مصطفى : جنت كاعد ادور على قمر حته ابرر الموقف الي صار شفت حره طالعه من غرفتهن ( حره قمر وين )
حره : خليته تريد تنام ليش رايد شي؟
مصطفى :لا بس ردته بموضوع زغير على كلن انتي اخذي راحتج 😊
حره: اوك
قمر : جانت الغرفه فارغه والباب مسدود كعدت اخذت الكيتار نسيت انصي صوته وضليت اعزف شويه واجت رازقية
رازقية: انتي شنو ولج عبالج ماكو حسيب ورقيب هنا يعني مسويه البيت بيت دمبك
قمر (اجت ماما وعمه والبنات كلهن ومصطفى تقربت مني حاولت تأخذ الكيتار مني اني انصب غضبي لجسمي وبدون وعي جريت الكيتار منه ) باعي اني لحد هسه محترمه نفسي محترمه الكل هنا على الرغم من أنو جاي أدوسين بطني وساكته بس لهنا وبس اني بعد ما ابقه هنا
رازقية: ✋✋ ضربته راجدي ( بعد هايه الخايبه ماتبقه بيتي ابدا فهمتيني مو يادمبك )
محمد : اعتذري من جدتج قمر 😤
قمر : وليش حته اعتذر ليش كلامه عدل يعني ؟🤨
محمد: قمر لا تطولين لسان واعتذري 😡
قمر: مستحيل اعتذر منه وخليت وردت أنزل ولزمني أبويه ضاربني كف ومعني الكاع
كيان : جنت طالع وسمعت صياح بالبيت ركضت شفت قمر واكعه بالكاع وعيونه حمر وخدوده طماطه وخرته عن أبويه(هاي خلاف علي هيج تسون لو شنو )
محمد : انته لا تدخل وخليك بعيد حجي بيني وبين بنتي
كيان : بنتك ؟ لو صدوك بنتك مسويت هيج كومي قمر يله اني من رخصتكم ماخذ اختي وراجع بغداد
مصطفى : تخبلت من سمعت ترجع مصاله حته اسبوع وترجع مستحيل ( طولو بالكم مصار شي عمي انزلو انتو خلوني ويه قمر وكيان نتفاهم ونجيكم لاتخلون الشيطان بينتاكم )
قاسم: اخذت امي ومحمد والسنوان جوه ميس سوينه جاي بسرعه
ميس : حاظر بويه تدلل
حره : شجاهم ويه قمر كلهم
قاسم : كومن للمطبخ خلونه كاعدين وسدن الباب
خلود : طلعنه اني وحره وفكتوريا وبيان للمطبخ ( هايه اختكم كل يوم عركه من وراها هجامة بيوت 🤨
بيان : لمي لسانج عيب عليج
فكتوريا : شنو العيب اصلا قمر صدك ام مشاكل وكل يوم طلابه اصلا من اجت لليوم ما ارتاحينه دوم مشاكل 😏
حره : عمرج كله تغارين منه اوصلي اله اول وبعدين احجي عليه
فكتوريا : تقربت منه ردت اضربه وماحسيت غير ايد لزمت ايدي بعصبيه صخرت بصوت من الوجع دىت وجهي شفته راكان 😳
راكان : حاولي تتقربين منه هيج بعد وشوفي 😠
حره : انجمدت بمكاني من شفته حرت بمشاعري الاشتياق والغضب والحب حرت بوكتي ( لتدخل رجاء شي بيني وبين اختي )
راكان : ادخل واكسر راسج فاهمتني 😡
حره : خليت وطلعت من المطبخ طلعت للحديقه كعدت وكوه لازمه دموعي اريد ابجي بس ما اريده يشوف دموعي ويحسبه ضعف ☹
مصطفى: قمر راحت تغسل وجريت كيان على صفحه ( خويه عود انته الجبير خليك اخو خيتك شنو ترجع هايه بدال ماتصحح الموقف تريد تزيد الطين بله انته اهده وانزل اعتذر منهم همه كباريت العائلة واحترامهم واجب وقمر خليه عليه هسه احاجيه وانزل )
كيان : ليش الي سوه شويه ياصوفي
مصطفى: لا بس شتنريد نسوي بعد انطيهم كد عقلهم يله بعد اخوك انزل وتكفه الشر وانعل الشيطان
كيان: لعد دير بالك على كمره تره امانة علي وقطعه قلبي هديهه وانزلو
مصطفى: اكيد بعيوني ماله داعي توصي 😊
قمر : طلعت ماشفت كيان ( كيان وين ؟)
مصطفى: نزل
قمر : اترخص لعد
مصطفى : جريت ايده قربته عليه ( اكعدي اريد احجي وياج )
قمر : نكثت ايدي حيل ووخرت ايده ( اول شي لاتلزم ايدي ثاني شي اني وانته مابيناتنه حجي ثالث شي مو بحاجت نصائحك اعرف اصرف )
مصطفى : لزمته من جتفه ودرت وجه عليه ( قمر بس اهدي اني اسف اعرف ضوجتج بتصرفي بس مو قصدي مثل ماتفكرين قمر والله احبج ورايدج بالحلال ولج والله عمري كله ماهتزت شعرهمن راسي بنيه بس انتي خبلتيني احبج قمر لا تاذيني اكثر بس اقبلي وداعت شرفي هسه انزل اخطبج من عمي قمر احبج )
قمر: كافي مصطفى كافي اني ما اريد أحد يحبني ولا اريد احب احد روح لفكتوريا تحبك
مصطفى: كافي قمر اني شنو وفكتوريا شنو ولج مثل ميس هايه شتحجين انتي
قمر : مصطفى كافي رجاء وخر عني
مصطفى: تقربت منه وحطيت عيني بعيونه جبانه تخافين تحبين تخافين تطلعين مشاعرج تخافين جبانه
قمر : بصياح مو جبانه ولا اخاف وعمري ماخفت من شي
مصطفى: شكد ماحاولتي تضمين عيونج ماتعرف تضم شي دوم فاضحاتج للاسف
قمر : مصطفى وخر عني ما اريد احبك ولا احبك مستحيل
مصطفى: خلي عينج بعيني وكولي ما احبك ماعندي ماعر اتجاهك وما اغار عليك خلي اصدك
قمر : كافيييي وخر عني
مصطفئ :مو اكلج جبانه 😠
قمر : تقربت منه وقربت شفايفي يم اذنه ( مو جبانه وما احبك وماعندي اي مشاعر اتجاهك اوك ) خليت وطلعت
مصطفى: ماشي قمر علاجج عندي خل نشوف الى متى تبقين هيج 😌
يتبع ___________
