ابن الشيوخ والمغروره

البارت الاول

💛اسعد الله اوقاتكم بكل خير💛

«بارت الاول»

الناصرية...سوق الشيوخ

فهد..گعدت ساعه خمسه الفجر رحت للحمام توضيت
ورجعت للغرفه توجهت لسرير باوعت بوجهه هذا الملاك النايم
تقربت عليها شميت ريحتها افييييش يريحه الجنه بست راسه
وطلعت من الغرفه ...رحت للمكتبي فتحت الضوه وتوجهت
للشباك فتحته ودخل الهوه عذيبي ..مديت سجادتي صليت

الفجر كملت اخذت القران وبقيت اقرا....كملت نزلت جوه
شفت الحجي والحجيه گاعدين يتريگون ..

صباح الخير عصافير الحب..

الجده..صبحك الله بالخير جده تعال تريگ..

-لا جده بعدني مااشتهي هسه اريد العب شويه رياضه..

-رياضتيش يابيبي هوه شضال بيك گاضي..

-ههههه ليش گاضي بيبي
ترا بعدني شباب خاف عبالج كبرت ترا عمري 36 مو خمسين وبعدين الرياضه مفيده
وانه متعود يوميه العب..

الجده..الله يطولك بعمرك يشيخ الشباب ...

-الجد..روح بويه روح العب عوف بيبتك ماتعرف بهاي
السوالف..ومن تكمل تعالي للديوان..

-تأمر جدي..يلا اترخص...

عفتهم يسولفون وطلعت للحديقه عندي جهاز الركض مخلي بالحديقه
وجنت لابس برمودا وفانيله داخليه ...ضليت العب الئ ان
تعبت وكملت..دخلت جوه لگيت الكل گاعد ناس تسوي ريوگ
وناس تسبح ..فصعدت گبل لغرفتي ...

وصحت عذراء..شويه واجت..

-ها شيخ صحتني ..

-اييي حضريلي الحمام.

-حضرته الك..

-اهاا مشكوره..

-تأمر بشي بعد..

-لا شكرا..جنه گعدت..

-اي گعدت جوه يم ريماس..

-خووش..رحت للحمام..سبحت وبدلت لبست دشداشه
وغترتي ورشيت عطر اخذت السبحه ونزلت ..

تلگتني جنه يم الدرج و تهمش عليي ..دنكت اخذتها وضليت
ابوس بيها ..

اكول جده الشيخ راح للديوان موو..

-اي بيبي راح وگال خلي يلحكني..

-اهاا خووش..عذراء صبيلي جاي بسرعه ..

-يي تأمر وسويتلك ريوگ ..

اي يلا بسرعه جيبي ..گعدت بالصاله وجنه تلعب يمي..

امل..صباحوو شيخنا شلونك..

-هلا امل ..

-شني شبيك ضايج يابن العم..

-لا مابيه بس مستعجل..وينييييج عذرااااء..

-ايي اي اجييت..تفضل بالعافيه ..