فصليه_ لرجل_بلا_رحمه

#فصلية_لرجل_بلا_رحمة

بارت ١+٢+٣
ألكأتب أبہن الہٰشيٰخ

امي: ولج كومي يلا نروح للسوك
نور: يمه عوفيني شويه نايمه
امي: ماشبعتي نوم كومي يلا
نور: اوووف كمت كمت
امي: يلا بسرعه بدلي عمود نروح للسوك ماشي
نور :ايي كايمه بس لو اعرف المن رايحه للسوك وياج روحي وحدج
امي :ولج ماعرف اروح وحدي كومي شويه ونرجع
نور: ايي
(خل اعرفكم عليه اني اسمي نور عمري 19سنه اول سنه كليه عايشه بغداد مواصفاتي شعري طويل وبيضه وعيوني كبار ولونهن عسلي فاتح طولي 165 وزني 55 عائلتي متكونه من علي اخوي جبير عمره 23 احنا بس اثنين لاهلنه ولد وبنيه اخوي طبعه دائما جاف حتئ يحاسبني ع لبسي وشكوكي لدرجه مو معقوله مرات اني اضوج منه لان يحاسب ع اقل شي بس بابا داائما ميهتم للبس وماما نفس شي بس هوه داائما يضربني اذا عاندت وبابا يجي يظربه حتئ اذا اني غلطانه😂...
كعدت وسبحت ولبست بنطرون جينز اسود وقميص بس طويل للركبه ولبست حجاب وطلعت صحت
نور: يلا ماما وينج
امي: كملتي يلا نروح كلت
نور: كلتي لبابا احنا طالعين
امي: ايي يمه كلتله يلا امشي
علي: ها وين رايحين وانتي نور هاي شلابسه جم مره كتلج ممنوع البطرون روحي غيري
نور: شبيك انت واذا لابسه قميص طويل
علي: فوكاهه صيحين شوفي بنتج انتي شتحجي
ام علي: يمه شبيك شبي لبسهه مستور حتئ مو حصر
علي: لو تغيرينهه لو ماكو طلعه
نور: وانت بصفتك منو تحاسب ع لبسي
علي اخذيلج راشدي عيني لو تبدلين الي لابسته لو ماكو طلعه
نور: اهوو يوميه نفس القوانه
(صعدت درج رحت بدلت وكلت هسه شعليي بيه وبلبسي دوم حضي فكر شلبس يحاسبني اووف حتئ مخليني البس جبه لمن اروح لكليه والله مليت منه رحت بدلت لبست تنوره وقميص ونزلت كتله
نور: هسه ارتاحيت
علي: ليش مالبستي جبه مو احلا
نور: خل اللبس بوشيه عمود ترتاح
علي: والله احسن
نور: اهوو يلا رايحه
علي: روحه بلا رده
نور: انشالله الك
علي :يمه اني هم طالع ابوي بالبيت يضل
ام علي: بكيفك بس لاتتاخر
علي: انشالله
نور (رحنا لسوك سوكنهه كوومه شغلات ورجعنهه وتغدينهه اني تعبت من فره سوك والهوسه ورحت نمت وكعدت غسلت وضليت كاعده اني عندي احلام اليقظه هوواي عندي باي مكان اضل اتحلم واني كاعده صارت عاده ماكدر اعوفهه واني كاعده اتحلم سمعت عياط وبجي جوه كبل كمزت من مكاني ورحت اركض
نور: يمه شكو شبيج تبجين
ام علي: ولج اخوج.....

بارت 2

نور(جنت كاعده وسرحانه بحلام اليقظه جانت عندي منهه هوواي وداائما عن فارس الاحلام واتمنئ تصير قصتي مثل المسلسلات التركيه وتخيل لحد ماسمعت عياط وبجي جوه نزلت اركض
نور: شكو يمه شبيج تبجين
ام علي: اخوج ولج كتله واحد وهسه اجوو اهله يصيحون بشارع
راح يكتلون ابني الماعندي غيره صخام صخمني شسويت بينه ياعلي
نور اسمع امي وابجي هسه شراح يسوون بعلي ضلينهه خايفين ع علي ومنعرف شنو سالفه ? وبابا وين? اووف😢 ياربي احفظلي بابا وعلي
وجان كعدت امي كامت تعيط وتبجي شسوين بينهه ياعلي اجيت كعدت يم امي
نور: يمه كافي لخاطر الله يمكن الولد مابي شي
ام علي: ولج شلون اخوج داعمله واحد هسه يطلعونهه من بيتنهه ويكتلون ابني وين نروح
هو ابوج ويشتقل خلفه منين نجيب...
وكامت تبجي وتعيط واني واكفه يمهه ابجي هم
جان شويه واجه بابا صاير عصبي حيل عمري كله ماشفت بابا هيج اول ماطب كام يصيح
ابو علي: شفتي ابنج شسوه ياسعاد شفتي داعم ولد وهسه الولد بالمستشفئ وحالته خطره
واجو اهله اخذو عطووه واسبوع جاي الكعده شلون بيه منين اجيب اني
نور: بابا ع كيفك انشالله يصير خير
ابو علي: منين يجي الخير يانور هذا الحيوان (علي) داعم الولد وهو سكران من شوكت يشرب هذا