي وديله الغده
احمد: كولي فرح ماريد ولا تلحين شيلي من كدامي
نور: اني شوكت لحيت ماتريد انطيني خل انزله وانت اصبر للعشئ يلا تاكل
نور( اخذت الغده ونزلت جوه غسلت الماعين كملت رحت اغسل وجهي شفت اثار ضربات احمد بعده علئ وجهي دمعت عيني ليش احمد هيج اني شلي علاقه بعباس ومها ليش ياربي شوكت يخلص شهر هذا ضليت جوه رحت صعدت اخذ ملابس اسبح طبيت الغرفه شفت احمد متلفلف بطانيه ماهتميت اله رحت للكنتور اخذت ملابسي واني اريد اطلع سمعت واحد يون اجيت يم احمد لكيته يون بصوت عالي "عزه هذا شبي" حطيت ايدي علئ راسهه لكيتهه مشتعل نار كعدته بلكوه يكعد جبتله كمادات من جوه سويتهن اله مافاد اني نزلت جوه وصعدت وهوه ولا حرف حجه نزلت لفرح

نور: ولج فرح احمد مسخن
فرح: صدك خل سيف ياخذه لطبيب
نور: يلاا صارله ساعه يون
فرح: ايي احمد اذا يتمرض ينتهي فد مره
نور: هااا يلا اتصلي بسيف خل يجي

نور( اجه سيف واخذنهه للدكتور كال ضلي بلبيت بس اجيبله دواء واجي اخذ احمد وياه اني ضليت بلبيت انتظرهم هسه شبيه خايفه عليي هوه بس مصخن حرامات اخاف علي بعد الي سوه بيهه كل ما اذكر الي سواه اتمنئ اعوف البيت واشرد لاهلي بس صابره عليهم لان كال شهر واطلكج شويه واجو اجه سيف انطاني علاج فهماني شوكت ياخذه كال ياخذهن وره الاكل شفت احمد عيونه سود حسبالك طالع من كبر صعد رحت وراه وجبت الاكل لان هوه ماتغده طبيت لكيته متمدد علئ جربايه طبيت
احمد: مو كتلج اريد انتي ماتفتهمين بالكلام
نور: هسه علئ شنو صيح غير اخوك كال خل ياخذ علاج وره الاكل وانته اصلا مماكل
احمد: انتي شعليج بيه لو اموت انتي شعليج بعد بس تجيني نور تحجي براسي
نور: اهووو فوك ماخايفه عليك واجيت انطيك الاكل والله متستاهل اصلا كلامك صحيح تمرض اني شدخلني بيك

*ردت اطلع كضني من ايدي كالي

احمد: صدك خايفه عليه
نور: لا والله منو كالك اني خايفه عليك لا خايفه ولا شي انت تسمع غلط
احمد: اهاا صرت اسمع غلط
نور: اي تسمع غلط هسه خليني اطلع
احمد: هسه منو كاضج
نور: ابوي كضني
احمد: يمكن
نور: (بتعيب) يمكن
احمد لاتعيبين
نور: واذا عيبت شسوي تضربني لو تركع راسي بالشباك😒
احمد: اهووو بدينهه نور راسي يوجعني وراح ينفجر مالي خلكج
نور: اهاا راسك يوجعك لعد لمن ركعتني بالشباك شكلت نفسك
احمد: ساعه عصبيه
نور: واني لازم اتحمل عصبيتك واكلك كمل
احمد: اهووو تريدين تعاركين اليوم مالي خلكج راسي يوجعني
نور: اي صح اني دوم اسوي مشاكل وانت ملاك ابدا متسوي شي
*عفته وطلعت وعيوني براسي حرامات احد يكول خطيه علي ،وفاكاهه ممهتم لكيت سيف جوه هوه وفرح وحنين كالي سيف