توأم روحي 😻❤

تؤام روحي 😻❤

مرحبا اعرفكم عن نفسي اني اسمي "امير" عمري ٢٩ سنه عندي ٢ خوات واخ أكبر مني ومتزوج.
اني جنت احب بنت عمي من كل كلبي من جانت صغيره "بسن المراهقه" جنت اكدر انهي عليها وتكون الي لان هيه بنت عمي والي الحق بيها مثل ما يكولون بس حبي للسفر والتجول وعدم استقراري ببلدي السبب الي منعني اربطها بي وحبيت ابني لنفسي حيات مستقله وبالنهاية استقريت بامريكا واشتريت شقه بسيطه بس حلوه وبيدي اثاث اثاث كملته بس كل مده اجي اكضي شهر عند اهلي وارجع لحياتي.
بالمناسبه اكثر شي حبيته ببنت عمي الي بين مده و مده جنت اشوفها بس حبيتها وحبيت حركاتها وخبالها البريئ طبعا اني مكمل كليه وحاليا فتحت قاعه الرشاقه (جيم) والحمد لله.

نارين: ماما ماما
ام حسام: نعم بنتي شكو شبيج صار شي ؟
نارين: لا ماما ماكو شي بس اريد اخذ موافقتج اروح لبيت صديقتي
ام حسام: وشعندج ببيت صديقتج؟؟🤔
نارين: كلشي بس مشتاقتلها
ام حسام: ومن شوكت انتي تشتاقين
نارين: هاي شنو ينبع الحنان اني شلون مااشتاق واصلا اذا قبلتي اروح اول شي راح اشتاقلج لان مراح اشوفج بكم ساعه الي يم صديقتي🙈
ام حسام: يمه يمه من لسانج ولا ينكدرلج زين وشوكت ناويه تروحين ان شاء لله؟؟
نارين: من توافقين
ام حسام: غير اكول لابوج بالاول واخلي اخوج يأخذج طبعا
نارين بتوتر: لا ماما شنو اخوج يأخذج اني اروح بوحدي اصلا بيتهم قريب
ام حسام بحده: ومن شوكت عدنه بنات تطلع بوحدها؟😒😒
نارين: ماما فدوه لكلبج قابل شيصير اذا اروح لوحدي
ام حسام تنهدت: ماشي امري لله اذا ابوج وافق تروحين لان مراح اخلص من لسانج نارين وتريد شي شيخلصنه.
نارين: فديتج نبع الحنان ماكو اطيب منج ياذهب والله احبج هنيالي عل.... 😍💋
ام حسام قاطعت نارين: اي اي بعد صبغيني المهم اني هم احبج ويلا روحي شوفي شغلج
نارين: اممم اوك حبيبتي🤷‍♀️
وكرصتها من خدها وراحت

اسفه اخذتكم حاصل فاصل اني وامي اعرفكم عن نفسي اني نارين عمري ٢٤ سنه عندي ٢ اخوان واني البنت الوحيده حسام اخوي الجبير متزوج بنت عمي رنا (اخت امير) وهيه كلش طيبه واني وياها مثل صديقات وعندي اخويه الثاني وسام هذا الطيب والمرح عكس حسام الي بساع يعصب وتقريبا ميتفاهم بسهوله.
اني من جان عمري ١٦ سنه "بسن المراهقه" حبيت صديق اخويه حسام هو مجان بس صديقه جانو مثل الأخوه دائما هو يجي يمنه واكل وكعدات ومرات حسام هم جان يروح اني جنت بعمر بساع انخدع واخذ قرارات غلط من جان يجي أحمد(صديق حسام) ببيتنه حبيت شخصيته وشكله وكلت لازم اني اخذه الي حبيته بكل جد بس مجنت افكر ان اني انخدع.
ومره اخذت تليفون حسام بالسكته لان جان فونه بالشحن بغرفته واني دخلت داحجي ويا رنا بس جانت مموجوده وحسام بالحمام خطرتلي فكره اخذ رقم أحمد من فون حسام اتقربت من الفون واني أدعي مخال ع فونه رمز والحمد لله من اخذته بدون رمز دخلت ع سجل الأسماء والاسماء المفضله لكيت رقمه كاتب عليه "صديقي الغالي" وعرفت هذا هو لان هو من اقرب اصدقاءه سجلته لفوني ورجعت لغرفتي .
سجلت الرقم بالبرامج وطلعلي اسمه احمد الكتلوني
وشفت صوره تأكدت هو ودزيتله طلب صداقه وطفرت للمطبخ اساعد امي وبعد ما كملنه عشه واكلنه واني غسلت المواعين ورنا نضفت وكلمن راح لغرفته.
من تمددت ع الجربايه اتذكرت أحمد وشكله وانوب اتذكرت اني انطيته طلب اخذت الفون بسرعه وفتحت الواي فاي لكيته موافق وكاتبلي مرحبا ممكن اعرف منو؟؟
جاوبته واني كلبي يدك سريع: اهلا اني نارين اذا عرفتني أخت حسام
طبعا طلع عندي نشط الان يعني عنده نت
مره لحضات وشافه جاوبني
أحمد: يا هلا شلونج ورده؟
نارين:الحمد لله انته شلونك ؟؟
احمد:الحمد لله تمام
وضل يسألني ع حسام وكلامنه كله رسميات طبعا لان اول مره نحجي سوه بعده كلي
احمد: اكول ممكن نكون اصدقاء لان الصراحه كلش حبيت المحادثه وياج
نارين وهيه طايره من الفرح: ها اي عادي اتشرف بيك
أحمد:الي الشرف صديقتي الورده
وشويه حجينه واني كلت عيب اطول المحادثه ويا هسه يكول شنو مشايفه كلتله اني اترخص وسلمنه وطفيت الفون واني فرحتي متنوصف واخيرا حجيت ويا وكال حبيت المحادثه وياج نمت والفرحه ماليه كلبي