لآجلهم ضحيت[منقولة]

[15]

#الخامسةه_عشر{15}
#من #رواية »» #لأجلهم_ضحيت
         للكآتبه #أودي_الشلوي 👑

***
امـتـعونـي بـأرائكم الـطـويـلـه فـانـزاتـي
********
              «قــراءةه مــمـتـعـةهـ»
****
///
ايناس:كانت في عالم وفي دوامه مسكت تليفوون امها بالسرقه ودزت ل فيصل رساله:خوتي علمو بعلاقتنا وهم اسكتو عشان خاطر قصة امينه لكن والله اذا ماتصلح غلطتك اليوم علي وع اعدائي وعنذي مايثبت وماتنسش ?
فيصل لما شاف الرساله انصدم وقعد يمشي جاي وغادي ايش نبي ندير نا توا مالي الا نمشي ل امي ?
فيصل خش لقاه بنات خالته وخالته قعدات عائلتهم: كيف نبي نقولها كيف بس :نادى ل امه ;
امال:نعم كنك ?
فيصل:كلمي هاجر نبيكن في موضوع ?
امال:خير ان شاء الله ?
خشن امال وهاجر ; هاجر كانت متوقعه كانت عارفه انه يبي يصير هكي قعد فيصل يقدم في مقدمات وهاجر قلبهاااا يبي يطلع من مكانها
هاجر من كثرة التوتر:اختصر يافيصل?
فيصل :نبي نجوز ?
هاجر بحتت فيه زين وابتسمت: متوقعتهاااا من زماااان غريبه كيف راجيت ل توا ?
فيصل نزل راسه وهو مش قادر يحكي شي ?
امال وهي مصدومه :من جدك انت كنك هبل فيش قصرت معاك هاجر عشان تجيبلها ضره هاجر مافيش كيفهااا حرام عليك ;
فيصل:يامي نا جاي نبلغ فيكم مش جاي ناخذ اذنكم تفهمووو يعني نا راجل ومن حقي والشرع محلل اربعه وماتحرمونيش من حاجه انحبهااا ;
هاجر وهي خلاص قريب تموت وكان باين عليهااااا: ونا يافيصل ونااااا حرام عليك واعيالك شن ذنبهم ;
فيصل:انتي حتعيشي معززه مكرمه في حوشك وهي لهااا حوشهاااا كل وحده فيكن بروحهااا ;
هاجر:والله وامقرر شن تبي اتديرلناااا اخري ع اساس قاعده معاك نااااا تحلم باهي اعيالي وناخذهم وماشيه ل هلي ?
امال:لا يافيصل افطن ل روحك حرام عليك تخرب احويشك اعيالك يشردو بحت في وجههم ?
فيصل:يامي الشرع محلل اربعه ايش فيهااا?
امال:اربعه عينك والله انكم تبو تجلطوني ;
فيصل:ماتصدعوش راسي نا واخذ قراري ومنتهي الموضوع /
هاجر:قررررارك وخذيته ? تمام تمام يافيصل ربي يهنيك انا وعيالي ياريت تنسانا ;
فيصل صبا:يامي فهميها انه هذا حقي والشرع محلل اربعه ومش حنقصر معاهااا ولا مع العيال ;
هاجر:انت اكثر واحد تعرف اني نقدر ومانيش بحاجتك ونا واعيالي اللي باعنا بالرخيص نبيعوه بالغالي;
امال:استهدو بالله ? من اللي خشت بينك وبين مرتك الله لا يسامحهااا وين مادارت وجهها ;
فيصل:عيب عليك يامي بدال ماتقولي كلمة خير;
هاجر صبت من مكانها ; امال امسكتهاا:وسعي بالك وقعمزي بلا فضايح ?
هاجر:سامحيني يااعميمه نبي ناخذ دبشي وطالعه ?خلاص خليه يجوز وياخذ راحته ;
فيصل مصبي ويبحت فيهااا ;
هاجر خشت جوا وامال لحقتهااا خلاتهم قاعدات ويبحتن فيهااا وهي تبكي وجنهااا يجارن ?يهدن فيهااا بس هاجر سكرت راسهااا وخدت العيال وطلعت ;
امال خشت ع فيصل:مرتك عدت حرام عليك والله تعشم فيك قلبي وربي مش راضيين عليك دنياااا واخره دور من يمشي يخطبلك ومن يحضر فرحك من المزقوده هذي الله ياخذهاا ;
فيصل:تحسابي هاجر هاينه علي لا والله واقسم بالله قلبي متقطع عليهاااا بس غصبن عني ;
امال:وشن اللي غاصبك راه تقعدلي مسحور ?
فيصل:يامي نا غلطت مع البنت ونبي نصلح غلطي ?
امال:اي بنت عطك دا ?
فيصل:توا نحكيلك القصه ?
فيصل قعدت يتخيل في يوم اللي صارت فيه القصه:
كان مروح من حوش معاذ / وهو طالع لقا ايناس تحت المطر وترجا في الحافله ابتسملهاا لانه كل يوم يشوف فيهاااا وهي تديرله في حركات ;
نزل القزاز تاع السياره: نوصلك ?
ايناس بحتت فيه وكأنه ماصدقت: تمام ركبت في جنبه ;
ايناس:نخاف يشوفني حد معاك ;
فيصل:لا سياراتي مظلمه ;
ايناس: تمام وقعدت تدحنس وتدلع لعند ماصار بينهم ............... ونا ضعفت يامي بس بعدهاا معش تلاقينا قعدنا نحكو وحبيتها ماننكرش بس لو ماصارش بينا الموضوع هدا يمكن دست ع قلبي لانه هاجر والعيال عندي بالدنيا كلهااا ;
امال:يامراري الاسوووود البنت هذي اللي تبدلها ب هاجر  يانعلااااي ياربي صبرني نخاف ننجلط من وراكم كل واحد مصيبه بروحه مش مكتوبلي نتريح نا ولا كيف ;
فيصل:يامي مغير انتي اللي مكبرتهااا يهون عليك مانسترش ع البنت مهما كان نقعد قليل اصل كان سيبتهااا ;
امال صبت من مكانهاااا وهي تنفخ وتهزب بس ماعندهااا ماتدير امر واقع ;
////
معاذ:نوضي ديرينا فطور الساعه 12 توا.
انا فتحت اعيوني:خليني شوي تعبانه ;
معاذ كرني وحطني في حضنه: هيا جيعان نا ;
انا بحتت فيه:  توا نصبي ?
معاذ قرب مني وقعد .........
انا:مش قلت جيعان خليني نصبي نديرلك فطور ?
معاذ: تعالي قبل 🙈🙈🙈🙈 وصار بينا ...............
صبيت دوشت ودرت فطور ; فطرنا ;
معاذ:البسي عشان نمشو ?
  انا:تمام ; برمت ع الحوش ; وخشيت غيرت دبشي معاذ كان قاعد ع النت لحد ماكملت جيته:عطيني نكلم ماما قبل مانمشو ;
معاذ: تمام عطاني كلمت ماما واياد مشينا غادي لقينا الجو مش تمام طبعا مافيش صباحيه والعرسان مش جايين بكل ;
انا:اعميمه وين هاجر مش باينه /
امال:ياي وخلاص كان تعرفي شن صار اااان وخلاص من اعيالي ;
انا:شن يااعميمه;  وبدت تحكيلي في القصه;
انا شهقت: ياااانااااري ع هاجر ;
امال:والله حالهااا يشغل طلعت من هنااااا وهي تبكي بالعبره ? الله يسامجك يافيصل وخلاص ... ..:
:وايش ناقصه يااعميمه ايش بس ;
امال:والله ماني عارفه خاشه في بعضهاال ماتفهمي كيف ;
انا:مش جايين العرسان صح?
امال:لا لا مافيش صباحيه في العشيه خواتي قعدن عشان يبن يساعدني ;
انا:تمام ; وكمل اليوم هدا ونحنا نلمو في الحوش ;
اما هاجر كانت قافله تليفونهااا ; وقعدنا نبو نوصلولهااا ;
ع 9 عدن خالتهم والحوش فضا:
معاذ خش علينا:شن القصه االي سمعتهااا هذي ;
فيصل:عندك مانع ?
معاذ:تبي تبدل هااااجر بوحده زي هدي ?
فيصل:مادخلكمش بي مانيش اصغير قدامك نين تعلي صوتك هكي ازززززف  ;
معاذ:ياراجل نا وياك نعرفو البنات هذني شن ملتهن نعرفوهن كويس ;
فيصل طلع وسيبهم ; معاذ:ياراجل وين ماشي تعال هنا ;
فيصل: مسيبهم لكم وماحد يتفلسف ع وجهي تفهمو;
امال:ماني عارفه ياخسارة تربيتي لكم والله مش هك ربيتكم والله ااااه ياعلتي اللي نزمط فيهااااا لعند نموت ;
معاد:يامي خلاص وسعي بالك وبالك توا يردله عقله /
امال:هيا شيلني ل هاجر نمشيلهاا ونطمن عليهاا تليفونهاا مقفل?
معاذ:وتي روحك هياا ?
انا:نمشي معاكم ?
معاذ:مافيش داعي عليش النوطره ?
انا:معاذ وراسك خليني نمشي ?
معاذ: فنص فيااااا: كلمه وحده قتلك مافيش ?
امال طلعت لابسه عبايتها وبحتت في: كنك مالبستي?
انا:معاذ مابش ?
امال:خليهااا تمشي حرام عليك تخاف بروحها وبعدهاا تطمن ع سلفتهااا وخيتها ;
معاذ:هياااا بسرعه بس ;
نا خشيت جري لبست دبشي ; وطلعتلهم مشينا ل هاجر ;دقينا الباب ;
اب هاجر سلم علينا:تفضلو تفضلو ?سلمنا ع امها وقعمزنا ; جو العيال ; طلعت هاجر وهي عيونهااا متورمات ;
انا مشيت طول ضميتهااا:ياعيوني ;
هاجر:مقهوره في شن مقصره نا بس والله العظيم ماني مقصره معاه في حاجه ?
امال:معروفه يامي لا تخافي يامي كلنا معاك ;
هاجر:خلاص يااعميمه حتي لو معش يبي يجوز فيصل معش نبيه انتو ع عيني وراسي لكن فيصل خلاص معش نبي نشوفه ولا نسمع بسيرته ;
امال:عليك خبر بينكم دم ولحم مغير توا تحكي هك لانك فايره ;
هاجر:هو ماعدش العشره والعيش والملح ; خلاص ;
امال:هذن بنات الحرام يخربن في البيوت العامره الله لايسامحهن ان شاء الله ربي يبحت في حال هالعويله ;
امال:نا من رايي روحي اقعدي معاي وهو غمي عليه نبيش العيال ايتباعدو عني وفي نفس الوقت مانبيك تفضيلها الساحه. اكسبي راجلك وجيبيه وماتخليهااا نفرح بيه;
هاجر: خلاص يااعميمه نا االي بيني وبين فيصل ورقه يجيبها لي ويخاطني
///
روحنا ونحنا  قلوبنا متقطعه ع هاجر جيت نبي ننزل ;
معاد:مافيكي مانزل يلا للحوش ?
انا:خليني شوي مع اعميمه ?
معاذ:ازززززف راكي ضروري ماتشكبني ;
انا تنهدت: ورديت مكاني بخوف مشينا للحوش:جهزت ل معاذ ادبشه ; ونا غيرت دبشي ; وطلعت درت مكسرات وعصير وحطيتهم ل يطلع معاذ:
وقعدت نفكر ازعما حتي امينه تبرم ع معاذ ; والله مافيهن خير اخص والعنت شن دنبهاا هاجر لو تبرم ع معاذ ع طول مايمشيلها ماتتعبش بكل وقعدت سارحه في عالم ثاني ;
معاذ:ملك 😒😒😒
انا نقزت لقيته مصبي ?كنك بسم الله
معاذ:ليا ساعه نعيط ماتسمعيش في:
انا:لا ماسمعتكش والله
معاذ:خاطري نعرف فيش كنتي سارحه ;
انا:حتي عقلي تبي تخش فيه نفكر قاعده ?
معاذ:الله الله تمينااا نردو اخري ?
انا;ردي عادي جدآ رد ع كلامك لا اكثر ;
معاذ:انا معش تحكي معاي هكي تفهممممي ?
انا:تمام
مغاذ قعمز ع الكنبه وقربتله الصفره ?
انا:معاذ عليش قلت ل فيصل انه البنات هذن تعرفهن شن تعرف عليهن;
معاذ:مش مزبوطات ;
انا;هيييي كنهن غليش ?
معاذ:ملك صدعتيني راك من وعليش وكيف فوتيني مصدع ومش رايق ;
انا:به تمام 😯
عدن الايام ومافيش اي حدث جديد ; فيصل مسكر راسه ع موضوع الخطبه واعميمه كيف تبي تمشي تخطبله وهاجر مش راضيه وكيف بنتها بس شن تبي تدير مهما كان حتي ايناس تبيه يستر ع بنت الناس ;قعد فيصل يضغط عليهاااا نين وافقت ;
بعد اسبوعين:
مرام:ياماما كيف تديري في هاجر هكي والله العظيم توا تنقهر ب زياده ;
امال:غصبن عني والله ايش اندير خوك مسكر راسه ;
مرام:خليه يمشي بروحه ماتمشيش معاه;
امال تنهدت: الله غالب /
فيصل:هيا يامي وقت ع العرب; مرام طلعت مع امال وهي تأنبلهااا في ضميرهاا ;
فيصل:مرام لكيلي فمك واسكتي راه نجيك ;
مرام:  😒😒😒😒
/
انا:معاذ شيلني غادي نسهري مع مرام ?
معاذ:خليك قاعده توا نجيب مرام هناا ;
انا:مرام توا مرت راجل كيف تبي تجيبها الراجل حاطهااا عند هلهاا ;
معاذ:مش شورك انتي وانتي ماتبيش الحوش بكل ;
////
امل:من جدك ي ايناس تبي تاخذي راجل من مراته واعيااله والله العظيم تحشم فيك ;
ايناس تنهدت ودارت وجهها غادي ;
فاطمه:اللي يعطيك حبل كتفه بيه
امل:يامي لكن انتي امهاااا امنعيهااا ;
فاطمه:حقيتي شن دارت انكلبت لما قتلها لا ماني موافقه خليهااا ع كيفهاااا ماعندي مانديرلهااا خليهااا تجينا من قدام خير من لاوره ;
//
امينه:الباب يدق اكيد هم  ; مشت فتحت الباب;
امال وهي ماحتي راضيه تسلم من راس خشمهااا قعمزت وماحتي عاجبهاا الوضع كان باين عليها ;
امال:نا ولله ماعندي مانقول وماعندي كلام بعد فيصل هو كبير ويعرف مصلحته خير مني 😊
فاطمه: معاك الحق وتبحت في ايناس االلي مقعمزه وتفنص فيهااا لانهاااا شافت معاملة امال الناشفه;
///
انا مقعمزه ع التلفزيون : نمشي ندير كيكه كان جت مرام نشربو بيها القهوه صبيت درت كيكه وزينتهااا ; سمعت الباب انفتح ; خشت مرام :خيرات ووسلمنا ;
انا:درت كيكه نشربو قهوتنا معاها ;
مرام:امممم بعدها كيكتك لا تقاوم ضقتها مره تجنن ;
انا:درتهاا ع خاطرك كان ع معاذ مغير يبقي يطلع في علل فيهاا:
مرام:مقهوره ع هاجر ;
انا:اه ياخيه ربي يصبرهاااا كل ليله نكلم فيها من تليفون معاذ منهاره بكل ;
مرام:انا اول امس مشيتلها نا وسراج خذينا حطام للعيال ومشينالها وجهها اصفر هاجر اللي كانت مافيش حد كيفهااا بالاهتمام وبرقتهاااا بكل الله لايسامح بنات الحرام ;
انا:شن جو سراج ها مافيش تطورات ;
مرام تنهدت: لا ع حطت يدك قاعده نرقد مع ميس في دارهاا كالعاده والشقه مستحيل نرقالهااا ;
انا:ليش ماتحاولي تقعدي في شقتك تعطي ل روحك فرصه مرات لما يسكر باب بينكم. ربي يصلح بينكم ويتقرب منك ديريله جو والبسي / شوفي نا معاذ صاح هو ع ايدك معاملته لي مش تمام بس لما نلبسله ونديرله جو يحن شوي يبال سراج طيب /
مرام:خايفه يحرجني ويكسر بخاطري ونا مش ناقصني ;
انا:وما نا يحرج فيا معاذ ع طالعه وع نازله بس لانه راجلي نبي نحافظ عليه ;
مرام:تحبيه معاذ ?
انا:نعرفش شعوري حالياااا ملخبط مرات نقول نحبه بس الموقف اللي يديره لي يكرهني فيه بزياده ;
مرام:والله تعبانه صاح سراج معاملته لي تمام بس مش متقبلني بكل ?
انا:توا انتي تخلي الناس يشكو فيك صح تخليهم يقولو كنها تبات عند هل دارها / خليك في شقتك ياحنه والبسي وديري جوك /
مرام:ان شاء الله ;ايش صار مع امك /
انا:والله الحمدلله في تحسن استجابت مع العلاج وحاليا اياد يقرا في لغه واهو جوهم تمام ;
مرام:شكله انسجم اياد غادي ?
انا:اه جاد الحق مش مقصر ومايفارقش فيه بكل وحتي اميره بالحق جميلهم ماننساه ;
مرام:جاد ديمه هك متاع مواقف ?
انا:بكل ;
مرام:درعنه ماما شن صار معاهاا عدت وهي واصله حدها خفت يرقا عليهااا الضغط ;
انا:خبر يجيب المرض بنات بكل ضاقت ياموسعهااا ;
مرام:بكل الله يقهرهااا زي ماقهرت هاجر ;
انا:يالله ياكريم ;
///
امال صبت م مكانهااا : مع السلامه في هالساعه ;وطلعت من احذاهن ركبت مع فيصل:شيلني ل هاجر /
فيصل:يامي كنك عليش ايش تبي فيهاااا ;
امال:ايش دخلك انت مش شورك  ?
فيصل: فكيني من السانها يامي;
امال:السانهاااا توا تمت السانهااا اه عارفه لو ماانك غالط مع البنت واالله لا مشيت ولا وطيت اعتبتهم لكن الله غالب
مشو فيصل واعميمه ل هاجر: فتحت امها:
امال:نا جبت معاي فيصل بالك توا توافق ترد ?
ام هاجر: والله مسكره راسهاااا وماضني يسير منهااا لكن مانبيش نسبق الاحداث;
فيصل:كلميهااا ياعمتي توا نتفاهم معاهااا خلونا برواحنا;
ام هاجر:الله يهديك ياوليدي عليش درت في روحك وفي هاجر وفي اعويلتك هكي ;
فيصل:ياعمتي كلميهااا بس وتوا نعرفه كيف نسهري معاهاا ;
ام هاجر خشت جوا ;طلعت هاجر عليهم:; لما شافت فيصل جت تبي ترد لاوره:مش قتيلي اعميمه ياماما ?
فيصل:تعالي هنا ياهاجر نحكو ونتفاهووو وبعدهااا اللي تبيهاا يصير;
هاجر:نبي ورقتي ندخيلتك طلقني معش نبي منك شي ;
فيصل:الكلام ساهل راهوووو ديري حسابك انه بينا اعيال;
هاجر ضحكت ب هزوه:وانت عديت العشره والعيال ;; للاسف لا ;
فيصل:نا شن درت يعني نبي نجوز ع سنة الله ورسوله ;
هاجر:والله 😊 ربي يهنيك ياريت تسقدني بطلاق حتي نا نبي نجوز ?
فيصل:ايش ? وجا يبي يتحزز عليهاا ;
هاجر:زي ماسمعت من حقي نعيش حياتي حتي نا 😊 مش بس انت ;
وبحتت في امال:اعذريني يااعميمه لو بروحك كنت نخليك تقعدي بس معاك فيصل 😊
امال:بحتت في هاجر ب قهر ومقدره موقفهاااا وحاسه بحرقة قلبهااال طلعت هي وفيصل طول الطريق وامال تبكي ;
كان الوضع بكل مـتأزم والجو. مش تمام مرام جاها سراج وطلعو ونا قعدت مككسده نرجا في معاذ ;
بحتت من عند الروشن لقيته سيارته موقفه قدام عيت فاطمه'
امينه:والله ضلمتني يامعاذ?
معاذ:قتلك توا انتي وقفتيني هنااا تبي تلبسيني زي مالبستن فيصل وخدا اختك قيسكن شله مايعلم بيهااا الا ربي:
امينه:معاذ نا والله مش كيف مامصورلك عقلك  ;
معاذ:خليني نمشي في طريقي يابنت الحلال ;
امينه:نرجا في رنتك اوك 😍
معاذ بحت فيهااا ب رفعة حاجب وطلع للحوش ;
هذا كله ونا نشوف فيه ; كنت تعبانه بطريقه غريبه وتالفه وشعوري كان غريب لما شفت معاذ قذام حوش عيت فاطمه نار شاطت فياااا لما شفته جاي مش عارفه ليش معقوله نغير ناااا? نغير ع معاذ?كني ناااا نسيت ولا كيف نا ومعاذ زواجناااا مؤقت ضروري نوعا ل روحي كني بديت انتمتادى ;
معاذ فتح باب الحوش ;
انا:صبيت من مكاني ;
معاذ:مرام عدت ;
انا:اها وسندت روحي ع الساس ;
معاذ:كنك ;
انا:نفس الدوخه اللي صارتلي امس ;
معاذ ابتسم: درتلي اختبار متاع الحمل ?
انا:لا مااعتقدش حمل;
معاذ:بالك تطلعي حامل ونفضو السيره ;
انا:يارب
معاذ:عدي خشي ديريه هيا ;
انا ابتسمت ب قهر:تمام مشيت خشيت درت الاختبار وطلعت ;
معاذ مسك الاختبار : بحت فيه: مبروك ?
انا بلعت ريقي: ايبارك فيك ;
معاذ قرب مني وحضني: المره هذي مش زي االلي فاتت وحسيت بالدفه في حضنه ;
انا:كيف يعني ?
معاذ:يعني نبيك تحافظي ع روحك وترقدي بس ;
انا:تمام 🙈🙈🙈
معاذ:تعالي وكرني مع يدي وحطني ع الساس ;
اناقربت منه وبسته بوسه خفيفه ع لحيته واول مره نديرهاااا شالني ورفعني فوق ?وحطني ع المرقد وصاااارررر بيناااا .....................
ثاني يوم لقيت روحي في حضنه:
معاذ:هيا نوضي ديرينه فطور ?
انا:تمام وصبيت درت فطور معاذ جاني من لاوره وباسني ......
فطرنا ;
معاذ:هيا نمشو لدكتور ;
انا:نمشي نلبس ; لبست دبشي وطلعنااا ;
;;;
امينه:نورس حسيت بانه السحر مش معاطي مفعوله /
نورس:لا كله تمام ;
امينه:شكله مفعوله مش قوي ;
نورس:يمكن يحارب فيه او يتعالج ;
امينه:اه ياربي كيف هذا معقوله ل توا ماطلقهاا ;
نورس:توا نشوف الموضوع هذاااا بس اصبري سكرت امينه;
امل:واك عليك ماتشعفي بكل انتي ?
امينه:نا حلفت اني مانسيبهم ولا نخليهم ايتهنو ?
رن عليهاا فيصل: ها ياايناس ;
ايناس:تميت تقولي ها جديده هذي;
فيصل:انا خطبتك عشان اللي صار بيناااا نا مرتي ماتستاهلش مني ندير فيهااا هكي والله ماتستاهل ?
ايناس:ونا شن ذنبي حرام عليك ?
فيصل:ذذذذذنبك اااااه ذنبي ناااا شن يوقف فيي هذك اليوم ?
////
انا:تبي تمشي شور اعميمه ?
معاذ:اه نمشي نتغدو عندها ونبشروهااا وبالك ترضا تجي تقعد معانااا تريحك شوي ;
انا:عيب عليك راك تطلب منهااا هك عيني عينك تعالي اخدمينا ;
معاذ:اسكتي بس ;
انا:به تمام ومشينا شور اعميمه;
معاذ:صباح الخير /
امال:صباح الورد كيف هالجيه اللي ع الصبح ;
معاذ:كنا في العياده ?
امال : كنكم ان شاء الله خير ?
معاذ:ملك حامل ?
امال:اوووه مبروك عليكم ان شاء الله من قسمكم يارب ;
معاذ:يارب وتوا جايين ناخذوك تمشي معانا غادي عشان ملك وضعهاا
امال:لا والله مانقدر نمشي فيصل يقعد يلط خليني هنااا وانتو اللي تعالو معاي الحوش فاضي ومافي حد ;
معاذ بحت في ; نا هزيت براسي تمام ;
معاذ:هيا نمشو للحوش نجيبو دبشنا ونجوك: تمام يامي ;
امال:تمام ومشينا للحوش معاذ كان فرحان وباين عليه الفرحه ;
قعد يلم في الدبش ; معاذ مسكني وحطني ع الساس وحط خشمي ع خشمه نبيك تحافظي ع روحك باهي ; ناخذيت نفس: تمام باهي معاذ قعد يبوس في:  بعدها وخر وقعدت نلم في الدبش شفت حاجه لفتت نظري من بعيد قربت منهااااا............يتبع