حب مراهقه🖤🍃(مكتملة)

❤🍁حب مراهقه

الحلقه الاولى... نتعرفو شويه ع لشخصيات!..

وتين م2000 بنت طموحه وتحب قرايتها تحلم تقعد كابتن طيار بس للأسف المجتمع الي قاعدين فييه يسمحش طويله وبيضه ونقشها الاشقر وعيونها عسليات وشعرها لونه بني طوله متوسط وهيا اول العنقود❤... عندها اخت وحدة اسمها ريان م2010 وخوين محمد2006
صهيب م2016 ....اب وتين خالد طيب بكل وميحبش يرفض لعياله طلب يشتغل فالنهر الصناعي م70 ام وتين خديجه جديه شويه متحبش لبصارة بس حنوونه خريجه قانون تشتغل محاميه م80 ....

ام وتين..وتييين نوضيي
وتين..هاا نبي نرقد
ام وتين..وين ترقدي الساعه واحد
وتين..به طفي الضي بس تو انوض
ام وتين..نوضييي خيرلك
وتين..به خلاص
ناضت وتين خشت لحمام دوشت وضمت الحوش وخشت معا امها للمطبخ معا خشت باتها
اب وتين..حطيتو الغداء!
ام وتين..اهاا اشويه بس
اب وتين الي هوا (خالد)..باه عارفه تااعب بكل اليوم المقاول يبي عرم حاجاات
خديجه..اهاا قتلك نشرو شقه واسعه واتيه متبيش😐
خالد..معش تدويلي نحنا بدينا فالبني نتوكلو على الله وخلاص
على سفرة الغدا...
خديجه..وتين وتي روحك بنعدي عند خالتك امل!
وتين..صاح باهي
محمد خو وتين..بنعدي معاك
خديجه..قمعز مفيش اعيال غادي😐..
محمد..به😕
كملو غدا صبت وتين اغسلت الماعيين و وتت روحها كانت لابسه سروال جينز ازرق ضيق فيه تشريطات وبلوزة طويله لونها وردي وكويش ابيض و وشاح ابيض طبعا بدون مكياج لأنها تحب تطلع علي طبيعتها💛...وصلو عند الحوش..
خديجه..عدي دقي الباب
وتين..به... لقت الباب مفتوح ركبت دقت عالشقه فتح...
سراج..خير..جا بيسلم عليها مبتش😕
وتين..وين خويله امل!
سراج..قاعدة جوا خشي
سندس..تووووتيي ياعمري توحشتك❤
وتين..خيراات ياقلبي 💛
سندس..تعالي نخشو للدار
وتين..به....
سندس..كنك😑
وتين..كني شي
سندس..كذابه
وتين..تو والنبي الي يحب خلقه زي هذي يقعد حاله كويس😤
سندس..قصدك سراج ههههه والنبي شن عجبك فيه السوداني هضا😂
وتين..متقوليش عليه سوداني هوا بس اسمرر💔
سندس..وادافعي عليه اخرا
وتين بدموع..خطيني☹
سندس..به بس مديريش في روحك هكي علي واحد ميستاهلكش
وتين.. خلاص به😑
سراج دق الباب...دوسي(سندس)وين خيط الشحن
سندس..خش مافي حد توتي بس
سراج وهوا يقلد في صوتها..توتي بس😂
سندس..تو ندورة لكي
وتين..ههههه الادب نازل عليك من امتى
سندس..شن تحقي فيا😂
سراج..تعدليش عليها وتين صغيرة
وتين..اها صاح ياجدي
سراج..والله كني مجوز راه جايب وحدة كبرك😏
وتين..به عليش تهزب انا مقلت شي
سراج..شي مهزبتش ندوي عادي
وتين..😞😞

خليني نعرفكم ع عيله سراج...
سراج اصغر واحد في خوته 98 عندة شويه غرور واخد في روحه مقلب🤦‍♂️معا انه مش سمح واجد اسمر شويه عيونه لونهم اسود رقيق طويل بس حااانط💛 وخوه محمد م93 ابيض طويل عيونه لونهم بني شعرة بني عندة عضلات عصبي بس يشرب😔 يحب وتين من قبل لاكن بعد ما قعد يشرب وهكي معش قعدو يحكو معا بعض واجد وخوه انس م90 هاادي بكل ابيض ونقشه عالاشقر طوله عادي خاطب وعندة فالدين لكن جوا سمح☺ اخته مودة م97 و الاء م2000 وسندس اخر العنقود م2005 انتيمت وتين وصندوق اسرارها❤

خديجه..شن حالك وشخبارك
ام سراج..والله الحمد لله غير تعب علي فرح انس وخلاص
خديجه..باهي ربي يتمملكم علي خير وتفرحي بيه
ام سراج..انشالله☺

وتين..تقلد في سراج...كاني مجوز راه جايب بنت كبرك يااي مبرده توا هضا بيقعد هكي لعند امتى مجيتش شوره بكل انا😞😑
سندس..تي فوتيه مريض
وتين..وانا شن قاعدة اندير ربي ايصبرني وخلاص هضا ابتلاء من ربي😤
سندس..قتلك😁
وتين..ها شن وراها الابتسامه هذي😂
سندس..امس مشيت لمحمود طول الوقت يسأل عليك شنجوها وينها درهلي كبدي😂😂
وتين..مشالله عليك تجيبيش الأ فالخبار السمحه الي كيف وجك 😑😂
خديجه..هيا وتين باتك جاا
وتين..به
سندس..لااا باتي عندنا
وتين..نقدرش دادي يخلنيش🙂
سندس..باردة
وتين..سخنييني😁
سندس..مبردك باي😍
وتين..بايات😚
روحت وتين للحوش وخشت للدار مرقدتش كملتها وهيا تبكي

وتين..توا انا شن درت ياربي بيش اديرلي هكي كنت بنت متأمنش بالحب ولا الحاجات هذينا بكل فجاء هكي نحبه نموت فيه حتى وها ميحبنيش عليش انا مش باردة بش نقعد هكي كلما نقول معش نحبه ومعش نعدل عليه نزيد نعشقه اخراا😢نعرف انه هوا عندة بنت تانيه في حياته بس مازلت نحبه لما نحق عيونه ولا صوته ولا ضحكته اااه بس شن درت انا وشن السريب الي خشيت فيه😔

(شعرت بثقليي عليك😖سأعفيك من حديثي واهتمامي😧😟)...روايات
نونه المعداني💛🎆))

يتبع...