عشق ..... ها حمزة 😉
حمزة .... اووش ولج
سحبتي واخذني لغرفتة يررربيي شكد عيب نتختل بالبيت وصلنا الغرفة
حمزة .... ااااه أذوب من اشوفج ولج انتي اكثر وحدة مشتاقلها
عشق ..... صدوووك مشتاقلي
حمزة ......اي والله كلش مشتاقلج اااه
بدأ يتقرب واني ارجع ليورا حد ما صار الكنتور وراي ضل يتقرب حد ما صارت كصتة ع كصتي
حمزة.... ولج احبج واموت بيج
لمن حجى هيج بحركة لاارادية خرجت لساني بللت شفايفي لفت انتباهة ع شفتي وبدة يقرب شفتة ع شفتي لحد ما التصقت وبدة يبوس بية اني بادلتة البوسة الة نكطع نفسنا وسحبني نيمني ع التخت وهوة فوكاي ويبوس بية بدة يفتح دكم قميصي اني جنت
لابسة بنطلون جينز نيلي وقميص بيجي بدى يفتح دكم القميص ودفعتة ع كيف بسبابي وكتلة
عشق ...... خليها للعرس وطلعت ركض من الغرفة واني مبتسمة
حمزة .... هه والله مخبلة
ام اسراء .... ها حبيبتي عشق بعدج مرايحة لعد اسراء كالت راحت لعد لحضة خل اصيحلهة
عشق .... لا لا خالة عوفيها اني بس نسيت فوني ورجعت اخذتة وهسة باي
ام اسراء ... الله وياج عيوني
حمزة .... بهذا الوقت اني جت ادور طريقة اطلع برة بيها وطلعت امشي ع كيف من الغرفة ومجان اكو احد بسرعة طلعت برة ورجعت للبيت ع اساس هستوني
اجيت افففف عشق شسويتي بية خليتيني اتخيل مثل الطفل هه المهم رجعت للبيت دكيت الباب
اسراء .... ماما ماما اجى حمزززة مامااا ..... بعياط......
ورحت حضنتة و بوستة كل قوتي
حمزة الكل رحب بية ودخلت للبيت ورحت اخذت شاور وارتاحيت نزلت الساعة ب 11:00 تقريبا
اسراء ... صدوووك حمزة سيف كال من يجي ويرتاح خل يمرني
حمزة ... يي صدوووك هم زين كلتيلي خل اروح اشوفة مشتاقتلة
اسراء .... سيف أخذني وياك ع عشق والله هية تجي علية واني من زمان مرايحة عليها عفية حبيبي
حمزة .... اوك كملي وامشي خل نروح ما اريد نتاخر
اسراء .... اوك😊
رحنه وصلنة ونزلنا من السيارة سيف جان برة
سيف ... هلاو حمزة مشتاقين
حمزة .... واني بعد مشتاقلك غلاي
سيف .... ااا هلاو اسراء
اسراء.... اممم هلاوات عشق هنا
سيف .... يي هنا .... عشق عشق ...
اسراء ... لا ماكو داعي اني اروحلها
سيف .... ماشي تفضلي تفضل حمزة فوت
حمزة .... تسلم
طبينة ع البيت ورحت لعشق لكيتها بغرفتها وحمزة راح وية سيف كعدو بالغرفة مالت سيف سلمت ع عشق وكعدنة نحجي شوية
عشق .... شوفي اسراء هسة اجي
اسراء ..... اي اخذي راحتج
راحت عشق وشوية سمعت صوت شخص يمشي بأتجاه الغرفة كمت وكفت ندك الباب
اسراء .... تفضل فوت
سيف .... ااااا وين عشق
اسراء .... ها عشق اي عشق هناك .... بتوتر....
سيف .... وين هناك شبيج اسراء
اسراء .... لا لا ولا شي هسة تجي وبس ما عرف شي بعد
سيف ... اها اوك
راح سيف واني ميتة خوف ما اعرف ليش جسمي يرجف افففف ليش هيج
سيف
لمن جنت احجي ويا اسراء جنت احسهة متوترة بالكوة تطلع الكلمة من حلكها المهم رحت مالكيت عشق جوة ورجعت ل اسراء
سيف .... اسراء
اسراء .... اااااا نعم
سيف ..... بس تجي عشق كليلها تجيب عصير او اي شي للغرفة مالتي
اسراء .... اوك 😊
سيف
ورحت للغرفة رجعت لحمزة
عشق
كل هذا الحجي اني جنت اسمعة وشفت توتر اسراء مثل توتري من شفت حمزة حسيت انو اسراء صارت تحب سيف او بداية حب رجعت للغرفة
اسراء ... ليش تاخرتي
عشق .... جنت اجيب شي نشربة ليش صار شي
اسراء ..... لا لا كلشي مصار شيصير يعني
عشق ... ااااا هه ماشي
اسراء
شربنة وحجينة ودرسنا بعد كل هذا اجة سيف
سيف .... اسراء حمزة يكول يلة خل نروح
اسراء ..... ااا اوك جاية
رحت وكفت يم حمزة وعشق جانت واكفة يم سيف
عشق وحمزة واحد يباوع ع ثاني ويبتسمون همست ل حمزة
اسراء يمعود فضهة شبيك بس تبوعلهة هسة أخوها يشك ..ههههه
حمزة ... انتي جبي
رن فون حمزة
حمزة .... الوو
شنو اوك جاي بسرعة وين انت
ماشي اجيت
حمزة .... اسراء انتي ابقي يم صاحبتج شوي واجي اخذج
اسراء .... بس .....
سيف ... لا بس ولا شي هذا بيتج ابقي هنا
من كال هيجي سيف حسيت بشعور غريب
حمزة ... تسلم أخوية اني هسة رايح لان شغل ضروري اروح هسة يله باي
سيف ... الله وياك
عشق
فكرت وكلت فرصة حلوة حته اقرب سيف من اسراء واني كلش فرحانه 😊
رجعنا اني و اسراء للبيت
الساعة ب 12:00
اسراء ... باجر دوام واني انام من وكت يررربيي وهسة شلون
عشق ... اسراء زعلت منج
اسراء ... لييششش
عشق ... هذا بيتج نامي
اسراء .... بسس......
عشق ... لا بس ولا شي من يجي اخوج اني اكعدج
اسراء ....اوك
انطتني عشق ملابس نوم تراك نصف ردن وبجامة مو كلش قصيرة
عشق ... اني مجايني نوم راح اعوفج تنمامين واروح اكنك بالحديقة
اسراء ... ماشي حياتي براحتج
راحت عشق واني بقيت بالغرفة اغير ملابسي لبست التراك و فتحت شعري جاي اعدل ملابسي علمود انام بين ما يجي اخوية
سيف
بهذا الوقت اني ما جنت افكر بس باسراء وانوب رحت لغرفة عشق علمود احجي وياها شفت الباب مفتوح شوية باوعت الغرفة فارغة بس وحدة واكفة تتمرة اكيد عشق بس اسراء وين يجوز اجة حمزة واخذها المهم طبيت
سيف ... عشق اريد احجي وياج بموضوع مهم
لتفتت علية ونها اسراء هية كولش حلوة والنوب لابسة قصير وشعرها واكع
اسراء .... اااا سيف عشق مو هنا راحت للحديقة
واني احجي كولش خايفة نوب هوة من شافني هيج لابسة معد يسيطر ع نفسة وبدة يتقرب مني واني ارجف خوف لحد يشوفنة وبعد ما تقرب شوية حس ع نفسة وطلع من الغرفة واني بقيت مصدومة
سيف
من شفتها هيج ما تحملت وما كدرت اصيطر ع نفسي شوي تقربت وحسيت ع نفسي وبسرعة طلعت من الغرفة
عشق ... اسراء اسراااء اجة حمزة
اسراء ... ااا لازم اغير ملابسي بسرعة
عشق .... ماشي
واني احجي وية اسراء اباوعلها واذكر الشي الصار واني مبتسمة
اسراء ... اجة حمزة تقريبا الساعة ب 2:00 وطلعت برة لكيت حمزة واكف وية سيف واباوع ل سيف شون يباوعلي
المهم رحت للبيت نمت شوية وكعدت علمود اروح للمدرسة رحت للمدرسة
عشق ... هلاو اسراء
اسراء ... هلاوات محجيت كلش لان أخوها واكف يمها لان هستوني جان موصلها
اسراء .... اشونك سيف
سيف .... تمام .. اي عشق محتاجة شي
عشق .... لا غلاي سلامتك
انتهى هذا البارت اتمنى يعجبكم 😊😊
