جان شاب حلو وسيم عد عرس اخوه جان واكف بصف اخوه شاف بنيه كلش حلوه ومرتبه انغرم بيهه حباها من اول نضره حفظ ملابسه بعد ايام من العرس ضل ايفكر بيهه سأل مرت اخوه عليه كلهه شنو نوع الملابس وعرفته كالتله هاي اصير بت اخويهه كال إلهه اني حبيته وكل لأمه وراحو ايخطبون وافقو وصار العرس ودللهه دلال ما صاير بعد سنتين من العرس ما صار عدهم جهال وراحو أنواع التكاتره كالو الهم السبب من الرجال وره شهرين كالتله اريد ارجع المدرسه حته مستقبل الي والك لين ما يصير عدنه جهال وافق ورجعة للمدرسه ودخلت كليه ومن دخلت كليه اتغيرت هوايه واكامت وين ما تروح اتكول معذبني وما يصير عده جهال واني ما اعرف اشلون متحملته وكامت تطلب الطلاق منه اتكول اريد اشوف جهالي كبل ما موت و هوه كام ايصبر عليه ويكله الجهال بيد الله وايصبر بيه بس هيه متقبل وراحت لهله زعلانه ودت علي بلمحكمه بس من كثر ما يحبه مايحضر المحكمه وطلكوهه غيابتآ وره شهر من طلاك ازوجت وحياته صارت دعيسه وما يضحك من ذاك اليوم مره راح للزياره النجف الاشرف ايكول شفت بنيه شابه حلوه بس تبجي كلتله خويه شبيج تبجين كالت اني ضعت من امي موبايلي عد امي ممكن تطيني موبايلك بس اخابر امي كلتله تدللين وانطيته المبايل وخابرت امهه واجت واخذته ضلت اتباوع ورها علي بعد كم يوم راسلني رقم ما عرفته كتله منو كالت اني ذيج البنيه الساعدته واني احبك صدكني ايكول اني حجيت إلهه قصتي وهيه قبلت وكالت ذريه بيد الله راح اتقدم إلهه وصارت القسمه وره شهر من العرس تبين مرته حامل وصله صلاة الشكر لله وصار عنده ولد مع العلم انو مرته الي طلكها ازوجت كبله بهواي لحد الان ما صار عدهه شيء
(ارضه بكل شيء يعطيك الله واصبر لأن كل من صبر يجازي الله هاي البنيه سلمت امرهه بيد الله والله ما قصر الف الحمد الله والشكر🌺)
