خذ تراني وفيت بوعدي

30

البارت الثلاثون

في بيت سليمان

كان سليمان جالس ب الصاله لابس نظارته ويتصفح التويتر وكانت اضواء جالسه قدامه وتطلق لنفسها عنااء الثرثره

اضواء وهي متحمسه ومنفعله(تخيلو انو بنت تسولف بحماس دون ما احد يقاطعها):اييييه والله ما انساها استاذه العربي وش سوت فيني تخيل لما كنت ب المتوسطه اعربت جمله ع السبوره غلط وجت معلمه العربي هزئتني وضربتني قدام البنات وكانت صديقاتي سمر وبدور دوبهم جاين من عند معلمه ثانيه دخلو شافوني اصيح بس تدميع طبعا لانو وقتها ماكنت اهاوش والبنات كانو يضحكو عليا ويناظروني وانا جالسه بمكاني استغربو صديقاتي وهما مكانهم جنبي طبعا المهم ضلو يسألوني ايش فيني وزي كذا وانا ما قلت لهم لاني عارفه انهم بيمسحو البلاط بالمعلمه وبعدها فيه بنت زميلتي قالت لهم انو الاستاذه ضربتني وقومي سمر وتهاوشي مع المعلمه وانا اجلسها تكفين خلاص سمر اجلسي وبدور تقولي خليها بأي حق تضربك وتهزئك قدام البنات كلهم وبدها هجدت سمر وبعدها قالولي ورينا مكان الضربه كانت ف سيقاني الضربه المهم كانو يبون يحطون عليها كماده لانها توجع لما رفعت مريولي تحداك وش شفنا شفنا مكان الضربه المسطره مععلللمه ممرره وخذوني سمر وبدور ع الاداره وشرشحو الداره واستدعو معلمه العربي من حصتها ووشرشحوها كمان وانا اصيح بالزاويه الاخصائيه خلاص ي اضواء صديقاتك بياخذو حقك وزي كذا وانا كنت اصيح لانو ماودي ياخذو انذار صحباتي والسبب انا وبعدها رجعنا الفصل وبدت سمر تهاوش البنات لانهم ضلو يضحكو ولا وحده منعت الاستاذه من ضربها لي ,ايييه تتذكر الزواج صديقتي الا رحته قبل شهر اعتقد لما لبست الفستان الازرق الماسك وعملت شعري استرير وخليته مفتوح تخييل مين قابلت هناك

قفل سليمان جواله وباعد نظارته وتكى وجهه ع يده وهوا يناظر اضواء:مين ؟

اضواء:وشبك تركت جوالك وتناظرني ؟0

سليمان:عشان اركز معاك بسالفتك

اضواء:هااا,(وبحماس وانفعال:المهم شفت هناك رزان تعرف وش يعني رزان يعني ماراح اخرج من ذاك القاعه الا وانا مقهوره معصبه متنكدده حرفيه ما ادري وش مشكلتها معاي كل ما تشوفني لازم تقهرني من بعد ما تخرجنا من الثانويه تقابلنا ب الصدفه بعد كم سنه وانا بالجامعه جت توريني دبلته تقولي الماس مدري كم قيراط زوجها طلبه طلبيه خااصه وكيييس كثير وبعدها تقول لي لساتك ما تزوجتي قلت لها لا لساتني سنقل قالتلي بطريقه تغثثثث لا حياتي تزوجي الزواج حاجه مره حلوه وتروحي عش تبعك وتعيشي حياتك مثل الكناري بس نصيحتي لا تحملي اول ما تتزوجي عيشي حياتك وسافري وروحي تعالي وانبسطي قلت لها انشاء الله قالتي والا لا تتحمسي كثير خل نشوف اول مين ياخذك,رزان ذي لععبببتها انها تقههرني ولما قابلتها اخر مره علمتها اني تزوجت وتعرف متى انتقمت منها لما قلتلها انك انت زوجي انك اصغر جراح عالمي واستلمت جوائز كثيره وتكرمت مراات كثيير حرفييها هنا انا قهرتها بس تعرف وش الا يقهر انها هيي ثعباان وربيي ثعباان لسانها ما ردعه شي قالتلي طيب بما انه جراح وعالمي وزي كذا فرحيه اققل شي ب الولد,لاا وتمسك ع بطنها وتوريني انها حامل قهرتني قهرتي قهرتني ولعت فيني ي سليمان اموت واعرف البنت ذي وش ليه وش تبي مني ب الضبط كل ما شافتني خباثتها تتضاعف