#ولاد_العم
#بقلم_مريم_اليوسف
#الجزء_السابع
بعد مرور اسبوع من موعد الخطبة طالعة ريم من البناي وكان غسان ناطرة بسيارتو راحت ركبت وطبشت الباب
غسان: مافي مرحبا صباح الخير
ريم تجاهلتو وصارت تقلب بكتبها
غسان : لك انتي لايمت بدك تضلي هيك
ريم : ....
غسان : صرلي جمعة مخطوبين وماني حاسس انو نحنا مخطوبين ابدا .. ليكي اخي واختك شقد مبسوطين
ريم : الله يهنيهن
غسان :هاد يلي طلع معك بسيطة انا بفرجيكي
ريم : شو بدك تعمل بدك تفرجي الورقة لامي اي روح انا معد تفرق معي .. لسه كل شوي بطلعلي هالورقة وبتهددني فيها العفا شو هاد
غسان : لانو انتي مابتجي غير بالعين الحمرا ... وكذابة اذا مانك مهتمة مابتضلي معي
ريم : بسيطة محلولة .. يلا امشي رح اتأخر
وصلوع الجامعة نزلو وهو مسكا من ايدا ومشي
ريم : يعني ضروري كل يوم تمسكلي ايدي وتفرجي العالم انو نحنا مخطوبين ومبسوطين
غسان مارد راحو قعدو بالكافيه وقعدا حدو وحط ايدو على كتفا
ريم : ممكن تبعد ايدك عني
مارد عليها مسك تلفونو ودق لنغم
غسان : الو مرحبا نغم ... وينك ... انا بالكافيه مع ريم تعالي عايزك بموضوع ..
كانت ريم عم تحاول تسحب حالا من تحت ايدو هو رجع سحبا وضما
غسان : شو ع وين عم تهربي
ريم : ايدك تقيلة كتير ممكن تشيلا عني
غسان : انا مرتاح
اجت نغم : هاي ريم هاي غسان
ريم : هلا نغوم
نغم : باين عليكم مبسوطين كتير مع بعض
ريم : اي كتير اكتر مابتتصوري
غسان : اقعدي نغم لشوف
نغم : قعدنا خير غسان
غسان : شو صار معك مبارح انتي وماهر
نغم : وانت شو عرفك
غسان : العصفورة قالتلي
نغم : اي ماني قايلتلك سر
غسان : هيك لكن بسيطة .. كنت بدي قلك شو قلي وصلك
نغم : عنجد شو قلك
غسان : هههه قال خديلو موعد من اهلك بدو يجي يخطبك
نغم : عنجد 😍
غسان : اي جد هو بصراحة من زمان عم يحاول يشرحلي بس انا ماكنت انتبه عليه
نغم : المهم الزبدة وانو طلع بحبني ... اي وانتو ايمت بدنا نفرح فيكم
غسان : نهاية الفصل بكون انا تخرجت وريم ترفعت سنه وبنتزوج
ريم قاعدة عم تراقب الحوار بصمت وقالت بقلبا ههههه باحلامك هاد اليوم رح يجي ياغسان بيك
....................
عدنان وراما عم يفطرو بمطعم
عدنان : راما ممكن سؤال
راما : اي حبيبي اسال
عدنان : ليش عم حس انو ريم مانا طايقتو لغسان .. والله هو حرام بحبا كتير وبموت عليها
راما : والله مابعرف ليش هيك عم تعمل ومزال مابتحبو ليش لتوافق عليه من اصلو
عدنان : المهم يصتفلو .. اااه صح كنت رح انسى بكرا بدكن تقضو النهار عنا
راما : مين قال
بابا وماما قالو انو بكرى الجمعة ومنقضيه مع بعض
راما : حلو كتير
.................
المسا ريم كانت عم تطوي تيابا وتحطون بالخزانة
راما : ريم
ريم : نعم
راما : ليش حاسستك مانك عم اتطيقه لغسان
ريم : لانو مابينطاق
راما : ليش لكن خطبتيه
ريم رمت التياب من ايدا والتفتت لعند اختا وقالت لانو عم يهددني بورقة الزواج العرفي
راما : عنجد
ريم : والله .. يااختي انا رح موت بدي اخلص منو ماني طايقتو
راما : طولي بالك هاي قسمتك ونصيبك
ريم : لا ماقسمتي ولا شي ... بكرا انا بفرجيك يا غسان بيك
راما : شو بدك تعملي
ريم : مابكرا بدنا نقضي النهار عندن
راما : اييه
ريم : رح فوت على غرفتو ولاقي الورقة وخذقها وارمي المحبس بوجهو
راما : عم تحكي جد
ريم : والله وجد الجد كمان
.................
تاني يوم راحو على بيت عمون بلشو يجهزو لحفلة الشوء الرجال براوالنسوان بالمطبخ
ريم قربت من الشباك وشافتو عم يشعلو النار
قربت من سما وسحبتا على جنب
ريم : سما حبيبتي ممكن اطلب منك طلب
سما : اي اكيد اطلبي
ريم : بدي فوت على غرفة غسان تساعديني
سما : وليش بدك تفوتي بقا
ريم : حابة شوف غرفتو يعني انا بحبو وبحب كل تفاصيل حياتو وحابة شوفا .. بعدين هاي شغلات كبار بكرا لما بتكبري وبتحبي بتفهمي علي
سما : اي تعالي معي
راحو بدون محدا ينتبه عليهن وفاتو على غرفة غسان
ريم : ياي ما احلاها متل لغسان يقبر قلبي
سما : يلا انا راجعة خدي راحتك ههههه
ريم : سما لحظة
سما : اي شوفي
ريم : اخوكي يعني اذا عندو شي مهم وين بخبيه
سما : بهداك الدرج
ريم : طيب يسلمون
سما " يلا لا تتأخري مشان محدا يحس عليكي
ريم : اكيد حبيبتي شوي وجاي
طلعت سما وراحت ريم ع الدرج بسرعة مسكتو مشان تفتحو ما انفتح معا
ريم : ياربي مقفول .. كيف بدي افتحو وصارت تدور عليه بكل الغرفة .. وبالاخير لقتو ع الرف بالخزانة
قربت بسرعة وفتحتو وكان العقد الزواج اول شي بيطلع بوجها اخدتو وسكرت الدرج ورجعت المفتاح عمكانو واجت بدا تطلع سمعت صوت رجلين جااي ع الغرفة بسرعة نزلت لتحت التخت
فات غسان .. وهية حاولت تحبس نفسا
غسان : مابيعرفو يشعلو نار وبيتعدو على الشغلة تعداي ... عبونا دخان وماعرفو يشعلوها لا هو ولا ابنو يصتفلو انا معد قرب يشووا لحالن
شلح القميص ورماه ع الارض وشلح البنطلون كمان رماه
هية حطت ايدا على تما مشان تخفي شهقتا
لما رما البنطلون ع الارض وقع من جيبو محبس الخطبة وكرج لتحت التخت ..
ريم غمضت عيونا لانو عرفت انو اكيد رح يشوفو
غسان : يي ماكنت منتبه انو بجيبتي نزل ع الارض لحتى يشوفو واتطلع لتحت التخت .. واتفاجئ بريم حاطة على تما ومغمضة عيونا
غسان : رييم !! ... شو عم تعملي هون
ريم : ......
غسان : طلعي طلعي
ريم : طيب البس لحتى اطلع
لبس البنطلون وقلا طلعي
طلعت من تحت التخت ووقفت مقبالو والورقة بأيدا ورا ضهرا
غسان : شو عم تعملي بغرفتي
ريم : مادخلك
غسان : مادخلني ههههه ... طيب شوفي ورا ضهرك
ريم اتشجعت وحكت بثقة : يلي كنت عم تهددني فيه
غسان : شو يعني
ريم : الورقة صارت معي وهاد محبسك رح يرجعلك
غسان : شو قصدك
ريم : قصدي انو اللعبة اتنهت
غسان : واهلنا شوبدك تقوليلن
ريم : معد بدنا بعض
غسان : هيك ياريم .. طيب حسي فيني وبحبي
ريم : مابدي حس بحدا لانو انت واحد بلا احساس لو بتحس ماكنت جبرتني على هالخطبة
شحلت المحبس وحطتو على الطاولة واجت بدا تطلع .. مرقت من حدو وهو مسكلا ايدا
غسان : وقفي
ريم : شبك تركني
غسان : ههههههههههههه
ريم : ليش عم تضحك
غسان: على غبائك
ريم : شو يعني
غسان : حبيبتي انا معي اكتر من نسخة من هاي الورقة يعني غصب غصب عنك بدك تضلي خطبيتي عم تفهمي ياحلوة
ريم : شووووو ... يعني راح كل عذابي ع الفاضي
غسان : اي نعم
سحبا من ايدا لعند الطاولة واخد المحبس ورجع لبسا اياه
غسان : اذا بشوفك شالحتيه مرة تاني ماتلومي الا حالك
ريم بنظرة هزيمة : طيب تركني اطلع
غسان صار يتطلع حاوليه وقال : معقول خليكي تطلعي بهل السهولة وانتي جيتي على غرفتي على رجليكي
صار يتطلع عليها نظرات كلا حب رفع ايدو وبعدلا شعراتا عن خدا
ريم : غسان .. غسان اذا بتقرب والله بصرخ صوت بلم كل اهلك
غسان تجاهلا ونزل بايدو على رقبتا وردلا شهراتا على جنب واحد وقال : اذا انتي ريم بتصرخي
ريم : بصرخ والله
غسان : اي صرخي انا عم قلك صرخي
ريم : غسان حباب تركني روح وبوعدك انو معد اعمل هي الحركات
غسان بعدو عم يتطلع عليها نفس النظرات قال : وعد
ريم : اي وعد
صار يقرب منا اكتر وهية صارت ترجع خطوات بطيئة لورا وهو يقرب لحتى دقت بالتخت وقعدت عليه وهو بعدو عم يقرب منا وهية تحاول ترجع لورا .. وماشافت حالا الا قلبت على ضهرا وغسان ضل عم يقرب عليها وصار فوقا
غسان : شو حاسة هلق
ريم عم تبعد وجها عن وجهو وقالت عم حس بقرف
غسان : بس انا حاسس انو النار جواتي شاعلة
ريم : غسان قوم احسن محدا يفوت ويشوفنا بنفس الوضعية
غسان : مزال بتخافي ليش جيتي على غرفتي
ريم : لاني حمارة ومابفهم
غسان نزل على خدا وباسا وقال : اي شو هالتفاحات هدول طعمتون بتجنن
ريم : غسان بترجاك لاتقرب اكتر
غسان تابع حكيو وقال : عنجد انا محظوظ بهيك قمر وبهيك خدود وبهيك عيون وبهيك شفاف
وهية تحتو رح تغوطن من توترا ومن حبس انفاسا ومن الشد على اعصابا
غسان : ريم ليش هيك متوترة خليكي ريلاكس ... وكمان كلا شهرين بنخلص جامعة وبنتزوج وبتتعودي علي
ريم : غسان انا فرطت اعصابي الله يخليك خليني اطلع
غسان رح خليكي تطلعي بعد ماطفي هالنار يلي شعلت جواتي من اول يوم شفت فيهن عيونك وضعت فيهن
ريم : شويعني .. شوبدك تعمل غسان قرب منا وطبع بوسة على شفافا وغمض عيونو وكانو غاب عن الوعي وبدو يعيش بس هاي اللحظة وهية عم تحاول تقاومو وتبعدو عنا بس هو كان بعالم تاني .....
وفاق على صوت الباب عم يندق .. وقام بسرعة .. وقال مين
راما : غسان ريم عندك
ريم صارت تاشرلو بعيون توسل انو يقول لا
غسان قرب وفتح الباب وهية بسرعة تخبت ورا الباب
غسان : اي راما شوفي
راما : شفت ريم
غسان : لا ماشفتا يمكن بالجنينة
راما : طيب رح شوفا
راحت راما وريم كانت حاطة ايدا على تما مشان تخفي صوت انفاسا
سكر الباب واتطلع عليها .. وقال فيكي تطلعي
ريم : بعد من وجهي ...
فتحلا الباب وهية طالعة قلا عيديها
ريم : بكرهككككك
غسان : ههههههههه
........................
بلشت تمر الايام وريم كانت على تتجاهل غسان وتحاول تقهرو باي طريقة ولما يكونو مع بعضن ما تحكيه نهائيا وراما وعدنان كان حبون عم يكبر وعم يجهزو بيتون مع بعض بس ريم ولا مرة راحت مع غسان ع بيتو .. وغسان بلشت تتعب نفسيتو منها ومن تصرفاتا
.............
واقفة على الطريق قدام البناي ناطرتو لحتى يجي .. اجا ركبت معو من دون لا سلام ولا كلام
هو زورا وضل ماشي .. نزلو بالجامعة وهية تركتو وراحت ما نطرتو مشان يفوتو سوا
فات هو وصار يدور عليها معد لقالا اثر
غسان : لايمت بدي ضل على هالحالة لايمت يارب
مشي شوي لقاها قاعدة مع نغم وكم بنت قرب منون وقال : ريم تعالي معي شوي
ريم من دون اهتمام : ماني فاضية هلق بوقت تاني
غسان : ريم عم قلك قومي معي
ريم : ماااني قايمة
عصب وكان بدو يعيط بس قامت نغم بسرعة وسحبتو على جنب
نغم : شبك غسان
غسان : نغم انا تعبت والله حرام يلي عم تعملو فيني تعبت وانا اركض وراها تعبت وانا عم حاول اتقرب منا وهية تصدني تعبت من مجاكرتا لالي
نغم : خلص طول بالك
غسان : لك عن اي طولة بال عم تحكي انتي ..
تركا ومشي وهو عم يزور ريم
راحت نغم وسحبت ريم على جنب
نغم : ليش هيك عم تعملي
ريم : انا حرة وانتي لاتتدخلي
نغم : حرام عليكي حرام والله حرام .. عطيه فرصة لك مانك شايفته كيف رح يموت عليكي وانت كل مالك عم تتمردي
ريم : نغم لا تتدخلي
نغم : عنجد متفاجئة فيكي مو انت ريم يلي تعرفت عليها اول السنة
ريم : اي منيح وهلق شوفني على حقيقتي
نغم : يا خسارة
ريم : حبيتي اذا متندمة انك رافقتيني فيكي تتراجعي
نغم : ياريت ماتعرفت عليكي لانك وحدة مريضة .. وانتي ابدا ما بتستاهليه لغسان
ريم : حبيتي لا تعطيني مواعظ وهاد غسان لسه ماشاف شي وتضربي منك لالو
نغم : بسيطة بالاذن
تركتا وراحت
ريم : درب السد ما يرد .. لسه انت ياغسان والله ماشفت شي
فاتت حضرت محاضراتا وكانت قاعدة بعيد عن نغم .. خلصت المحاضرة وطلعو ... وشافت مجموعة شباب وافقفين ابتسمت وراحت لعندن
ريم : هاي شباب
الشباب : هلا ريمو .. وصارو يحكو ويضحكو وريم لما يحكو شي تدق كفا بفون ويفرطو ضحك
بالصدفة مارق غسان وشافا .. وحس النار طلعت من راسوو
راح لعندا سحبا بعيد عن الشباب وشال ايدو وضربا كف خلاها توقع على الارض والكل صار يتطلع عليهن
ريم حاطة ايدا على خدا ومتفاجئة وخجلانة ودموعا نزلو
وقفت وقالت : عم اضربني ياغسان
غسان : وبدي كسر راسك كمان ... لانك وحدة بلا مربى
ريم : خراس انا مرباي اكتر منك
غسان : واضح يامرباي .. واضح صوت ضحكك عم يرج بكل الجامعة مع الشباب
ريم : اي عم اضحك وجاكرك لانو بكرهك .. بكرهك عم تفهم شو يعمي بكرهك .. وكل هاد عم اعملو مشان تكرهني وتحل عن سماي
الكل واقف وعم يسمع الحوار
غسان : معقول في حدا بيكره لهل الدرجة
ريم : اي انا .. بكرهك بس انت لا احساس ولا ضمير كيف بتسمح انك تكون مع وحدة بتكرهك
غسان : لا احساس ولا ضمير طيب ماشي يا ام الاحساس والضمير .. ما انتي بدك ابعد عنك رح ابعد عنك واعطيكي حريتك
شلح المحبس ورماه بوجها وقال : ماهيك بدك .. هاي صرتي حرة واذا بتشوفني قربت منك او تدخلت بحياتك تعالي ابزقي بنص وجهي تركا ومشي ولحقتو نغم وهية واقفة مكانا بس كأنو حست حالا ما فرحت صح صار يلي بدا اياه بس ما انبسطت وحست حالا خسرت وكلشي بالجامعة صار يتطلع عليها نظرات استحقار حست الدني عم تدور فيها وكأنو في شي جواتا عم يقلا شو عملتي يامجنونة بس اقنعت حالا انها مبسطة راحت بوجها على البيت
غسان عم يسوق السيارة بسرعة جنونية ونغم حدوا
نغم : غسان اهدى .. غسان هدى شوي السرعة بترجاك
غسان : شحط فرام ووقف
نغم : الحمد لله
غسان صار يبكي
نغم : غسان عم تبكي ..
غسان : نغم انا خسرتا
نغم : ما بتستاهلك والله مابتستاهلك وحدة مغرورة
غسان : بحبا بحبا
نغم : والله مابعرف شو قول
غسان : كل شي انتهى خلص انا معد اسمح زل حالي اكتر من هيك .. تروح تعيش حياتا تضرب هية وحياتا
نغم : بكرا بتعرف انها غلطانة وبترجع لعندك مزلولة صدقني
غسان : ههههه خلص معد الا وجود بحياتي نهائيا
..........................
فاتت ريم ع البيت والضحكة على وجها
كانت راما واصلة وقاعدة هية واما
ريم : ماما راما بدي خبركن خبر
انهار وراما :شوفي
ريم : انا وغسان تركنا بعض
التنين بصوت واحد : شووووو
ريم : اي تركنا بعض
راما : انت جنيتي
ريم : ليش لحتى جن ما اتفقنا وخلصنا
راما وقفت وقالت : ياحيوانة تركتيه .. ياحيوانة ليييش ... ضليتي تنكدي عليه لحتى معد استحملك ماهيك ..
ريم : اي لانو انا بكرهوو بكرهووو
راما : بس بتعرفي احسن لانك مابتستاهليه .. واحد متل الجوهرة لك والله عمل زينة العقل... بس هو غلط بشغلة وحدة وهية انو حبك
انهار : لك فهموني شوفي
راما : ماما انا بفهمك هاي الخانم حبت واحد فلتان
ريم : راااما
راما : بدي احكي لامك كلشي وانتي بتنقبري ومابتفتحي تمك بحرف واحد ... اي ماما هاي حبت واحد فلتان وكتب عليها ورقة زواج عرفي
انهار : شوووو ... رريم ؟؟
راما : اي ريم بنتك .. وهداك الشب صار يهددا وغسان ابن عمي راح عملو يلي فيه الازم ونهى القصة .. وغسان بحبا لريم وبموت فيها وهية قال بتكرهو .. وهو مشان يخليها قريبة منوصار يهددا بورقة الزواج طبعا لانو بحبا للخانم .. وهية وافقت بس لانو هددا و ومابتقدر انو بحبا وشو عمل مشانا .. وهية كل يوم تنكد عليه وضل عم يستحملا لانو بس بحبا ومابدو اياها تروح لغيروا .. والله اعلم شو عاملة معو اليوم لحتى نفذ صبرو
انهار : ريم صح يلي عم اسمعو
راما : اي ماما ... صح .. انا عدنان كان يحكيلي انو غسان بيبكي وبقلو لاخوه انو بحبا وبدو اياها بس هية بتضل تقلل من قيمتو
ريم واقفة وعم تبكي
راما : وعم تبكي كمان .. هاي دموع التماسيح
ريم : ليش محدا عم يفهمني ليش .. لك مابحبو مابحبو ليش ماعم تفهمو ليش محدا عم يفهمني كلكن وقفتو معو وشو عشاني وعشان مشاعري
راما : لك انتي ماعم تعطي قلبك فرصة يحبو .. ماعطيتي حالك فرصة ... لونك محاولة كنا قلنا حقا بس ماعطيتي حالك مجال ابدا .... رح قلك كلمتين مافي غيرون .. رح تندمي
ريم : ماما
انهار : ولا كلمة على غرفتك
فاتت ريم على غرفتا وفي جوتا بركان ومشاعر ملخبطة غيرت تيابا وتمددت على تختا تحاول تنام
وعيونا لحالن صارو يدمعو ...
يتبع......
