الحب الاعمى (غير مكتمله)

بارت ٧

مساء الخير حبايبي🌺🌺🌺

☆( الحب الاعمى )☆ رواية حقيقيه

//....بقلم((فاطمة كريم )).....//

#البارت السابع ......

رحت الماما كلتلهه اريد اروح ماتحمل بعد هوة بل مستشفى بسببي

امي كالت لا عمامج وخوالج يسمعون و يتعاركون هسه ..

لا اني اروح ماتحمل مروتج كليلهم اني رحت الحالي ..

لا عوفينه من هل سالفه يتعاركون العالم منوراج..

عفتهه تروح لغرفتهه .. وشردت. بس طلعت وكانت احاسيسي بين ال مصدومه . وخايفه. ومرتبكه وماعرف هذا قراري صح او خطأ واحاسيس مخربطه

رحت للمستشفى ..

اول مدخلت للمستشفى.. تلكتني خالتي .. صاحت عززززا بعينج .. شجابج هنا ولج خالج بس يشوفج يموتج ويكسر راسج يله روحي

اني ابجي واكللهه بس اشوفه فدوه.. بس اشوفه واروح
رحت اركض للغرفه ودخلت
اشوفه مدد وحالته تكسر القلب.. وجهه شاحب ولافين ايدة ومعلكيله كانونه ومغذي ونايم اول ماشفته حجيت بهمس عللللي ودموعي تنزل .. هوة فتح عيونه بتثاقل وتعب

اول مدخلت تلكاني خالي كام يصيح ويغلط انتي شجابج هنا ولج دايحه انتي مال اكسر راسج واحبسج بل بغرفتج..

علي صاح لا عوفهه تعالي يمي غزل ممنوع احد يحاجيهه فتهمتو

سكتو عنه لان مريض و خالي يتوعدلي و خالي الخ سكت بس احس الحقد يتطافر من عيون خالي الكبير

اجيت امشي بأتجااها مكسوره و دموعي تصب كلتله ها شلونك بيك شي يوجعك شي

گاالي ايي يوجعني فراگج يوجعني دموعج ...

بس يحجي بهمس ...

كالي غزوله صحت عليهم و منعتهم يطلعوج من يمي مو معناها قابل بجيتج و انتي بنيتي لحالج المفروض مطلعين من البيت وحدج انتي حليوه و العالم ذيابه و اني ما احب احد يشوف هالعيون الحلوه ...

(ضحكت)

كالي،، فدوه لهلضحكه الحلوه هسه مال الفج بحضني و اشبع بيج شم و حضن و بوس اووف ولج ليش هيج حليانه ...

باوعت عليه صفح ،، كلتله عيب استحي خوالي هنا هسه يكسرونك

گالي افا تخسين انتي و خوالج وج اني دليمي نسيتي لو اذكرج و يغمزلي ...

عاد حسيت واحد من خوالي ...

گاله خالي محتاج شي احنا نترخص اني و غزل ..

اجيت احجي و اكول لا ما اروح خزرني علي گالي روحي اني انشالله باجر اطلع يلا يأم بيتي خالي ابو ماجد ضل يباوع عليه بحقد و سكت

طلعت وياهم خالي يجرجر بيه و يتوعدلي اني بالي مو يمه و بس ابجي ...

صعدت بالسياره و عيوني عالباب مال المستشفى بلكي يطلع و اشوفه بلكي يجي وياي مثل طفل مضيع الامان و الكيه بس يم علي ،،،

وصلنه للبيت ،،، و ما احس الئ احد سحبني من ايدي بقوه و وكعني بالكاع كمت و اشوف امي و خالاتي و زوجه خالي و خوالي ثنين واكفين بس

كلت( ماما).. اجاني راشدي حسيت الدنيا افترت بيه وكعت و استلموني ضرب خوالي و الغلط اشكال و الوان اسمعه كمت اصيح يمه لحكيلي حمووت و يكولي لا خلي يجي علي يلحكج الفضحتينه بسببه تريدين العالم تسكتلج موو كواويد احنا تتمعشگين والله ما تصيرين اله الئ اموت ...

اجتني امي و خالتي و زوجته يريدون يخلصوني حطوهم وياي ...

لمن اغمئ عليه صحيت امي يمي و اني بالغرفه گعدت متهستره اصيح بعلو صوتي كتلوني خلصوني اني لو بنت حرام جان حياتي مصارت هيج ولكم ارحموني شمسويه ليش هيج تكرهوني ....

ثاني يوم طلع علي من المستشفى

سكتو عنه لان مريض و خالي يتوعدلي و خالي الخ سكت بس احس الحقد يتطافر من عيون خالي الكبير

..

نهايه البارت السابع

بقلم فاطمة كريم