#حكايتي
#الجزء_الرابع
خشت الوليه تصلي وينزل سند يبي يصبح على أمه..
_صباح الورد ياغاليه😍
=أحلى صباح ع عيونك السماح🤤
_اهو الكلام السمح هذا ليش اول ماتنوض ننزل عليك طول 😂نفتك من النكد الي عندي فوق 🚶♀️
=كنها شن دارت 😕
_تبي دبش لفرحه أختها ودايرتلي بابا زن مالصبح😫
=وشريلها ياباتي وشن فيها تريد تطلع قدام هلها وتفاخر بيك 😌
_تحرق الراتب كلهه عاد يمي وشن نوكل العيال🙄
=والله انت الوحيد العاقل ف خوتك ومراتك ربي يهديها 💁
_ان شاءالله تو خلي نعدي نفطر ونسمع باقي الأسطوانه🙂💔
=تعال قبل مااتنكد عيشتك نريد نحكيلك موضوع🙄
_شن في احككي😳
=مريم جوها عرب🙆♀️
_كيف وامتى ومن هما😮
=نعرفوهم كويس ويعرفونا😌
_احككي يمي بسرعه شوقتيني ازح😂من الضحيهه🤦♂️
=أيمن👀
_من.. من..؟؟؟؟ 😳
=أايمن ولد عمتك حواء 💁
_أيمن ماغيره🙄
=عليش كنه😕
_ومريم عندها العلم🤔
=عندها وموافقه💓
_مالا متفقين وناهيين موضوعكم🙄
=امس هذا جتنا وحكت والبنت قالت موافقه وانا مابيت نفجعكم ونواعيكم امبارح وقلت الصباح رباح🙆♀️
_اممم متأككده مريم موافقه🌚
=اي متأكده، عليييش؟؟
_سبحان مغير الأحوال 🤗
=نصيب،، المهم توا نحن مانريدوش مهاب يعلم مانبو مشاكل والوليد وعارفينه وأختك لا تريد مهر ولا حاجه تبي الستره والراحهه 🚶♀️
_وكنه مهاب عليش ماتبوش يعلم👀
=هكي مش طايق أختك وكل شوي متعارك معاها نخاف يخرب عليها 🤦♀️
_يصير خير يصير خير 🖖
=وين مااااشي😕
_نبي نفطر يمي،، شوي وننزلك 🙂
=بااهي بشوي مع مراتك الصبايا اعقولهن اصغار تفاهم معاها بركاح 😌👏
_ان شاءالله يمي
،،،،،،،،
تلاقى سند مع حمد ع الدروج سلمو ع بعضهم وسند حكى لي حمد رأس الموضوع لككن مانبهش مايحكيش لي مهاب ونزل حمد وسند مشى لشقته 🚶♀️🚶♀️
نزل حمد لقى أمه اتصلي،،،
طلع يجيب ف حاجات ناقصاته وتلاقى مع مهاب ف المحل هدرزو مع بعضهم ومهاب قعد يسأل ويبي يعرف أخبار الحوش ويسأل ع مريم اشوي حمد قاله:
_ طلعها من رأسك وتريح خلاص حتتزوج وتفتك منك ومن ظلمك 💔😕
مهاااب تفاجاء،، 😮😮😮
=ومن هذا الي يبي يتقدملها ومن امتى ومن وين تعرفه وكيف انا ماعنديش علم والله مش خوك ومش كبيركم 😡😡😠😡
_ تحشم نحن ف محل والناس تسمع فيك بعد تطلع تلقاني في سياره نرجى فيك🔥
=مانبيش نسمع منك لو دايريلي اعتبار ماتجيش تحكيلي توا واخرى ف محل وبالصدفه وكأنك تعطي فيا العلم بس 😑
_ومن قالك نبي ناخذ رأيك وأنا فعلا نعطي فيك العلم🙂🔥
=لو ماهو صبح وقدام الناس كنت ضربتك توا وحطيتك في حجمك 😑👊
_باهي الي عرفت الحشم،نتلاقو ف الفاتحه ياخوي وكان ماتبيش تجي عادي 😉👋سلام ياكبير
،،،،،،،،،،،،
روح حمد للحوش ويسمع في أمه تبكي😳
خش بسررعه🤦♂️
_شن في ياهوووو من مات😵
=من يوم مات باتك وانا ف الغصايص والقهر😭
_شن في بس يمي كنك😔
=مهاب كان يكلم فيا توا😣
_ككنه شن قالك؟؟؟؟!🔥
=قال مريم ماهيش متزوجه لو يقتلها وهو مش سطل عشان تمشي الميه من تحته وقال تو نواريكم نجوم الظهر ونقلب الدنيا عليكم وصكر ف وجي😭💔
_والله مايتحشم ع وجه وانا تو نواريه الاحترام كيف🤦♂️
=لا الله يربحككك برضاي عليك سلم اوليدي ماتحط رأسك برأسه وتضحك علينا العرب وتربة باتك اتفوته خوك الكبير،كان تريد تجلطني امشيله وتعارك معاه،الله يربحك ياباتي ماتكسر قلبي عليكم وتقعدو تفرجه للناس خليه تو ربي يهديه😭💔
_والله ماهو كاسرني إلا إنتي يمي🤦♂️🔥
طلع حمد وحكي مع مريم
_مرومه 😉
=نعم يااحميده💓
_صباحك مبروك وعدوك مهلوك😌
=ان شاءالله عدوي وعدوك 💜
_مرومه أنتي موافقه ع أيمن😉
=احم🙈🙈🙈🙈
_نجيها الي متحشمه😌💓تخيلي وانتي قايلتلي موافقه 🙄عشان نخلي الطاجين يعلم ع وجك😒
=تححكي جديات😳💔
_لا نشفط عليك معقوله نخرب وجك اكثر ماهو خارب🙄
=ككنها جايتك عليا عدي على مراتك 😑
_لامنقدرش انتن بسلامتكن ماتحملنش البصاره نخاف نبصر معاه نلقاها جهزت دبشها وتقولي حطني عند هلي🤦♂️
=عشان تعرف بصارتك غليظه😑
_شن قلتي توا😒😒😒
=قصدي اني موافقه💜
_شن قلتي 😒😒😒😒
=يارا ورأسك أمك جسمي مش مستحمل😭حل عني خلاص انا موافقه ونبي نتريح من هل العيشه مليت وتعبت ونبي نتريح خلاص😭😭😭😭💔
_نبصر عليك ياهبله نموت ولا انمد يدي عليك تعالي ياعنشكلك معقولا انا انزل دمعتك 😣
ويخش سند عليهم
سند: الله الله ع جو الرومنسيه ع الصبح والنككد متاعكم عليش اتباكو 😒
حمد: اسكت انت يالعبد شن فهمك انت في الرومنسيه 🤤
سند: وطي صوتك وتو تسمعك الوليه تقولي حتى خوك نقد عليك💔مش ناقصه العمليه ياراجل مترقعه ترقيع😂😂
سند: قتلكم أمي كنها مصكره دارها عليها 🙄
حمد: توا كنت معاها وكنا انهدرزو 🙂
مريم: ليش مادقيت عليها 💁
سند: تصدقي فاتتني ياعبقريه 😳
حمد : معشان انت حمار وماتعرفش تفكر 😂
مريم:😂😂😂😂😂
سند: والله انكم بهايم وحرام نقعد نا خوكم 🙂🔥ما دقيت عليها وماردتش🤦♂️
حمد: تحككي جديات 😑
مريم: تو نمشي نشوفها 🚶♀️
وتعيييييييط مريم اااااااااامي😭😭😭😭😭😭😭
ويخشو يجارو سند وحمد 😳😳
#الكاتبه_masho
💜💜💜💜💜💜
