kaya sa mga gurang an uran paghibi
kun siring na kaini an panahon
panayuknuk an uran maghapon
kuntento si Apay sa pasamano
kan bintana, nagon kuyakoy
nakatanaw sa barisbisan
huhunaon mo na naghihidaw siya
na magluwas tanganing maghimasog
tabtabon an naglantoag na mga galyangon
alagad harayo an paghonahona kan iba
harani sana man an isip asin mata ni Apay
pinago niyang bilang an tagdo kan uran
sa labot nang atop na inda kun nuarin naman
masasanglian.
