رواية أحبها بجنون رغم صدها لي

البارت 4

السلام عليكم ورحمة •اللّـہ̣̥ وبركاته
كيفكم عساكم بخير ي رب
إعذروني ع الأخطاء الإملائيه
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
إنتهت من تجهيز الفطور وشالته وراحت وحطته ع الطاوله بصمت ودارت بتروح بس ناداها عادل
عادل بأمر: تعالي إفطري معاي
لينا بخوف :لا خالتي الحين بتجى وتشوفني هنا
عادل بنظره حاده :انا وش قلت
خافت من نظرته الحاده الي بالنادر ماتشوفه يناظرها كذا
سحبت كرسي وجلست وبدت تأكل بصمت
ناظرها وابتسم وقال بنفسه مهما سوت هالبنت تلفت إنتباه الغير بتصرفاتها الطفوليه
والله بـ.............قطع حبل افكاره امه وهي تقول بغضب :هي لينوه شمجلسك هنا
قامت وقال بتلعثم :ها.....اي صح....عادل طلب اجل ااكل وياه
ام عادل بسخريه :لا بالله إحلفي
عادل بهدوء :إجلسى يايمه وانتي يالينا روحي المطبخ وانا لما نخلص فطور بناديك
هزت راسها بحزن وراحت وهي تسمع خالتها تتحلطم
༼☆ﾟ. * ･ ｡ﾟ ༼☆ﾟ. * ･ ｡ﾟ ༼☆ﾟ. * ･ ｡ﾟ ༼☆ﾟ. * ･
اول ماوقفت السياره امام باب المستشفى الكل نزل يركض دخلوا وبسرعه ركبوا الأسنصير وضغطوا ع الطابق الثالث
اسيل بهدوء: بنات اول خلونا نفهم من الولد شصار
الهنوف: اي اكيد
انفتح الباب وخرجوا وهم مشتتين
رغد :بنات وينهم
أثير :خلونا ندور عليهم
أسيل :اقول انتي وهي إسكتوا بتصل ع الولد
واتصلت وقالت للولد إنهم عند باب الأسنصير
سكرت منه والتفتت للبنات :بنات الولد الحين بيجي يدلنا لغرفت عبير
رغد بخوف :الله يستر
بعد شوي جاء الولد
الولد للبنات :لوسمحتي اختي
الهنوف :نعم
الولد: انتم الي تصيرون لعبير
اسيل :اي احنا
الولد دار ومشى :إمشوا وراي
مشوا وراه بهدوء وبعد دقيقتين وصلوا عند باب الغرفه الي منومه فيها عبير
الولد :عبير داخل بس لسى ماصحت
رغد :انا بدخل اشوفها
اسيل للولد :ممكن تقول وش صار
الولد بحزن ع حال عبير وابوها:كنت جالس بالمطعم وفجأه الكل سمعها تصارخ كلنا رحنا نشوف شفيها
وحده من البنات سألتها شفيها ردت وهي تبكي وتتمسك بيدي ودوني لأبوي
الزبده ويوم وصلنا بيتهم نزلت تركض وانا وراها ويوم دخلنا البيت شفنا ابوها على الارض والبيت كله مكسر وفي شاب كان على الارض ومغطى بالدم عبير وقتها اغمي عليها
وانا مادريت شسوي رحت وإتصلت ع الإسعاف وبعدها نقلنا الكل لهنا
اسيل بدموع وهي خايفه :مين الولد الي كان مغطى بالدم اقصد إوصف لي شكله
الولد :الشاب لا طويل ولا قصير وشعره ناعم وفي يده اليسار حرق او عمليه ماادري
الهنوف بصدمه: عواد
رغد بصدمه اكبر وبهمس :لا إلا عواد
اسيل للولد :اي تسلم تعبناك معانا
الولد قام وقال وعيونه بالارض :ولو هذه واجبي
تبون تدخلون عند عبير إدخلون لان الدكتوره قالت صح الصدمه كانت كبيره لها بس هي اقوى من كذا
اثير وهي تبكي :خلونا ندخل
الكل دخل وبقى الولد خارج الغرفه
تنهد بضيق وراح جلس عند غرفت العمليات يستنى اي دكتور يطلع عشان يطمنه على عواد وابوعبير
Π√Π√Π√Π√Π√Π√Π√Π√Π√Π√Π√Π√Π√Π√Π√Π√Π√Π√
كمل فطوره وحب راس ابوه وامه
وقال وهو ماشي :دعواتكم يالحبايب
ام فيصل بحنان :ربي يحفظك ويايمه
ابوفيصل: •اللّـہ̣̥ يكون بعونك يابوك
فيصل وهو يعدل الغتره عند المرايه الي عند الباب :ويخليكم لي يله باي
ام فيصل وابوفيصل: بحفظ الرحمن
خرج وركب سيارته الكحليه ومشى متوجه الشركه وهو متحمس لاول يوم له بالشركه
وصل ونزل من سيارته واشر لواحد من الآمن الي جالسين عند باب الشركه
جاه ركض ويده خلف ظهره :إإمر
فيصل عطاه مفتاح السياره :روح صف السياره بمواقف السيارات التابعه للشركه
الآمن :إبشر طال عمرك
مشى عنه ودخل الشركه بكل هيبته ووسامته
كل مامشى الكل يوقف له بإحترام والي يبارك له والي يمشى وراه بأمر من ابوفيصل
السكرتير وهو يفتح باب المكتب:تفضل طال عمرك هذه مكتبك
فيصل:الحين انت حمد سكرتير ابوي
السكرتير حمد :اي طال عمرك
دخل فيصل المكتب وجلس ع الكرسى الجلد الاسود :اها روح وجيب كل الاوراق الي وصاك عليهم ابوي
حمد :إبشر ثواني وهم عندك
قال كلامه وخرج من المكتب
رفع السماعه وطلب فنجان قهوه
وقام وجلس يناظر المكتب بأعجاب
المكتب كان عباره عن طاوله كبيره وفي وسطها الكرسي الجلد الكبير
دون الكنب الي بالجهه الثانيه والنافذه الكبيره المطله على الشارع
وفي الجهه الثانيه مكتبه متوسطت الحجم للملفات والاوراق المهمه
سمع صوت الباب يندق رجع ع الكرسي الجلد وقال بكل ثقه :إدخل
دخل العامل وحط القهوه ع الطاوله وخرج
ومن بعده دخل حمد ومد الاوراق لفيصل :تفضل ياطويل العمر
فيصل: فيك تنصرف
حمد خرج من المكتب وهو يقول بنفسه اوووف كيف بتحمله شكله مغرور
اما عند فيصل فتح الاوراق وبدا يقراء
ويفهم شوي شوي
بعد نص ساعه من التركيز ابعد الاوراق من قدامه وقال بفرح :اها يعني اليوم في إجتماع بشركت عمي عبدالله عشان الصفقه بتم اليوم
ومن بعدها ابدا شغلي مع الشركات الي ب فرنسا حلو
سكت وكمل شغله بتركيز دقيق