ابن الشيوخ والمغروره

البارت الخامس

💕مساكم الله بالخير 💕

« بارت الخامس »..

شمس.رفعت راسي وشفت نفس هذا الرجال اللي شفته بالمول
ولا بس زي رسمي وبدأ يعرفنا بنفسه ان هوه ستاذنا ..

اني ضليت بس صافنه شهل صدفه يربي يعني معقوله راح
اشوفه يوميه واني مطايقه هذاگ اليوم اللي شفته بي...

-براء ..الله يعني يوميه حنشوفه الحمد لله يارب شنريد
بعد نصبح بهذا الوجه بس والله خوش صدفه مو صدوك شمس
حجيت واني اضربها ع جتفها ..

-اخخ شبيج خرا بهيج صدفه هسه هذا شطلعه بوجهي خررب

-ليش وانتي شعليج بي هوه استاذنا واحنا طلابه خررب عود
صدوك كرصيني مداصدك يوميه اشوف هذا الطول الحلو ..

-باعوت الها 😒 ودرت وجهي وهذا دكتور فهد مدري اسد بعده
يدردم ويسولف وي طلاب بس باللهجه البغدادية ..واباوع ع الطالبات يردن ياكلنه بعيونهن گبر يگول مشايفات بشر ..

فهد ..دخلت للقسم وسلمت ع الطلاب بس شفت بنيه شايفها
بس مدري وين وهيه كذلك ضلت تباوع عليه ..جان يوم تعارف
الطلبه والاساتذه يعني ماكو محاضرات .فطلعت ورحت للكافتريا
اشرب چاي لان راسي طگ من الوجع ..وشفت شلت بنات كاعدات
يسولفن وانتبهت هاي البنيه وياهن ..استغفر الله ياربي شهل لبس
هذا هذني شلابسات رجليها نصهن طالعات ونوب وياا حجاب

اخذت الچاي وطلعت شفت دكتور وضليت اسولف وياا ...

ريماس .جنت أغسل بالحوش الصبح وشفت عمار طب
للمطبخ بدون لا كلام ولا سلام هذا شبي الحمد لله گله لان رفضته..
كملت وطبيت شفته كاعد ويسولف وي جدتي وامل بالصالة ..

عفتهم واريد اصعد صاحت عمتي ام امل ..

-تعاي عيني خاتونه وين موليه تعاي اغسلي اماعين الريوگ
لو بس تعرفن تزقنبن ..

-شني چا عذراء وين ماتغسلهن انه تعبانه ..

-تعبانه شمسويه عيني هوه حوش هل گدوته غسلتي ..

-الجده ..يمه ريماس اغسليهن وفضينه هنا ماعونين يبيبي
ليش تتعاجزين ..

-صار بيبي امرج .رحت للمطبخ شفت متروس اماعين أستغفر
الله چا هذني بناتها بس يعرفن ياكلن وينك فهد جنت ماتقبل اغسل
مأعون وهسه مسوياتني خدامه عدهن وجدتي ماتحاجيهن تگول
لا يسمع جدج ويسوي طلابه وي مرت عمج وانه اسكت ..

بديت اغسل بالماعين واسمع امل وعمار وهم يسولفون ويضحكون
عاابت هاي شبيها صوته واصل لراس الشارع چا شو انه من احجي
صوتج نصي حسج صمي والله يا الله گادر بس عليه ..وخطيه
عذراء فوگ تنظف بالطابق الثاني بس هاي مبسطه طگ حنج ..

كملت ورحت گعدت يم جدتي..

-الجده ..ها يبيبي كملتي ..

-اي كملت حجيت بضوجه ..