saķuya an tataramon
garo sarong puta biklad kun banggi an nag-iimbitar na mga hita asin makusog an kugos mantang nagduduyan sa kadikloman dangan kun dai na ako makadulag duman na sana ako matarok-tarok, masurat-surat kan nga daing padumanan na ritmo kan sakuyang utak sagkod na maubos an sakuyang tinta saka pa sana siya mabutas asin mahurantay siring sa sarong blankong papel na linupigan alagad an saiyang pagkakahigda sa katre mayo lamang kagurit-gurit, mayo lamang kasurat-surat.
