(البارت السابع)
بقلم الكاتبه (hadelalktalonea)
اوس) انَـỲǑŲـْتي ماممكن تكونين انسانه تحب تجرح الناس الي يحيطونها، ما اعرف يمكن اني شويه ضلمتج بتفكيري جنت اعتقد انتي انسانه متكبرة ماممكن تهتم لاي شخص عدا نفسها،
بس الي بين الي بداخلج طفل كلش صغير، ميعرف شنو يحقد او يجرح، اني كلشي ما اريد منج بس اهتمي لصحتج وتعالجي، م̷ـــِْن حقج تكونين انسانه حرة تحب وتنحب، وتطلع وتتونس بحياتها ميلوكلج تضلين كاتمه عل نفسج، الي يشيل مثل مواصفاتج وجمالج حرامات يشوف لحضه حزن، الصراحه اكول شي بدون متزعلين مِڼـّي
سيلا) شنو الي يزعل بلي راح تكوله
اوس) اكدر احجي ومتتضوجين م̷ــِْن گلآمَيےّ ولا تاخذين موقف،
سيلا ) اي تكدر تحجي
اوس) سيلا لَيــِْ♡̷̴̬̩̃̊ـِْش. انَـỲǑŲـْتي م̷ـــِْن زمان ما عرفتج. يعني لَيــِْ♡̷̴̬̩̃̊ـِْش. هسه يله اني عرفت عِنـ.̷̷̸̷̐ـديّ بنت عم مثلج وين جنتي وليش هسه يله شفتج وين •اللّـہ̣̥ جان ضامج عليه،
سيلا) بصوت ناصي شنو الي يتغير أإأذأإأ جنت تعرفني م̷ـــِْن زمان وليش مهتم تعرفني ،شنو الي يراح يتغير اذا كان هسة او بعدين
اوس -هواية اشياء جان اتغيرت لو عارفج قبل جان ما مفوتت الفرصة حته اتعرف عليج او يمكن جان اتغيرت اهواية احداث تخصني واحتمال تخصج
سيلا-مدا افتهم شنو قصدك يعني شنو التغير الي راح اضيفة لحياتك لو عارفني قبل ممكن افتهم قصدك
اوس- شوفي سيلا يمكن راح اكون جريئ او كلامي راح يكون بصورة مباشرة وياج بس اتمنى متاخذين موقف مني ولا تعتبرين الكلام الي راح اكوله متقصد اضوجج بي او احرجج بس الي بداخلي ما اكدر بعد اسيطر على مشاعري واكتمة لان اني مو كلش بارع بالتمثيل ولا اكدر اتصرف وكانو هذا الشي مصاير ويايه يعني بصراحة انتي انسانه مامكن اي شخص يكدر يقاوم لحضه بدون ميضعف بنظرة وحدة من عيونج والصراحة اني مو من لحضة شفت عيونج ضعفت لا من لحضة شفتج بالحديقة اول مرة رغم ماشفت وجهج ولا حته سمعت صوتج وقتها بس حسيت احساس غريب وقتها خلاني احتار بشكل الانسانه الي تملك صاحبه هذا الشعر الي يتشابه ويه ليل الشتة الاضلم والي زادني فضول اكثر غموضج وهروبج لحضه دخلت لبيتكم ما اعرف يمكن لحضتها حطيتج ابالي واتصرفت هذاك التصرف الي يمكن زعجج وزعجني نفس الوقت لان اني بطبيعتي ما ممكن جنت اتخيل نفسي اتصرف تصرفات واحد مراهق ههههههه يعني تكدرين تكولين تعمدت استفزج لحضتها حته اسمع صوتج واشوف شكل الانسانه الي تحمل مواصفات كونيه وخياليه ماممكن اتكون عيني شافت مثلها
سيلا - ممكن متكمل حديثك انت شنو دا تحجي شنو قصدك من كل هذا الحجي
اوس- شوفي سيلا اني كلتلج اني ما حاب تنزعجين او حته ممكن اتقبل فكرة انو الموضوع يسببلج صدمه او حته ردة فعل تخلي حالتج تسوء بس اني هم انسان وعندي مشاعر وماممكن اكدر اتحمل بعد اكتم اكثر بكلبي سيلا انتي من اول يوم شفتج ومن اول يوم عرفتج بي ما اعرف شنو بالضبط الشعور الي دا احسه تجاهج ولا حته اكدر افسر شنو الي دا يصير بية من اشوفج
يمكن يكون اعجاب بيج او يمكن اكون حابج فعلا لهذا السبب كلت لازم اعترف الج يمكن تكدرين توقفين الحاله الجنونية الي دا اعيشها لان اني ماممكن اكدر اتجاهل وجودج واتصرف كانه ما احس بشي تجاهج
سيلا - اوس اترجاك اسكت ما اكدر بعد اتحمل بعد انت تعرف شنو الحجي الي دا تحجي
لا ما ممكن تكون انت بوعيك شي اكيد الحادث اثر عليك وخلاك تحجي هاذا الحجي
انت دا تستوعب الكلام الي دا تحجيه
اوس - جانت كلش مرتبكه ومنفعله لدرجه تحجي وحسيت دموعها راح تنزل يمكن اني جنت كلش جريئ بس لازم ما اضيع الفرصه من ايدي لازم ما اخسر مرة ثانيه او يمكن الي دا اعيشة بهاي اللحضة معايشه قبل حسيت عليها كلش توترت وبدت تفرك بديها تقربت عليها وسحبت ايديها خليتهم بين اديه جانت اديها كلش حارات ويرجفن هي بسرعه انصدمت من موقفي حاولت تسحب اديها اني اتمسكت اكثر حاجتني بصوت ناصي ويرجف حسيت حته بدكات كلبها جانت كلش خايفه ومتوترة لدرجه كامت تبجي حاجتني بصوت مخنوك وكوة يطلع منها الحجي كالتلي
اوس اترجاك اترك اديه كلشي ما اريد منك حته ما استحمل بعد حرف واحد يطلع منك
اذا عندي خاطر يمك سد الموضوع ولا تفتحه بعد لان الي حجيته لا يمكن يكون بيناتنه ولا راح يصير انت متعرف شلون اني مصدومة من الحجي الي حجيته حته مدا استوعب الصار
اوس - اششش ما اريد اتقررين اي كلام هسه ولاحته اني راح اطلب منج جواب اني اقبل اعيش هذا الشعور لوحدي حته اكتفي بلمحه من خيالج ههههه تعرفين الشاعر شيكول كمر سموني واتركهم واجي الليلج يعني حته الكمر يمج تنازل عن نفسه لان ماممكن يكون بحلاتج وحلات عيونج الدوخني لتقررين ولتخلين بيناتنه حواجز ما اريد الاحجي الي حجيته يخلي مسافه بيناتنه
اني من حقي اعبر عن الي بداخلي مو جريمه حته تحاسبيني عليها او ذنب ما بعدة اي مغفرة
كلشي ما اريد منج ولا راح اطالبج تبادليني نفس الشعور
اني اكتفي بنظرة وحدة من عيونج حته بيها اضيع وما احسب احساب لاي شي بعدها
سيلا - مكدرت احجي بس دموعي ردن جوابي ماحسيت فجاة وترك ايديه وقرب ايدة عل خدي وراد يمسح دموعي اني بسرعه درت وجهي وسحبت اديه وغطيت وجهي حاجيته واني كل حيلي يرجف اوس ااترجاك اطلع برة ما اريد اشوفك بعد ما اتحمل بعد اي كلمه منك ما اريد اعرف شنو شعورك تجاهي ولا اريد ابادرك باي شي ولا ممكن اقبل يصير بيناتنه شي
اوس- خلص اني اسف اوعدج الي صار هسه ما راح ينعاد ولا راح اضوجج بعد بكلامي انتي بس كافي تبجين ما اتحمل اشوف دموعج خلص بس بطلي بجي وعد مراح احجي ولا حته حرف واحد
حسيت بدوخه كلش قويه مكدرت اوكف بعد على رجليه بسرعه صار عندي الم فضيع براس مكدرت احجي بعد احس لساني انربط وما بيه اوكف على حيلي بسرعه لزمت حافه السديه الي هي كاعدة عليها حاجيتها واني كوة اتنفس سيلا اذا تكدرين توكفين عل حيلج وتمشين روحي صيحي الطبيب بعد ما اكدر اتحمل الالم
سيلا - من شفت حالته كلش انصدمت جان كلش تعبان ويتوسل مساعدة مني معرفت شسوي بس كل الي كدرت اسوي بوقتها ساعدته حته يكدر يمدد بعدها لا اراديا شبكت اديه وحاولت اسندة عليه حته يكدر يوكف على حيله
متتخيلون شنو جان شعوري من صارت انفاسه قريبه عليه حسيت بي طفل زغير مو نفسه الشخص الي جان يحجي بكل صراحة عن مشاعرة رغم جانت حالتي كلش تعبانه بس ما اعرف من شفت حالته حسيت اني احسن منه واقوى جان كلش تعبان وكوة ياخذ النفس ويتوسل حته اساعدة اني بس حطيته عالسرير رحت مثل المخبله استنجد احد يجي يشوف حالتله تلكوني البنات ووسيم وياهم جانو مصدومين من حالتي
وسيم -سيلا ليش انتي هنا وبهاي الحاله بيج شي اوس بي شي
سيلا - اوس وسيم اوس ما اعرف شبيه تخربط ووكع من طوله وما اعرف شسوي بس جيبوله الطبيب
وسيم - بنات انتو اخذو سيلا حالتها كلش تعبانه واني رايح اجيب الطبيب وارجع
نور - يله ريام ساعديني حته نودي سيلا لغرفتها يله حبي لتخافين هسه يشوفه الطبيب شي اكيد هو صارت عندة مضاعفات لان نزف دم هوايه امشي خلي نروح نشوفه لحد ما يجي الطبيب
سيلا - رحنه عل اوس جان كلش تعبان وبس يتالم من شفت حالته هيج كلبي تكطع عليه بعدها اجه الطبيب وشاف حالته كال يحتاجله راحه هو كلش تعبان وجان نازف دم هوايه وفوك هذا كله هو لازم يكون بغرفته يرتاح شجابك لهاي الغرفه لازم مكدرت تستحمل بدون متشوف هاي الاميرة الحلوة الاحسن اجمعكم غرفه وحدة حته متكون مجبور تتعنه الها وانت بهاي الحاله
سيلا - اوس رغم جان تعبان ويتالم التفت عليه وجان يباوعلي بنظرة متقصد يحسسني بكلام الطبيب الي كاله
اني كلش خجلت وحسيت كلبي راد يطلع من مكانه ما اعرف شنو حالتي متنوصف يعني ما اعرف انقهر عله حالتي لو انقهر من كلام اوس كلهن التمن عليه اهلي حالتي دراستي موقفي ويه اوس اليوم الي زاد فوك همي هم
نور - سيلا يله انتي موزين عليج لازم تمددين يحتاجلج راحه
سيلا - نور الله يوفقج طلعيني منا ما اريد ابقه ولا دقيقه هنا اني ما تحمل بعد اختنكت ارحموني حسو بيه
نور - خلص انت اهدي وكلشي يجرالج اوعدج باجر من الصبح نروح للبيت خلص ياعمري اعرف بيج مليتي
اوس- دكتور ممكن تسجلي خروج اني ما اتحمل اضل دقيقة وحدة بعد
الطبيب - ابني انت حالتك جانت كلش حرجه ولتنسه انت جرح براسك كلش بليغ اول متستقر حالتك اوعدك اسجلك خروج يله اني استاذن راح انطيك ابرة تساعد على تخفيف الام تكدرون هسه تحولونه للغرفه الثانيه رغم اني معرفت السبب الي خلاك تجي للغرفه هاي بس يله هههههه اهم شي سلامتكم انت والاميرة مالتنه الحلوةوانتي يا حلوة يله اخذي العلاج وحالولي ترتاحين حته
باجر انشالله نبدي بالعلاج الاساسي لحالتج اتمنالكم الشفاء باقرب وقت
