توأم روحي 😻❤

تؤام روحي 😻❤

ثاني يوم كعدت بنشاط وفرحانه راح اشوف أحمد مشتاقتله صح نحجي بالفون بس اكيد مو مثل من اشوفه.
كمت غسلت ونزلت يم ماما بالمطبخ وبستها وكلتلها صباح الخير يالغاليه 💋
ام حسام: صباح الخيرات حبيبتي
نارين تحاول تتضاهر هيه متعرف أحمد يجي: ماما اشوفج دتطبخين هواي اكل خير اكو احد يجينه اليوم ؟؟ 🤔
ام حسام: اي حبيبتي
نارين: منو ؟؟
ام حسام: صديق اخوج حسام(أحمد) ع الغده لهذا داحضرلهم اكل والولد صار مده مجاينه وهم ممتعودين هيجي
نارين: هاا اي صح صار هواي مجاينه
تحتاجين اساعدج بالطبخ لو اروح انضف اني ؟؟
ام حسام: هااا من شوكت جايتج هالشطاره كل يوم تتمايعين بالتنضيف خيرج اليوم
نارين: ههههه لا يانبع الحنان لا مو خوش نضره🤦‍♀️ منا وجاي لازم تغيرين نضرتج تجاه شطارتي 😏
ام حسام: هههههه يلا روحي لشغلج يالنادره 😁
نارين وهيه رايحه: غير اني مااحجي 😌😌

وصارت ب١ الا ربع ماما مكمله كل الطبخ وساعدتها رنا وكلشي حاضر اني هم كملت كل تنضيف البيت ورحت سبحت وبدلت لبست ثوب حلو وبناتي لونه بنبي وبي تطريز خفيف ع الصدر وحطيت ميك اب خفيف كلش مجرد كحل وحمره وردي فاتح(ملمع) ولبست الشال وفيكه حلوه ونزلت😊

وسام بمرح: هاي شنو عيني عرسج واحنه مندري؟؟
نارين😒: يا عرس يا بطيخ
وسام وهو يضحك: اي طبعا يا عرس هو اصلا يا مضلوم ياخذج غير امه داعيه عليه الي ياخذج وثانيا هو انتي مال زواج بعدج طفله وتبجين اذا اخذت الجبس منج 😂
نارين:🤨 هااا هيجي صارت وسام تحب اكول لماما وهيه تعلمك اني شلون كبرت 😏
وسام: بالله شحجي وياج مو اكلج طفله داحجي وياج دخلتي ماما بساع دطيري اصلا اني شعندي واكف يم وحده طفله
راح وسام وهو يضحك عليها ونارين تصيح ع أمها ماما ماما تعالي لوسام يصيحلي طفله والام تضحك عليهم

وصارت ب١ وشويه اندك الباب راح حسام يفتح الباب ويستقبل صديقه (احمد) ودخلو للصاله واحنه تصميم بيتنه المطبخ يطل ع الصاله واني اباوع من الشباك
ماما من بعد ما سلمت عليه (يعتبرو بيت حسام مثل ابنهم) كالتي انتي صبي الاكل وانطي لوسام وهو ياخذه اني أصعد ارتاح شويه
نارين: حاضر ماما
وبعد ما كعدو الشباب وتبادلون أطراف الحديث اجه وسام كلي صبي الاكل هسه
واني بديت اصب الاكل وانطي لوسام ويأخذ للصاله وطبعا حسام كاعد يم أحمد ويسولفون كملو اكل صبيت الجاي واخذه وسام وكعدو يسولفون واني اغسل مواعين وعيني ع أحمد من الشباك وهو يباوعلي بس ميخلي اخواني ينتبهون يباوع عليه يرجع يباوع ع حسام واجه اتصال ع وسام طلع يحجي ورجع كال اني اترخص منكم بس مستعجل وعندي شغله ضروريه اعذريني حبيبي أحمد واني ماتأخر شويه وارجع مو تطفر بساع
احمد: تسلمين حبيبي وسام روح الله وياك
حسام: اخذ راحتك
سلم وسام وطلع واني اسوي نفسي مشغوله بالمواعين هو اصلا اجتي رنا كالت اني الا اغسل مواعين انتي هواي تعبتي اليوم بس اني مقبلت ورجعتها
وحسيت حسام انرسمت ع وجه ابتسامه لان وسام طلع الضاهر يريد يكول شي لاحمد بس مو كدام وسام
وبالفعل طلع احساسي صحيح اول ما طلع وسام
حسام بلهفه: هاا حمودي بشرني وين وصلت ؟؟
احمد: بشنو ؟؟
حسام: ها حمودي تغشم نفسك ع اساس مااعرف بسالفه خطوبتك مو كلتلي البنيه الي احبها راح اخطبها لو متريدني اعرف خطبت لو لا 🙄
أحمد بتوتر شديد لان يعرف نارين دتسمع: هاا اي صح بس بعدني
حسام: يعني شنو
أحمد: اي صح احبها وراح اتقدملها بس مو هسه
حسام: اوك الله يوفقك والله كبرت يا احمد وراح نزوجك 😁
أحمد والتوتر مسيطر عليه: ههه لعد شلون