قضبان شهواتي

part 1

قضبان شهواتي
💕بقلمي يارا ..الياسري،
# البارت الاول ..
صباح العسل عسولتتي
القصه حقيقيه ١٠٠\١٠٠

هالقصه بلشت بيهه بس،النشر بفراغي
يعني مو ثابت لان مالحك دوام واحتمال
اخلي كله اسبوع بارت بس،انطوني،رايكم
وشوفوني تفاعل. يرضيني،حتى اكملهه

...............................................................

لبارت الاول
الحلة _ الساعة السابعه صباحا شهر١٢ديسمبر٢٠١١
ام عبير: لج يلة عبير كومي فكيني دوامج ولج كومي تنبل مال نوم..
عبير: اوف رفعت راسي وخرت الغطه وشعري على وجهي ..الواحد مايتهنئ بنومة من ورا الدوام.

ام عبير:عود هاي الشاطرة الي اريدها مهندسة           جريت البطانية منها دكومي فكيني..

عبير: كمت عدلت كعدتي بتمملل عل الجربايهة.. امووواح يااحلى ام  كمت من فراشي بملابس النوم وشعري اصفر مكفش طبيعي شعري بي كسرة مو سرح
(اعرفكم علية اني عبير مواليد 1995 بسنة 2012 جنت طالبة بصف ثالث متوسط شاطرة حيل احنة اصلنة من اهالي الرمادي لكن صارت احداث واجينة للحلة احنة وبيت عمي احنة عائلة متكونة من ستة بنات واربع ولد  شباب اكبر مني والبنات تلث  اكبر مني  واني الرابعه ..احنة ورثنة لون عيون زرق وخضر من والدتي واضافة للبشرة البيضة اني شخصيتي حساسة ورومانسية وحيل احب الاغاني والاشعار من مراهقتي كلبي يرف الغزل السبعينات
واول دكت كلبي جانت لعقيل ابن خالي من اجة يداوم عدنة لان هو منتسب بالجيش شرطي واتعين ا بالحلة )
بعد ما كومتني امي رحت   غسلت وجهي واني اباوع لجمالي  وجسمي ليزيد واني نعومه   وقزمة ذبيت حسرة واني اكول افيش ياعبيرة مال تاخذين واحد ليل ونهار يغازلج وجاني صوتها النبع الحنان ..

وج عبير كبور كون تعالي بسرعة اتريكي   اني بدلت بسرعة وعدلت شالي واخذت جنطتي مرتبة جدولي بيها وطلعت اركض رحت للمطبخ غرفتي بالممر بست نبع الحنان وخواتي اصغر مني ياكلن اكلت شوية بيض خوبز وشربت استكان جااي ورحت وي خواتي للمدرسة .......

كملت دوامي ورجعت للبيت  لكيت امي وسهى اختي اكبر مني مخطوبة الابن خالتي  ومبطلة من دوامها مخبوصات ويسون غدة وسهى تسوي زلاطة وترتب بالصينة ...

جوووووعانة و ميتة من الجووع شبيجن مخبوصات .....

ام عبير: روحي نزعي ملابسج وعوفي الجدورة ابن خالج اليوم يجي ويريد يعيش يمنة يعني من ينزل ويلتحق كل اسبوع فمايكدر يروح للناصرية فيجي يمنة (اهل امي من الناصرية لان امي شيعية وبابا من الرمادي سني لان طائفية فتشيع     يلة   كدر يزوجها الامي )
اها    لوحدة لو خالي وية..

..الام ..لوحدع ..دكافي اسئله..

عمي مدلل عقيل سمج وباميا وتمن دلال عبالك ملك السعودية جاينة

سهى :ههههههههههههه بس يشوف خلقتج ملك السعودية يطفر.

عبير: اكيد يطفر غير ماشايف بجمالي.. .