اسيرت النهوه

البارت الخامس

هلووو شلونكم حبايب قلبي 😘♥️♥️♥️😍😍💕بارت جديد يلا انبلش

انا المكسور خاطر من الكماط
وانا المشلوع كلبي من الطفوله..
سبع سنين عمري وشيب الراس
اشوف الفرح يمي وما انوله ..
وسواها الزمان وياي فد يوم
واخذ مني الاريده بكل سهوله ..
وحط بيه جرح مايرهم خياط
جرحي من الجدم للراس طوله ..💔💔💔

الكاتبه حنين الموسوي

زين... راح المكانه الدائمن لمن يضوج يروحله اسف روان بس مو بيدي صدكي اني احبج وموتن عليج بس ابويه يريد ينتقم من ابوج اسف اوووف ياربي سامحني

روان علا مثل كعدتهة تبجي

أم زين... شيخ هاي ليش هيج تسوي خطيه البنيه شنو ضنبهة تره مالهة ايه ذنب سامحهة تره هية فقيره خطيه ارحمهة
الشيخ... اسكتي يامره ماريدن اسمع احجايه منج اني اريدن انتقم من ابوهة اله اعذبه ابنته بعد من اليوم هاي خدامه مثل الفصلية فهمتي
أم زين... شيخ انته تدري زين يحبهة
الشيخ... شنووو زين يحبهة شوكت
أم زين من أول مشافهة حبهة
الشيخ... لعد بس شهر تبقه عدنه ويطلكهة
أم زين... يااااا شيخ تحجي صدك خطيه
الشيخ... كافي يلا كومي من يمي لا بارك الله بيج كومي
أم زين... حاضر اووف شحجيلكم عن اعصابهة تره لا تشوفونه هيج قاسي بس هوة كلبه حنون

روان... كمت غسلت وجهي ونضفت الغرفه من الهوسه السويتهة
و طلعتلي ملابس وسبحت مادري اني طلعت وشفته كدامي توتر وخفت بسرعه لفيت راسي بشالي ونزلت جوه اساعد البنات

مساء الخير

الجميع مساء النور

رقيه... شلونج شلون صرتي
روان... زينه وانتي
رقيه... الحمدلله بخير
روان... مروه شلونج شلون جهالج
مروه... زينين الحمدالله
روان... جا وين جهالج
مروه... نايمين يلا اني رايحه احسلي
روان... ليش وين
مروه... تعبت مابيه حيل اوكف اهواية يلا رايحه
روان... براحتج
روان... رقيه شبيهة مروه ليش وجهة ثكيل عليه شمسويتلهة
رقيه... عوفيهة هية هيج طبعهة
روان... والله بعد مادري
أم زين... هلة يمه شلونج
روان... هلة بيج عمه
رقيه... هلة بيج يمه
أم زين... تعالن راح اتقاسم الشغل بيناتجن ماشي
روان... ماشي
رقيه... حاضر يوم
أم زين... روان انتي عليج الريوك ولعشه وعليج تمسحين وتكنسين وتغسلين ملابس عمج وتكويهن كلهن وعليج الطارمه وعليج الغرف تنضفين الغرف الفوك كلهن يوميه
وانتي رقيه عليج غسل المواعين وعليج الحمامات والديوان وغرف الجوه كلهن يوميه واني عليه الغده يلا كل وحده علا شغلهة بساع
رقيه... يمه بس روان بعدهي عروس
أم زين... لا شنو علا راسهة ريشه اول واخيرن تنضف
روان... لا عادي متعوده اشتغل
أم زين... هااا وصدك نسيت الخبز عليج روان والعجن علا رقيه وبس يلا بلشن
روان... ماشي
رقيه... حاضر
روان... رحت كنست ومسحت البيت كله ونوب رحت الطارمه غسلتهة وحرت الملابس عمي خليتهن بلغساله ورحت صعدت نضفت الغرف الفوك نزلت نشفت الملابس وشريتهن وخلصت كلشي
روان... عمه خلصت راح اصعد تردين شي
أم زين... ولخبز خبزتي
روان... لا
أم زين... جاا شمتانيه عجنت رقيه بس خبزي
روان... ماشي رايحه دولجت العجين ولتنور بلحديقه وحاره تصمط صمط خبزت وخلصت وطبيت جوه بس شنو وجهي كب نار صار دم من الحر
عمه خلصت محتاجه شي
أم زين... لا بعد ماريدن بس اريدن اصيحلج
روان... يلا رايحه صعدت فتحت الباب الغرفه شفته نايم طلعتلي ملابس وطبيت سبحت وخلصت وطلعت لكيتهة كاعد
روان... زين محتاج شي اجيبلك
زين... اذا احتاج اكلج ولي من خلقتي
روان... ماشي اني جوه بس تريد شي صيحني